يا جماعة أنا دلوقتي بيعت عربية بـ توكيل في الشهر العقاري و عقد من المكتبة الأزرق ده و رحت اجدد لقيتها لسة بـ اسمي ولازم ادفع ضربة ترفيهية ... مش مشكلة يعني بس المشكلة دلوقتي لو عمل مصيبة بالعربية أنا هاعمل إيه ؟؟ هل في أي طريقة اشيلها من اسمي ولا اييه ؟ هيقعد يجدد كده باسمي ؟
شكرا
انا اشتريت العربية بتوكيل برضه هل كدا صاحبها هيدفع ضريبة ترفيه ؟ ولا طالما عمل لى توكيل خلاص وحوالى كام ضريبة الترفيه دى لعربية 1600 سى سى ؟ بس لو عمل مصيبة مش إنت المسئول والله أعلم لأن معاك نسخة من العقد اللى يفيد بيعها والعيب إن هو لم ينقل الرخصة والله أعلم
المفرو لما بتعمل توكيل لحد بالعربية مش بتكتب فيه تجديد و ترخيص بحيث لما الرخصة تنتهي لازم المشتري ينقل العربية باسمه أو ماتعملش توكيل و تعمل عقد مسجل و في هذه الحالة بقت العربية باسمه منذ كتابة العقد المسجل في الشهر العقاري و بتاخد صورة من هذا العقد و بتروح بيها المرور فمش بتدفع ضريبة رفاهية. أما لو كتبت في التوكيل تجديد و ترخيص يبقى انت كده عملت في نفسك مقلب و حتفضل العربية باسمك إلى ما شاء الله. أما من ناحية المسئولية الجنائية فانت المفروض بتمضي المشتري على إقرار استلام سيارة عند تسليم السيارة له. و لو ماعملتش كده حاول تأمن نفسك و تجيب المشتري دلوقتي و يمضيلك على إقرار استلام سيارة عشان تبقى في الأمان
على فكرة ياجماعة الموضوع دة مشكلته فى ان صاحب العربية بيدفع حوالى 70 جنية ضريبة ترفيهية اما حكاية الرخصة الشهر العقارى بيرفض اكتر من ثلاث توكيلات
بدل العربية متسجلتش بأسم المالك الجديد فى المرور يبقى خلاص
لو عاوز تحمى نفسك من لا قدر الله عمل مصيبه و العربية بأسمك
خد صوره من التوكيل و العقد و اطمن خالص
طب تمام شكرا ل اهتمامكم يعني أنا كده في السليم مادامت معايا العقد البدائي و صورة من التوكيل ؟
في أسوأ الحالات ممكن تفاجأ بحكم غيابي
بس في تلك الحالة لا قدر الله هتعمل معارضة وهتقدم الصور إللي معاك للقاضي وسيتم تعديل الاتهام
شكرا لاهتمامكاقتباس:
المشاركة الأصلية كتبت بواسطة AhmedBahgat