السلام عليكم يا أحلى منتدى
محتار اسافر مطروح بالعربيه عشان موضوع الطريق وقلقان ليحصل ازمة بنين فجائيه ملقيش بنزين فى مطروح فأروح اركنها هناك زى ما حصل معايا فى شرم الشيخ فى شهر 4 اللى فات
ولا اسافر بالسوبر جيت اللى هو تبع شركة جو باص وأريح دماغى
ولا القطار المكيف أفضل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟
هو فى قطر مكيف لمطروح؟
اختيارى الاول هيكون العربيه و كل ما تلاقى بنزينه كمل التانك وسيبها على الله
أنا لسه راجع من مطروح، الطريق كويس والبنزين متوافر
مافيش قطر لمرسى مطروح .. والطريق كويس اوى لو هتحتاج العربية فى انتقالات يبقى خدها طبعا احسن ليك
لكن لو هتروح تقعد فى مكان محدد يبقى انا لو منك سوبر جيت
انا مسافر مطروح قريب وهسافر تبع اتوبيس الشركة علشان اريح دماغى لانهم موفرين مواصلات
جو باص بتروح مطروح الله اعلم يمكن وفروا خط لمطروح مش عارف
غرب الدلتا بيروح وكويس مش وحش
الطريق بالعربيه حوالى 450 كيلو اهم حاجه تكون مطمن لعربيتك والحافظ هو الله
راجع لسة من مطروح يوم 7/7 والجو تحفة والبلد زي الفل وطريق مية مية و البنزين متوفر والسولار ايضا وكل حاجة متوفرة
في قطار جديد بيطلع كل يوم الصبح لمرسى مطروح.
عاملين له اعلان في محطة مصر جنب شباك التذاكر.
أعتقد ميعاده 05:45 صباحا.
طبعا افضل اختيار للسفر الى مرسى مطروح
هو القطار المكيف
وبالمناسبة ليها معادين
الميعاد الاول الساعة 5.45 صباحا يوميا
الميعاد التانى الساعة 11 مساء ايام السبت والاثنين والاربعاء
اما حتة السفر بالعربية فهى مراهقة لو مكانش معاك حد يسوق معاك ويريحك
اما السوبر جيت فحدث ولا حرج عن القعدة الضيقة والكراسى فعلا متعبة جدا جدا
وتروح وتيجى بالسلامة بس ماتنساش اللب الابيض معاك
لو هتحتاج العربية جوه البلد اعمل فحص للعربية واطمئن لحالتها قبل ما تطلع---- ما تنساش تبص على الزيت وتظبط كل حاجه ولو عربيتك قديمة ما تقرصش عليها
ان شاء الله ما فيش ازمة بنزين ولا حاجه وربنا ييسرلك طريقك
كل شىء على ما يرام فى مطروح
ما عدا مياه الشرب