عرض للطباعة
بسم الله الرحمن الرحيم
السلام عليكم ورحمة الله وبركاته
ممكن تساعدونى انا عاوز حد يقولى على القاعات الافراح اللى موجوده فى القاهرة وتكون اسعارها كويس
بس تكون فى الجزء الشرقى من القاهره يعنى جسر السويس مصر الجديده صلاح سالم مدينة نصر ويكون سعرها ف المعقول
قاعات القوات المسلحة المشاة، المدرعات، الاسلحة والذخيرة، الحرس الجمهوري- كل دول موجودين في صلاح سالم
موضوع الاسعار ده حسب القاعة والباكيدج بتاع القاعة وعدد الحضور....
كل الدور غاليه انا عاوز حاجه تشل فى حدود 200 فرد ويكون سعرها فى حدود 15 الى 17 الف شامل كل حاجه
خد الفكره دى مجربه من قبل وهتوفر كمان معاك احنا عملناها من فتره اتفقنا مع كافيه كبير بس كان 120 فرد على يوم من 6 مساء الى 1 صباحا شامل كل حاجه ساوند سسيتم جاتوهات وعصائر وفى اخر الفرح عشاء فخم وتورته 4 اداور كان حوالى 7500 جنيه كان فى سنة 2009
شوف في دار المشاه..أو الحرب الإلكترونيه..أو في الهيئه الهندسيه
احنا لسه عاملين في الحرس الجمهوري قاعه القصر الصغير
كله عمل 19400 جنيه لعدد 140 فرد وخدنا هديه 10 افراد زياده
الفرد في البوفيه 80 جنيه
وزفه شامله
وتصوير فيديو واستديو
معتقدش حتلاقي في قاعه القوات المسلحة بالعدد الي انت طالبه والسعر الي محدده صعب شويه
حاول تقلل العدد لانكم اولى بالفلوس
وعلى فكره ياريت تروح تبص على الحرس الجمهوري حتعجبك اوى وناس منظمه جدا ومحترمه
اقتباس:
المشاركة الأصلية كتبت بواسطة heart_sugar
على فكره الرقم اللي قولته ده صحيح ..بس شامل البوفيه و الدي جي و الشاشه و الاضاءه..
بس مش شامل الزفه-الكوشه-فرش الكراسي-مفارش الترابيزات- السنتر بيس(و دي حاجه زي الفازه على الترابيزه)-تصوير فوتوغرافي-إضاءة السلم وكام حاجه كده.
أصل أنا فرحي كان في الحرس الجمهوري ..بس للحق هي أنضف حاجه في القوات المسلحه..بس أغلى حاجه فيهم بردو..
طيب هو محدش يعرف قاعات بتاعت اهالى مش قوات مسلحه ولا حاجه بتاعت شركات وتكون كويسه وتشيل عدد 200.؟
لا تعليق ع الاسعار اللى الواحد بيقراها دى الصراحة :d
دار المشاه...صلاح سالم
قاعه الف ليله وليله..
وفى قاعات على يمين كوبرى التجنيد وانت متجه لإشاره روكسى.....اعرف انها نظيفه لأنها لسه جديده ورخيصه والبروجرام انت كلفه براحتك....
مبروك مقدما...
ياخبر ابيض
يعني الواحد يطلع عين اهله شغل وبهدله عشان يروح في ساعه يكع 20 الف فيهم ؟ طب ليه كل ده؟ ايه الفايده؟
دوول يقعدوك انت والعروسه في تركيا ولا ماليزيا شهر عسل تفتكره بقية حياتك
طبعا غير الذنوب اللي غالبا لايخلي منها فرح
والله عايز اقول كدة بس قلت مش مكانه في الموضوع دهاقتباس:
المشاركة الأصلية كتبت بواسطة shaddadfalcon1
فى نادى البنك الاهلى
ممكن بالعدد ده يعمل 20 الف جنيه
انا عامل خطوبطى فى الحرس الجمهورى 250 فرد بس كنت مختار اعلى باكدج كان غالى شويه
ايه يا اخونا هو كلنا كنا في الحرس الجمهوري :) ، احنا كده ممكن نطلب يتعملنا قسم المتزوجين في الحرس الجمهوري.
هو المشكلة ان 200 عدد كبير وهتحتاج اكبر قاعة وطبعا العدد في الباكيدج برضه هيدخل في مبلغ محترم، جرب تقلل العدد هتلاقي اختيارات احسن