هههههههههههههه
ما تيجى يا كريم بيه مقبله بلطيم
اللطم هناك هيبقى للصبح
قصدى الشوى
عرض للطباعة
فودافون عامله باقات كتير فى باقه ب 50 جنيه 500 ميجا والميجا الزياده بجنيه
وباقه 90 جنيه 2 جيجا وبعد كده السرعه بتنزل من غير ى فلوس زياده
وفودافون فيها عرض الباقات كلها بنص التمن الشهر ده , انا لسه مشترك فى عرض ال 90 جنيه ب 45 جنيه لمده شهر
موبينيل ۱۰ في الشهر مفتوح بدون مصاريف اضافيه مشترك فيه و شغال زي الفل واي معلومات تانيه تحت امرك
أعتقد باقه فودافون 500 ميجا ب 50 جنيه مناسبه جدا
فى جزء باللون الأحمر وده الخلاصة ، لكن لو عاوز تفهم الحوار ماشى أزاى وتقدر تختار صح اقرأ المشاركة كلها
فى أنظمه يوميه محدودة وده النظام الأفتراضى اللى الموبايل عليه
ودى بيديك عدد ميجات ( 5 ميجا فى اتصالات و 3 فى فودافون و 5 فى موبينيل ) ولما تخلصهم الميجا الزيادة بـ (5 جنيه موبينيل و 1 جنيه لفودافون وتقريبا 1 او 5 جنيه لأتصالات)
وفى فى فودافون ب 3 جنيه بيديك 15 والميجا الزيادة ب 1 جنيه
لو بتفتح يومين فى الأسبوع أو متقطع أعتقد انها مناسبه لكن مش مناسبه لو كل يوم أو أيام كتير لأن تقريبا هتدفع 30 جنيه علشان تاخد 150-90 ميجا وبنفس الحجم ده ساعتها تجيب باقة شهرية وأرخص
--------------------------------
وأنظمه يوميه غير محدودة فى فودافون فقط
وده بيديك عدد ميجات (50 ميجا وبتقل السرعه ل 64 كيلو لما تخلصهم ) وده بخمسه جنيه يعنى 150 جنيه وتاخد جيجا ونص .. وفى نفس الوقت الباقى الشهرية من فودافون اللى ب 150 جنيه بتديك 6 جيجا فالباقة الشهرية أفضل لكن برضه لو استخدامك متقطع لكن لما بتفتح فى يوم بتشد جامد ده أفضل باقة ليك
----------------------------------------
فى أنظمه شهرية
و بتبقى عدد من الميجات تقريبا (100 - 500 - 2 جيجا - 6 جيجا ) مع اختلاف طفيف بين الشبكات الثلاثة ودائما الباقة لما بتخلص بتتحول لسرعه 64 كيلو باقى الشهر
باقة ال 100 ميجا
بتبقى ب 10 جنيه فى موبينيل و 20 فى اتصالات و 15 فى فودافون لكن فى فودافون لما تخلص الميجات كل ميجا بجنيه ففودافون مش كويسه لو هتختار الباقة دى
باقة الـ 500 ميجا
بتبقى ب 50 فى اتصالات و 60 فى موبينيل و 50 فى فودافون لكن فى فودافون لما تخلص الميجات كل ميجا بجنيه ففودافون مش كويسه لو هتختار الباقة دى لأن ببساطه ممكن تستهلكلك بعد الـ 500 مثلا 50 ميجا ودى حاجه بسيطه وباالتالى هتلاقى نافسك دافع 50 جنيه مقابل 50 ميجا والباقة أصلا 500 ميجا
باقة الـ 2 جيجا
ودى هاذكر حجم الميجات بالظبط لأن بيبقى فى فرق كبير نسبيا
2 جيجا فى فودافون و 2.5 فى موبينيل والسرعه بتقل لـ 64 كيلو ومش بتدفع مقابل الميجات فى فودافون زى الباقات اللى فاتت والباقة دى واللى بعدها مش موجوده فى أتصالات إلا لعملاء الخط
والباقة ب 90 جنيه للشبكتين
باقة ال 6 جيجا
6 جيجا فى فودافون و 7 جيجا فى موبينيل بعدين السرعه بتقل لـ 64 كيلو
والباقة ب 150 جنيه للشبكتين
------------------------------------
فى حاله احتيارك (جايه من الحيرة :d) فى كل الباقات اللى فاتت
لو استخدامك ساعه واحده بس فيس بوك بشكل يومي يبقى اختار باقة اتصالات الـ 50 أو باقة موبينيل الـ 50
لو استخدامك ساعتين تلاته اختار باقة الـ 2.5 جيجا فى موبينيل أو باقة الـ 2 جيجا فى اتصالات
لو استخدامك 5 ساعات أو أكتر استخدم باقة الـ 6 جيجا فى فودافون و الـ 7 جيجا فى موبينيل
لو استخدامك فيس بوك فقط ومش عاوز تدفع كتير ومش مهم عندك تنزل السرعه استخدم باقة الـ 20 جنيه من اتصالات أو باقة الـ 10 جنيه من موبينيل ودول أرخص باقتين ، ارخص من اليوميه نفسها
وبعد شهر هتقدر تحدد استخدامك الشهرى قد ايه وتظبط الباقة على اللى يناسبك (لو الموبايل أندرويد سطب اى برنامج لمراقبة حجم الداتا علشان تحسب انت سحبت اد ايه وفاضلك اد ايه ويفيدك فى معرفه انت محتاج اد ايه فى الشهر)
دى خلاصة تجاربى خلال الكام يوم اللى فاتوا فى البحث عن باقة انترنت
ياريت بقى تنزل قسم الطبيخ لأنى بحب الطبخ :d
تحياتى :-)
انا مشترك فى باقة اتصالات
بدفع 50جنية فى السنة
باخد بيها 100 ميجا بايت شهريا لمدة سنة على خط المكالمات
شكرا جزيلا يا جماعة الله يكرمكم
كريم باشا ... باقة اتصالات ب 20 شهريا بتوفرلك 110 ميجا شهريا و لما يخلصوا السرعة تنزل ل 56 ك ب .... باقة ممتازة و خصوصا ان الموضوع كله فيس بوك و خلاص :)