-
كاوتش جديد
السلام عليكم
يارب كل رجاله الاوبل بخير
كل عام وانتم بخير اللهم بلغنا رمضان
والله الواحد اتشغل عن الموقع فتره بس الحمد لله عدت على خير
يا جماعه بعد اذنكم عايز اشترى كاوتش جديد
نزلت سالت توهونى
دى فيتنامى ودى جنوب افريقى وده نوع جديد وده يابانى معمول فى فرنسا واحلى اشتغالات
الاول مفروض المقاس اللى عندى هو 195\65\15
وانا عايز اشترى 205\65\15
علشان يبقى اعرض وماظنش انه كده حايبقى فى ضرر على العربية اعتقد بالعكس حايديها ثبات اكتر
فياريت تفيدونى لو فى اعتراض على المقاس ده
الحاجه التانيه ياريت تيفدونى فى النوع والسعر
يعنى النهارده قالولى الدانلوب الالمانى 750 الدانلوب الجنوب افريقى ب525 والكموهو ب 450 وفى نوع جديد اسمه تقريبا برسيا ب 525 تقريبا فيتنامى شكلها حلو وخامتها طريه وشفتها على الجنط مختلفة شوية وقالولى ده بتاع التيوبليس الجديد وفى هانكوك ب 450 برضة ومالقتش كونتننتال خالص مع العلم ان الفرديتين الكونتنينتال اللى راكبين عندى فتلو والاتنين الكومهو الؤدام هما اللى شغالين زى الفل
وشكرا لكل الردود
-
مفيش مشكله مع المقاس الاعرض الا في تقل الدركسيون شويه بس مش هتلاحظها الا وانت بتركن مثلا
جرب الجي تي ممتاز عن تجربه بعده علطول الهانكوك من وجهه نظري وسعرهم حلو مش مبالغ فيه
-
شكرا ياباشا على سرعه الرد
بس انا ماشفتش الجى تى دى خالص وانا بدور النهارده دى صناعه ايه وسعرها فى حدود كام
-
-
اندونيسي وسعره في رانج 425ج بس ممتاز
-
بس لو حضرتك هتجيب مقاس 205/65 هتبقي اعرض و اعليمن ال 195/65
-
-
اياك تركبة انا غلطت وركبتة عشان متندمش ندمى
1- ثبات اعلاء مش هتحس بية
2- هتدب معاك
3- هتدمر العفشة عندك بسرعة
4- مفيش حاجة فى الشارع مش هتحس بيها جوة العربية
5- الدركسيون بيتقال بشكل ملحوظ
6- بيتقل العربية بشكل ملحوظ
نصحتى ليك بلاش اسال مجرب
-
اللى هو ايه يا تامر فيه بتاع 5 انواع فى الموضوع
قصدك على انهى نوع
-
شكرا على كل الردود وطنانى باشا وفادى اللى منورنى
بس انا دلوقتى توهت ومش عارف برضة اجيب ايه ؟؟؟
-
انت حاطط ميزانية قد ايه
من الأخر يعنى
-
انواع الكاوتش بقت اكتر من الهم على القلب
و كله من وجهه نظرى بيتخرم و ينام و مفيش فرق
الفرق فى الثبات و النعومه على الأرض
يبقى تشترى حاجة محترمه ليها اسم عشان تبفى فى السليم
زى ايه
البريدجستون
ميشلان
كونتينتال
و دى برضوا عيارات كتير
و اسعار غريبه
-
الحمد لله اشتريت فردتين بريسا الفرده ب 575
وان شاء الله لما ربنا يكرم اجيب اتنين برديج ستون وارجع دول ورا
-
الف مبروم
اسمها ايه لأحسن مش عارف اقراه
-
معذره على التاخير فى الرد الدنيا بقت بتاخد الواحد اوووى
Persa تقريبا حاجبلك الاسم بالظبط
تحت امرك ياباشا
Content Relevant URLs by
vBSEO 3.6.0 PL2