-
تسريب زيت من المكنة
ياسباب النهاردة كنت بصلح التكييف بتاع الجوليت 2001... الراجل بتاع التكييف قالي المكنة عندك بترشح زيت من الجنبين .... روح لميكانيكي يشوفها .... عاوز اعرف بقي التسريب دا سببه ايه ... وهو خطير ولا لا .... مع العلم ان مستوى الزيت كويس ومش بينقص .... افيدوني افادكم الله
-
اغسل الموتور و حوض العربية كويس و تابع العربية مشوار بمشوار و شوف التسريب جاى من انهى حتة بالظبط.
-
هناك اسباب كثيرة بس ازاي الزيت مش بينقص
-
المشكلة دي بالظبط عند واحد صاحبي و اللي يحير اكتر ان الزيت بينقص لو غير زيت و مغيري فلتر لكن لما بيغير زيت و فلتر الزيت مش بينقص !!!!!!
نصحتة يقيس الزيت و هو علي ارض مستويه و كل النصائح التقليدية و مفيش فايدة
نفس الكلام العجيب الغريب اللي انا كاتبة فوق !!! مع تغيير الفلتر العربية تمام و لو مغيرشي فلتر تاكل زيت !!
الاغرب ان الزيت بيطلع من مكان جوان وش السلندر !!!! بين الفارغه و وش السلندر و المياة مش بتنقص ولا عاملة طحينة !!!!
انا قولتله يروح لميكانيكي شاطر يشوف العيب لاني بجد احترت و ياريت يا استاذ طارق لو تفيدنا
-
طب هو انا ممكن اشوف الكلام دا بنفسي .... لان الراجل بتاع التكييف ممكن يكون بيشتغلني ... وهو مورانيش مكانه .... وبعدين انا مش خاسس باى اصوات غريبة او اداء العربية وحش .... كل حاجة تقريبا طبيعية .... اللهم ان صوت الموتور عالي شوية
-
في فرق بيت تسريب زيت ونشع زيت
التسريب اما من اويل سيل كرنك امامي او خلفي
او من جوان كارتيرة
او جوان وش السلندر
او جوان فلتر الزيت
او ساعة الزيت (( حساس لمبة الزيت ))
اما النشع او بمعني ادق بخرة الزيت ودي الطبيعية بتبقي حولين خراطيم البوابة وبخاصة خرطوم فايز الموتور ودا مفيش منه مشكلة ولن يحدث نقص للزيت ملحوظ
اما النوع الاول وهو تسريب الزيت ده خطر جداً ولابد ان يصحبه نقص ملحوظ في كمية الزيت الي في المحرك
-
اعتقد انى عندي النوع التاني دا ... الى هو نشع مش تسريب .... لان الراجل قالي الزيت مرشح على جناب الموتور .... انما مستواه كويس مش قليل ....
-
طب ما ي الطريقة الصحيحة لقياس كمية الزيت والمفروض يبقي مستواه فين ؟؟؟؟؟
-
الطريقة الصحيحة من وجهة نظري لان هناك طريقة اخري
ان السيارة باردة ووااقف علي ارض مستوية
والزيت المفرض انه في منتصف المسافة بين ال max و ال min علي مقاس الزيت
الطريقة الثانية ان العربية تكون واقفة علي ارض مستوية وتدورها لحد ما تسخن وبعدين تبطلها وتسيبها لمدة 5 دقائق وبعدين تقيس الزيت
والفرق بين الطريقتين لن يتعدي + او - 1 ملي علي مقاس الزيت
Content Relevant URLs by
vBSEO 3.6.0 PL2