السلام عليكم ورحم الله وبركاته
أظن أن أصحاب ال 405 بيبقوا محتارين يروشا العربية ديه بالذات أزاى وده يرجع ان العربيه ديه وهيكلها ممكن يتعمل فيها أكتر من وضع ويليق عليها كذا شكل
لأن العربيه كبيرة وفخمة الشكل وليها هيبة فى قلوب الناس وكمان عربيات كبار موظفى الدولى
نرجع لموضوعنا وانا من رأى ان كل واحد حسب دماغه ورؤيته لعربيته
الأول : يجى واحد يقول انا مش هغير فيها على شكلها الأصلى مع المحافضه على شوية حجات أصلية للسيارة كويس أوى وشكلها محترم
التانى : عاوز يزود فخامة العربية فيركب فيها ستارير مع سرينة فدرالى أصلى على الوضع الأصلى ليها مع شبكة بيجو بالأسد الكبير قدام مع أسد بيجو ورا الجديد ويشيل كلمة بيجو 405 السودا الأصلى ويركبهم الحروف الألمونيا الجديدة مع جنوط 16 تبقى جامدة موت وتليق أكتر على العربيات الغامقةوانا كنت عامل الجو ده وكنت برعب أى عسكرى أو لجنة بيبقى ليها هيبة عالية أوى و هتبقى وضع مميز أوى
التالت : يقول أناعاوز أروشها بمعنى أنفخ العتب لبرة وأشيل جريد البيبان وانفخ الاكصدامين اللى ورا واللى قدام وأسقط مكنة كبيرة وجنوط وكاوتش الجديد مع لون مميز هتبقى حكاية
الرابع : يقولك أنا هعدلها برستيج بمعنى مريات كهربا أكصادمين وراه وقدام ومكنة 2000 سي سي وطبلوه أوكى برضه
فياريت نعرف راى اصحاب العربية دية اه وأسيبكم مع الصور