الموضوع: عظيم ايها الشعب المصري

انا الحمد لله مفيش شغل عملته غير لما واحد ياكل عليه فلوس
اول مره اشتغلت وعملت برنامج واحد صاحب محل كمبيوتر وكدا
والبرنامج دا اخد مني شغل اسبوع
وكنت عامل حسابي اكرمه فيه واخد منه 300 جنيه
والحمد لله كرمته علي الاخر ومدنيش حاجه بس انا كنت عامل حماية ضد السرقه عشان مش يبيعه لحد عامله لما يتنقل علي جهاز واحد تاني يتسطب ويشتغل نسخه تجريبيه وتسجل 200 عملية وبعد كدا يقفل
وسبحان الله كنت بشتري كمبيوتر من شركه تانيه لواحد صحبي وببص لقيت الراجل بيطبع الفاتوره نفس التصميم بتاعي الي انا عمله ببص في البرنامج لقيته هوه
بقوله البرنامج دا كويس قالي اه ما واحد حبيبي جبهولي قولتله ما انا الي عمله وابق قابلني لو زود معاك عن 200 عمليه بيع وشراء
ضحك كدا وقالي طيب
واحد تاني عايز ياخد كورس برمجه في الانجاز عشان مسافر اديته كورس الناس بتخده بره بأكتر من 3000 جنيه وعملت ليه خصم عشان مش هديه شهاده وخليت الكورس 1200 بس اداني هو 500 جنيه
نيجي للجامعه وانا بحضر ماجستير بقئ نكمل مسيرة النجاح (الي هي فشل بس انا عامل فيها مش واخد بالي)
دكتور كان طالب شغل يتعمل بالاكسل من كله الطلبه وطبعا انا واحد منهم
وكل شوية واحد يطلع يشرح يخربط ويدخل جه الدور عليه
طلعت اشرح الدكتور بص في الورق الي انا عامله قالي انت الي عامل الشغل دا
قولتله ايوا يا فندم
قالي تعالي علي المكتب بعد المحاضره
روحت المكتب طلب مني برنامج للتعليم المفتوح قولت اقل ما فيها يديني اعمل السنه
وبالفعل تاني يوم بدأت تنفيذ البرنامج والباشا تقريبا اخد فلوس علي البرنامج ونسيني في اعمل السنه
واذا انا واخد سته اصفار في اعمال السنه
واخر الاحزان كانت النهارده
واحد كلمني قالي عايز برنامج للجوده في المدرسه
قولت فله فيها فكه المدرسه بتاخد فلوس وانا هاخد منهم فلوس
المهم عملت البرنامج وكان النهارده معاد التسليم

كل الاشكال المعبره دي كانت علي وشي النهارده
نزلت بكل ابتسام وكأني غاسل سناني بمعجون سجنل تو وركبت العربيه وانطلقت ورحت للمدرس المسؤال ومدير المدرسه
قعدنا مع بعض
وسلمته البرنامج والناس اخر انشكاح وحاجه زي الفل وبارك الله فيما رزق
طبعا انا متفق علي 500 جنيه في الاول
قولتله ها يا باشا واخبار الفلوس ايه قالي احنا لسه هنبتدي المسابقه ومش هنبتدي المسابقه واول ما نستلم الفلوس هنسلمك فلوسك
ودي 100 جنيه عربون بس مش كنت عايز انا
قولتله انت جي تشتري عجله يا سطي
يا سطي دا برنامج طلع فلوسك خد البرنامج
طلع 50 جنيه كمان قولتله انت بتفاصل اخته الي بتيجي وراها علي طول
سحبت فلاشتي وانا بشيل البرنامج قفل الجهاز من زارار البور

قولتله زي ما قفلته افتحه بدل ما اكسر عليك الجهاز انت والمدير وهاخد الهارد وامشي بصلي كدا
وخده بنيه في منخيره ومطرشقها دم ورافع الكرسي واي ابن ......... هيجي جمبي هفرتكه
وفتحت الكمبيوتر ووشلت البرنامج ومشيت
انا عارف ان طولت عليكم بس بجد انا كنت خلاص هموت ولازم اكلم حد