الف شكر يا فندم
عرض للطباعة
الحق يتقال
أفضل مركز صيانة بيجو بصفة عامة وممتاز في البيجو 406 بصفة خاصة هو أحمد عمارة بجوار حديقة الفسطاط
جربته كتير وبتعامل معاه، وجربت ورش بيجو تانية ومراكز تانية ووجيه أباظة
للأسف الأغلب أي كلام وبالذات التوكيل اللي في غمرة، والأسوأ مركز بيجو اللي في أول شارع الهرم على اليمين وانت طالع من نفق الجيزة، إحذرووووووووووووووووه
أحمد عمارة أسعاره أغلى شوية بس بيعمل حاجة وتنساها وتشخيصه 100% ومواعيده تمام لو متابع معاهم، ومجربه في عربيتين 406 وعربية أخويا 405 بصراحة تمام التمام
تاني حاجة، ألا وهي قطع الغيار الجديدة بلاقيها كلها في شارع مجلس الأمة
أما الاستيراد فعليك وعلى بورسعيد الحاجات اللي فيها فعلا بحس إنها فرز أول غير الموجود في القاهرة والأسعار ممتازة بس حضرتك تفاصل معاه وأبو 500 تجيبه منهم 250
وفوق كل ده العربية لما تتظبط وتتراعى الصيانات العادية مش هتحتاج لا ورش ولا صيانات تانية
الأسد أسد
تيل الفرامل باشتريه ماركة Bendix انجليزي وتمنه يتراوح 190-210ج.م وبيقعد من السنة للسنة
كان معايا لانسر 2000 وتيل الفرامل تجيبه من 60-70ج.م وبتغيره 4 مرات في السنة
الأصلي بتاع الأوبترا كوري وبتجيبه من التوكيل 400ج.م مش حرام؟؟؟ ويتغير مرتين تلاته
علما بإن معدل استخدامي 50-60 ألف كم سنويا!!
حد يجاوبني... تركب 406 ولا حاجة بلاستك من بتوع اليومين دول؟؟؟
تسلم ايديك
طيب انا كل سنة مع وقت تغيير السيارة, عينى تتطلع على ال 406, و فى الأخر بتراجع, المشكلة بالنسبة ليا الخايف منها هى الفتيس ثم الفتيس ثم الفتيس, اليقول فيه مشكلة قبل 2003, و ضبطوها من اول 2003 او 2004, و اليقول زيت الفتيس بيتغير كل 40,000 ك و واحد تانى بيأكد انه لازم يتغير كل 20,000 ك, وزيت الفتيس غالى زى الالمانى بيعمله 750 الى 1000 ج و كمان بتغير كل 20,000ك (فى البورا كل 60,000 ك).
عاوزين رد قاطع فى النقط ديه من حد قديم معاها, و الفتيس استيراد كان بيتكلم فى 10,000 ج, سألت عليه السنة الفاتت من غير فصال بداية كلام كان 7000 ج.
طيب مقارنة العربية ديه بال 307 sw, طبعا مينفعش نقارن مواتير, طب نقارن ثبات, و جودة العفشة و العزل الداخلى و قلة المشاكل, و اسعار و توافر قطع الغيار, ايه رأيكم.
ال 406 عربيه غير
مينفعش وانا بتكلم عن 406 متكلمش عن الموتور
الموتور ده ناعم بغباء قوي كلاسد 136 حصان
العربيه طلعتها طلعه ثقه
ثبات ممتاز واحسن سنه فعلا من 307
قطع غيار مترميه في كل حته وخصوصا استيراد
نيجي بقه لمشكله الفتيس
مشكله الفتيس في 406 متختلفش كتير عن مشكله الفتيس في الاوكتافيا مثلا
لما بتحصل بيتغير فالفين فيه مع الزيت
الزيت بيتغير امتي ديه مدارس
يعني انا افضل الامان كل 30 الف اعتقد معدل معقول
مدرسه تانيه يقولك مبيتغيرش خالص الا لو فيه مشكله وبيتكشف عليه فقط
عموما تحت امرك انك تجرب العربيه في اي وقت
وشكرا
اولا, شكرا يا باشا على الرد السريع ,انا من الأول طلعت الموتور بره المقارنة لأنى عارف انها نقطة تفوق باكتساح لل 406 مش بس قدام ال 307 لأ قدام اى عربية تانية 1600 و بعض مواتير ال 2000 سى سى كمان.
طيب نرجع لمرجوعنا الفالفين دول عشان يتغيرو فى ال 406 بيكلفوا كام. و طبعا ده فى احلال و فك للفتيس بالكامل فى الحالة ده, هيرجع زى الأول.
طيب زيت الفتيس بأه: فى البورا الزيت بالفلتر يكلف بتاع 950 ج تقريبا ده الأصلى من اشرف الشهابى او الهاشمية. طيب فى ال 406 بيكلف كام, مرة قريت 1000 ج, و مره قريت 400 ج, لو 400 ج و يتغير كل ك30000 فده مقدور عليه, لكن 1000ج و يتغير كل 20000 او 30000 ك فده كتير شوية بصراحة.
طيب حد سأل على الفتيس استيراد بيعمل كام دلوقتى؟؟