تفتكرو ده ضعف في ثبات العربية ولا مشكلة في الكاوتش ؟؟
السلام عليكم ورحمة الله وبركاته
فيه مشكلة بتحصل معايا وانا بصراحة حاسس انها بسبب رداءة نوع الكاوتش خصوصا اني مركب نوع مجهول كدة اسمه اكسليرا اندونيسي
-----
العربية عموما بعد ماعرضت مقاس الكاوتش وركبت جنوط مقاس 16 ثابتها اتحسن كتير عن الاول
خصوصا لما تاخد غرزة وتيجي تردها بقت استجابة العربية احسن من الاول ومابقتش بتروح وبتحس انها هتعوم منك
لكن فيه حاجة بتحصل وعايز اخد رايكم فيها
لما بكون داخل ملف
ملف واسع مش حاد -- زي ملفات الدايري كدة بيكون الملف واسع وعلى 5-6 حارات فمش بيكون فيه مشكلة انك تاخده على سرعة عالية
لما بدخل الملف ده مثلا على سرعة 120 ونفترض انه ملف يمين
وفي اثناء الملف لو حبيت اخد اي غرزة في اتجاه الملف
يعني الملف يمين وانا داخل الملف وعلى يمين عربية عايز اعديها من يمينها في اتجاه الملف
بمجرد اكسر الدركسيون يمين بزيادة في الملف وعلى سرعة 120 يعني مش سرعة عالية اوي
هي بتكون اكنها غرزة حارتين بس واسعة
وواخدها مرتاح مش قطم ولا حاجة
بلاقي ضهر العربية عرض وبسمع صوت زحف الكاوتش
اكني رفعت الهاند سنة ورحت منزلها تاني
ولحظات وبتكون العربية عدلت نفسها تاني
وده حصل معايا كذا مرة والمشكلة ان بتكون الملفات واسعة والغرز واسعة
وبحس ان العربية اكنها مش بتقدر تحافظ على التماسك بتاعها
بمجرد تحود في اتجاه الملف العربية ضهرها بيحدف
فانا حاسس انها مشكلة في الكاوتش انه بيفقد ال Grip بتاعه بسهولة فالعربية بتعرض للحظات وبتعدل نفسها
تفتكرو دي فعلا من الكاوتش ؟؟؟ ولو اتغير بنوع انضف والتماسك بتاعه اقوى الموضوع هيتحسن ؟؟
ولا ده مشكلة في ثبات العربية عموما وعايز سوست / مساعدين اسبور عشان الموضوع يتحسن ؟؟
واخر سؤال ::: انا كنت نويت على سوست اسبور وخلاص حجزت ورايح اشتري بعد كدة كذا واحد قالي المساعدين عندك مش هيتحملو السوست الاسبور وهيضربو بسرعة ؟؟ ايه مدى صحة الكلام ده ؟