الموضوع: هل من حق امين الشرطة سحب رخصة السيارة ؟؟

المشاركة الأصلية كتبت بواسطة MoToRiZeR

تصرف خاطئ .. و متعملش كدة تاني لو عايز متفضلش بقية عمرك تدفع اتاوة
و متتعاملش معاه علي إنك غلطان .. هو إنت عملت ايه !؟ طول ما انت سليم إوعي تخاف من حاجة .. و هو اما يحس انك مش خايف مش هيقدر يعمل حاجة

انا مرة امين شرطة ظريف وقفني عالدائري .. و قاللي الرخص ؟ قلتله ليه ؟ قاللي الحزام .. قلتله نعم !؟ منا لابسه اهوه !! قاللي انت لبسته اول ما شفتنا من بعيد ؟ قلتله لا يا راجل ؟ و بتحاسبني علي النية بقي ولا ايه ؟! انت شفتني ازاي من بعيد بقي ؟! و افرض ان انا لسة لابسه .. المهم جيت لك لابسه .. انت واقفين تبلطجوا عالناس ولا ايه ؟ انت الظابط اللي انت تبعه اسمه ايه .. و رحت ماسك الموبايل

قام قاللي يا بيه يعني انت كنت لابس الحزام ؟ قلتله لأ و معييش رخص كمان و معييش بطاقة ايه رأيك .. و قوللي اسم الظابط بتاعك ايه عشان نخلص

قاللي طب خلاص اتفضل يا باشا !

طول ما انت في السليم و محترم و في حالك اوعي توطي راسك لبني ادم واطي .. العشرة جنيه دي هي الضوء الأخضر اللي بتقولهم بيه "استمروا"
الله يكرمكم يا جماعة محدش يدفع مليم للناس دي

100 100 ياباشا ايه الحلاوه دي

مبقاش فيه حد بيخاف من ربنا
الغلاء ده علشان مبقاش فيه حد بيخاف من ربنا
تسلط الناس علي ناس ده علشان مبقاش فيه حد بيخاف من ربنا
الزلازل والبلاوي دي علشان مبقاش فيه حد بيخاف من ربنا
اما بيناموا ازاي
وقال سبحانه «كذلك يطبع الله على كل قلب متكبر جبار»
والجزاء
وقال المصطفى صلى الله عليه وسلم «لا يدخل الجنة من كان في قلبه مثقال حبة من خردل من كبر». رواه البخاري
وقال صلى الله عليه وسلم «يقول الله تعالى الكبرياء ردائي والعظمة إزاري فمن نازعني واحداً منهما ألقيته في جهنم ولا أبالي» رواه مسلم.
{ألا لعنة الله على الظالمين} (سورة هود:18).
{إِنَّمَا السَّبِيلُ عَلَى الَّذِينَ يَظْلِمُونَ النَّاسَ وَيَبْغُونَ فِي الْأَرْضِ بِغَيْرِ الْحَقِّ أُوْلَئِكَ لَهُم عَذَابٌ أَلِيمٌ} (سورة الشورى 42) .
{وتلك القرى أهلكناهم لما ظلموا وجعلنا لمهلكهم موعدا} (سورة الكهف:59)،
{ألا إن الظالمين في عذاب مقيم} (سورة الشورى:45)،
{إنما السبيل على الذين يظلمون الناس ويبغون فى الأرض بغير الحق أولئك لهم عذاب أليم} (سورة الشورى:42).
وعن أبي موسى الأشعري رضي الله عنه قال: قال رسول الله صلى الله عليه وسلم: «إن الله ليملي للظالم، حتى إذا أخذه لم يفلته، ثم قرأ: {وكذلك أخذ ربك إذا أخذ القرى وهي ظالمة إن أخذه أليم شديد} » (رواه البخاري ومسلم).

ويوم القيامه
{ويوم يعض الظالم على يديه يقول يا ليتني اتخذت مع الرسول سبيلا} (سورة الفرقان:27).
واقول لهم
يقول الله تعالى : " ياأيها الناس اتقوا ربكم إن زلزلة الساعة شيءٌ عظيم . يوم ترونها تذهل كل مرضعةٍ عما أرضعت وتضع كل ذات حملٍ حملها وترى الناس سكارى وماهم بسكارى ولكن عذاب الله شديد
وعلي شان ابن فلان (يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْماً لا يَجْزِي وَالِدٌ عَنْ وَلَدِهِ وَلا مَوْلُودٌ هُوَ جَازٍ عَنْ وَالِدِهِ شَيْئاً إِنَّ وَعْدَ اللَّهِ حَقٌّ فَلا تَغُرَّنَّكُمُ الْحَيَاةُ الدُّنْيَا وَلا يَغُرَّنَّكُمْ بِاللَّهِ الْغَرُورُ) (لقمان:33) .
ولا حول وال قوه الا بالله

هي دي مصر بلدنا

س: أعمل إيه لو الظابط طلب مني أنزل من السيارة علشان يفتشها أو طلب مني أفتح الشنطة؟ج: مفيش حاجة اسمها تنزل من سيارتك علشان يفتشها إلا لو كان معاه أمر من النيابة أو المحكمة بتفتيشك أو كنت في حالة تلبس بجريمة أو كانت ريحة السيارة تدل أن حد كان بيشرب فيها مخدرات مثلا, وترفض تفتح شنطة عربيتك وتقول للضابط "أفتح شنطتي ليه مادام رخصي سليمة وسيادتك شايف إني مش محل شك والعربية ملكي وفتح الشنطة ده اسمه تفتيش وده محتاج إذن من النيابة, وأنا مش ممسوك لا في حالة تلبس ولا أنا حرامي وأنا عارف إنك راجل قانون وعارف الإجراءات كويس وعارف إنك مش ممكن تخالف القانون.

انا عايز اعرف طيب اللي بيحصل في الكمين ايه من تفتيش وكده مخالف للقانون طيب بيحصل ليه
وامين الشرطه اللي بيشوف الرخص كده مخالف طيب ده اللي بيحصل
يعني الكتاب غلط ولاا احنا اللي غلط