جديد على الميجان و عندى مشكلة احقونى

**HADDAD** · 05-07-2012 01:05 AM

السلام عليكم و رحمة اللة
رجالة الرينو .. اشتريت ميجان 2006 النهاردة وبعد ما استلامتها حسيت انى غلط
انا معرفش اى حاجة عن ميكانيكية الميجان ولا اشترى قطع غيار منين ولا الاستيراد فين ولا اى حاجة عن العربية والكارثة بقى ........... مشكلة حرارة مع المكيف
وانا اصلا فى موضوع الحرارة غشيم انا اصلا اول مرة انزل من هوندا واليابانى زى ما انتوا فاهمين موضوع الحرارة دا مش فى الدماغ اساسا.
المهم الحمد لله العربية فابريكا برا و الصالون ممتاز و الحمد لله و حالة العفشة مش وحشة
محتاج بس منكم شوية معلومات علشان اقدر احل مشاكلى
مين و فين الميكانيكيا النضاف و كمان كهربائية؟؟
مين بياع قطع غيار جديد و مستعمل و يكون ابن حلال ؟
انا شارى العربية فيها جنط مضروب و عاوز ابدلة اجيبة منين و سعرة كام تقريبا ؟
ابدل زيت الفتيس فين ؟ و سهل ولا اى حد يعملة ؟

و اهم حاجة ارجوووووووووووووووووووووو وووووووووووووووووكم الحقونى فى موضوع الحرارة ........... لما بشغل المكيف الحرارة بتعلى و توطى و خصوصا فى الزحمة اية الحل ؟

**shawkylotfy** · 05-07-2012 02:03 AM

بالنسبة للحرارة مع التكيف اعمل الاتى مرة واحدة علشان تكبر دماغك :
1. الغى ثرموستات الكوعة
2. اتاكد ان السرعة الثانية بتاعت المروحة شغالة مع التكيف
3. اغسل السربنتية الامامية بمدفع المياة فى البنزينة
4. فى واحد فى الحرفيين اسمة عادل زوايا اسمع انو كويس

**HADDAD** · 05-07-2012 03:09 AM

الف الف شكر على المعلومة بس موضوع عادل زوايا دا هيفيدنى باية اكيد بتاع زوايا

**wael2sh** · 05-07-2012 11:34 AM

لو الحرفيين بعيدا عليك اطلع على صقر قريش
اسال الى المصطفى عنده قطع غيار جديدة واستيراد وعنده كمان ورشة وراجل محترم وفاهم
هو قريب من مغسلة هناك اسمها الشيخ تقريبا هابعتلك رقم تليفونه على الخاص

**HADDAD** · 05-07-2012 12:41 PM

الف شكر يا رجالة
مفيش جديد فى موضوع الفتيش و الجنط ؟

**shawkylotfy** · 05-07-2012 06:05 PM

المشاركة الأصلية كتبت بواسطة haddad

الف الف شكر على المعلومة بس موضوع عادل زوايا دا هيفيدنى باية اكيد بتاع زوايا

هو اسمة كدة هو بتاع رينو واسمع عنة وكمان عندو حجتها استيراد ومتقلقش هى العربية مش لغز خالص زى ما الناس فاكرة انت بس لو قابلتك مشكلة ابقى اعرضها هنا فى المنتدى واقرا المواضيع عن العربية فى وقت فراغك هتستفاد جااااامد