-
فرامل m11
السلام عليكم اعضاء المنتدى الكرام
من حوالي شهر و نص غسلت عفشة العربية
و بعدها حصلت حاجة عجيبة جداً .. الفرامل على سرعات من 80 و طالع بيحصل معاها رجة شديدة جدا في الدركسيون يمين و شمال و معاها طبعا العربية كلها بتترج
كان عندي صيانة بعدها اشتكيت بالموضوع ده في الصيانة قالولي العربية سليمة و مفيهاش حاجة .. قلتلهم ازاي ؟ قالولي المهندس جربها
فجربت العربية بنفسي و لحد 100 كيلو المشكلة ملقتهاش موجودة
قلت الحمد لله مع اني مستغرب
انا بطبعي مش بجري بالعربية
لكن امبارح كنت مسافر و كنت متأخر جداً فكنت بجري
لقيت المشكلة لسة موجودة بس من 110 و طالع مش زي الأول
و الرجة أعنف من الأول بكتير
تفتكروا ده يكون ايه ؟
-
-
العفشة اتغسلت والطنابير سخنة
فعملت عالى وواطى ، ده اللى يعمل الرجة في الدركسيون مع الفرملة
وكدة الطنابير محتاجة خرط او تغيير حسب حالتها
-
الاجهاد الحرارى بتاع غسل الطنابير و هى سخنة مبيتعالجش بالخراطة... لازم تغيير
MMamdouh
-
هى للدرجة دى الطنابير بتسخن ؟؟ لدرجة إنها ممكن تنكمش بعد ما تنزل من العربية هو مش المفروض إن هى مش عليها أى احتكاك غير وقت الفرامل فقط ؟
-
غريبة !
مع اني مكنتش ماشي بالعربية كتير !
انا نزلت من البيت اخر النهار على البنزينة على طول
و البنزينة مش بعيدة حوالي 2 كيلو بس ! و الطريق سالك مفيهوش فرملة
معقولة تكون الطنابير بتسخن بالسهولة دي ؟
طيب ايه تفسير انها الاول كانت بتظهر عند سرعة معينة و دلوقت بقت تظهر عند سرعة أعلى ؟
و لية مش بتظهر الا عند سرعات عالية مبتظهرش عند ال 60 مثلا ؟
-
هى الفرامل شغلتها تحول الطاقة الحركية الى طاقة حرارية... طالما فرملت يبقى فيه حرارة اتولدت... و طالما حطيت مية على الطنبورة يبقى حصل تبريد فجائى
MMamdouh
-
طيب يا باش مهندس إيه اختصار حرف n فى الجير الأوتوماتيك ؟ وإيه أصل كلمة مارشدير ودبرياج ؟ وفى العربية الأوتوماتيك بطول ما إنت دايس فرامل ع الآخر ودايس معنى كدا إنك فاصل حركة ؟؟؟ يعنى مثلا لو واقف على ال p بتدوس فرامل عشان تحرر الفتيس لكن لو واقف على ال n عادى بتحرك على طول يعنى أنا مثلا بدوس فرامل وبعد ما أجيب على d ولسة دايس فرامل بحس بعضة والعربية عايزة تطلع معنى كدا ان الفرامل مش بتفصل الحركة صح ؟
-
طيب ممكن درجة حرارة الفرامل توصل لكام ؟؟؟ عشان معتقدش إنها لو 70 درجة أو 100 حتى هتخلى الطنبورة تنكمش بفعل المياه المفاجئ
-
100 درجة ايه يا باشا... انت طيب اوى
احنا بنتكلم فى درجات حرارة ممكن توصل الى 400 درجة فى الظروف العادية
http://www.ebcbrakes.co.nz/Portals/3...hart%20600.JPG
MMamdouh
Content Relevant URLs by
vBSEO 3.6.0 PL2