الموضوع: لولولولولولوى تم بحمد الله

المشاركة الأصلية كتبت بواسطة egyzizo

ألف مبروك وتستلم على خير.


أنا قدامى معرض بيسلم أى لون بعد بكره (48 ساعة) على 101
متهيأ لى كده معقول؟

على كلام المعرض اللى اتعاملت معاه، هو بيقول انه مضطر يعمل أوفر برايس ألف ، لأنه علشان ياخد تسليم فورى بيشترى من التوكيل بسعر السوق مش بالسعر التجارى.

السؤال بقه ازاى التوكيل اصلا يبيع لتجار بلسعر الرسمى وهو عنده قايمه من العملاء فى الانتظار ؟؟؟

انا شامم ريحة شغل مش حلو بيحصل من تحت لتحت مع مديرى المبيعات ومنادبهم...... واكيد فيه سبوبه حلوه

والله ياباشا انت رميت فلوسك علي الارض في عربيه ملهاش اي تلاتين لازمه
والله كانت ماشيه قدامى امبارح وشكلها ولا شكل كرسي الفيسبا
وفي الاخر قال ب 100000 قال
ولا ادفع فيها اكتر من 20 جنيه حلو اوى عليها وعلي شكلها
علي العموم ده رائي ولولا تعدد الازواق لبارت السلع
وعلي العموم مبروكه عليك وربنا يكرمك بيها ويحفظهالك ويحفظك منها

المشاركة الأصلية كتبت بواسطة ahmedaglan

والله ياباشا انت رميت فلوسك علي الارض في عربيه ملهاش اي تلاتين لازمه
والله كانت ماشيه قدامى امبارح وشكلها ولا شكل كرسي الفيسبا
وفي الاخر قال ب 100000 قال
ولا ادفع فيها اكتر من 20 جنيه حلو اوى عليها وعلي شكلها
علي العموم ده رائي ولولا تعدد الازواق لبارت السلع
وعلي العموم مبروكه عليك وربنا يكرمك بيها ويحفظهالك ويحفظك منها

انت بتحكم من خلال الشكل بس الى هو اذواق يختلفو عليها الناس

لازم يكون تقييمك موضوعى ومحدد

المشاركة الأصلية كتبت بواسطة hossam_elwani

انت بتحكم من خلال الشكل بس الى هو اذواق يختلفو عليها الناس

لازم يكون تقييمك موضوعى ومحدد

ياباشا العربيه كلها علي بعضها
تحس ان هما في نيسان كانو مش لاقين حاجه يعملوها قامو مألفين شكلها علي حته موتور كويس وقلب
وزى مقولت ده رائ شخصي

اولا بشكر كل الناس وبقلهم عقبالكم جميعا اللى مجابش واللى جاب يغير للاحسن وربنا يكفينا شر الطريق باذن الله

الحجز فعلا بيتاخر وده غريب بس اشطة انا اساسا كنت عايزها بعد شهر علشان الجمعيات وبتاع انتوا فاهمين
ثانيا ahmedaglan باشا انا معاك فى رايك بس ده رايك يخصك انا ممكن اكتب راى فى موضوع عن تقيييم العربيه او موضوع عن شرحها اما لما واحد حجز واشترى خلاص قله الف مبروك وادعيله لان اكيد عجبتة علشان كده جابها مفيش حد بيتغصب على حاجة ولو رايك خلاص مش قادر ولازم تقوله اعملك موضوع لوحدك انا بتكلم عامة وانا والله ما زعلان

اخيرا كل سنه وانتوا طيبين وياريت فى صلاتنا ندعى لكل الناس بالخير والسعاده ورضا البال والقناعة واى استفسار عن المرحله دى انا تحت امركم

المشاركة الأصلية كتبت بواسطة ahmedaglan

ياباشا العربيه كلها علي بعضها
تحس ان هما في نيسان كانو مش لاقين حاجه يعملوها قامو مألفين شكلها علي حته موتور كويس وقلب
وزى مقولت ده رائ شخصي

حضرتك مش سايب موضوع ألا وداخل تتريق وتسوء فى العربية ياريت يبقى النقد موضوعى من غير تجريح فى العربية وعلى الفكرة العربية الناس مش عارفة تشتريها من كتر الحجوزات عليها وبيندفع 2000 جنية زياده عن السعر الرسمى عشان الناس تلاقيها

ثم حضرتك داخل تبارك للراجل ولا تكرهه فيها
لا حول ولا قوة الا بالله