الموضوع: هل من حق امين الشرطة سحب رخصة السيارة ؟؟

المشاركة الأصلية كتبت بواسطة Matrixawy

و هل يحق لامين الشرطة سحب رخصة السيارة منى ؟

يحق له بنص الماده رقم ( كذا ) فى قانون ( الطوارق ).
و اللى يعترض ( يطرق ) على ام رأسه لغاية ما يبان له صحاب.

تصرف خاطئ .. و متعملش كدة تاني لو عايز متفضلش بقية عمرك تدفع اتاوة
و متتعاملش معاه علي إنك غلطان .. هو إنت عملت ايه !؟ طول ما انت سليم إوعي تخاف من حاجة .. و هو اما يحس انك مش خايف مش هيقدر يعمل حاجة

انا مرة امين شرطة ظريف وقفني عالدائري .. و قاللي الرخص ؟ قلتله ليه ؟ قاللي الحزام .. قلتله نعم !؟ منا لابسه اهوه !! قاللي انت لبسته اول ما شفتنا من بعيد ؟ قلتله لا يا راجل ؟ و بتحاسبني علي النية بقي ولا ايه ؟! انت شفتني ازاي من بعيد بقي ؟! و افرض ان انا لسة لابسه .. المهم جيت لك لابسه .. انت واقفين تبلطجوا عالناس ولا ايه ؟ انت الظابط اللي انت تبعه اسمه ايه .. و رحت ماسك الموبايل

قام قاللي يا بيه يعني انت كنت لابس الحزام ؟ قلتله لأ و معييش رخص كمان و معييش بطاقة ايه رأيك .. و قوللي اسم الظابط بتاعك ايه عشان نخلص

قاللي طب خلاص اتفضل يا باشا !

طول ما انت في السليم و محترم و في حالك اوعي توطي راسك لبني ادم واطي .. العشرة جنيه دي هي الضوء الأخضر اللي بتقولهم بيه "استمروا"
الله يكرمكم يا جماعة محدش يدفع مليم للناس دي

سبحان الله إحنا وصلنا لمرحلة ان الشرطة يقت عدو للشعب بدل ما يكونوا هم اللى بيحافظوا على الناس و ممتلاكتهم

مش عارف هى الناس دى بتنام إزاى و هم سارقين و ظالمين كل يوم كام واحد
مبقاش فيه حد بيخاف من ربنا و كأن اللى هم بيعملوه ده حقهم المشروع

الناس دلوقتى بقت بتخاف من الشرطة زى ما بتخاف من البلطجى اللى واقف بيثبت الناس

حسبى الله و نعم الوكيل