الموضوع: اتصالات adsl

زفت
للاسف النت بيفصل ساعات مرة كل دقيقة لمدة نص ساعة
كلمت الشركة كتير بيقولولي العيب من عندي
يعني العيب من 2 لاب توب وpc وتابلت وهما شركتهم اللي حلوة

ياجماعة على الرغم الطفرة الحقيقة في
عالم الاتصالات في مصـر

الا أننا مش بس أتسـرقنا ده أحنا أتفشـخنا ... تعاله أحسـب كده من أول ما دخلتلك خدمت النيت فاكرين لمن كانت شركات النيت بتدخلنا الخدمة على التيلفون وبندفع اشتراك كل شهر 250 جنية علشان تبقى سعر الساعه 6 جنية .
ده غير فاتورة التيلفونات الي كانت بتوصل ل 1000 و1500 جنيه في الشهـر .

ولحد دلوقتي بنتسـرق ... ويقلك مرحباً بك في الشركة المصرية لاحتكار الاتصالات في مصـر .

انا واحد من الناس مش عاوز تيلفون ارضي ولا بتكلم بيه اساساً ليه تدفعوني كل ثلاث أشهر أربعين وخمسه واربعين جنيه علشان بس احصل على خدمة النيت الي كده ولا كده بدفعلها فلوس كمان ... طيب ما تدخلولي كيبول على بيتي وخلاص ... وادفع بس أشتراك الكيبول ... ليه تلزمني اشترك في الهواتف الارضية ... ليييييييييييييييييييه .

ده افقر افقر دول اوروبا داخلها خط كيبول ... واشتراكو في حدود 20 يورو في الشهـر يعني 160 جنيه وسرعه حدث ولا حرج عن السرعة ... ده غير القنوات التلفزيونية الي بتبقى مع الكيبول ... واحنا لسه شغاليين على نظام خطوط التيلفونات العقيمة ... انا عندي خط تيلفون بقالوا اربع سنين بيووووش وكل شهر أقدم شكوى واقلهم الخط بيوش يصلحوه يومين ويرجع تاني يوووووش ... وعلى هذا الحال يا عبدالعال لغايت ماقلت خلاص اخليه للانترنيت بس ... مع اني اشتريت فلاتر الدنيا والاخرة بس مفيش فايدة ... ومره يقلك الكبل الرئيسي شارب ميه ... ومره يقلك البوكس ومره اصل العيب في غرفة التحكم الكنترول ... وحاجة اخر قرف زهقوووني ...

مينفعش شركة وحده في مصـر تحتكر الانترنيت في مصـر ... اومال الشركات التانية ايه لازمتها وايه فايدتها ... ميقفلوا ويقعدوا في بيوتهم اشرفلهم ... ولا هما لازم ياكلو عيش وسبوبة كده مع الشركة الاحتكار المصـرية ...

ده حتى على مستوى الدولي تيجي تتصل من الارضي يقلك 4 جنيه سعر الدولي او 6 جنيه ... تيجي تتكلم من الموبايل تلاقي الدقيقه ب 1.99 قرش ودولي ... شايفين السرقة عيني عينك ...

الانترنيت ... ده سـرقة عيني عينك لأنك مش بس بتدفع خدمة الانترنيت لا أنتا مجبر كمان فوق ال 95 جنيه اشتراك تدفع اشتراك التيلفون الي محدش بقى عارف هو بقى بكام مع الدمغة وضريبة المبيعات ومصاريف ادارية توصلك 40 جنية يعني انتا بتدفع 135 جنيه ويمكن اكتر علشان تلاقي سرعة اي كلام ... والتمن ده هو التمن الحقيقي لخدمة كيبول وليس dsl .

وتحياتي وأسف على الاطالة .

المشاركة الأصلية كتبت بواسطة elawany13

ابعد عن اتصالات وفودافون
بيطبقوا سياسة الاستخدام العادل

كده يابوحميد متبقاش غير أم نبيل والاستخدام الظالم ههههههه
التلاته أنيل من بعض ... فاكر لمن أم نبيل كانت بتبيع الخط على 1500 جنيه خط موبايل والدقيقه ب 2.75 قرش .

@@@@@@@@@@@@@@@@@@@

انا نفسي في شركة رابعه تخش مصـر زي زين ولا سـوى ... منزلين حبت عروض ولاد اللزينة ... وخدمة 4g وهدايا هدايا ... بس المشكلة اني لاحظت ان في جهاز عندنا في مصر اسمو الجهاز القومي لتنظيم الاتصالات ... وكنت فاكر انو لمصلحة المواطن ... أتاريه بيمنع أي شركة أنها تخفض سعر التعريفة وتحرق السوق ... طب ماتسيبهم يا أخي يحرقوا السوق ولا حتى يولعوا في السوق ... أهو كلو لمصلحة الناس ... خليهم يتخانقوا ويقطعوا في بعض بس في النهاية المواطن يستفيد مش التهريج الي احنا فيه دلوقتي ... كل واحد شايل معاه رقمين وتلاته واربعة ... وتيجي تسئلوا ويقلك علشان الي عندو موبنيل يتصل على الرقم بتاع موبنيل والي معاه اتصالات يتصل على اتصالات والي معاه فودفون يكلم 010 ياحبيبي يا حبيبي . وتلات تربع الارقام ملهاش بينات يعني لو حصل مضايقات للارقام ولا معاكسات متعرفش تاخود حقك ولا تجيب صاحب الخط .

ولا هوا لازم واحد يتصل على وكيل نيابه ويشتم ... ولا على اي واحد مسؤول علشان الجهاز يتحرك ويبدء في عملية الغاء الارقام الي ملهاش اصحاب دي .

@@@@@@@@@@@@@@@@@@@@

المهم : أنا أشتركت على اتصالات على نظام اسمو مني ميكس
بيديني 1500 دقيقه أتصالات .
و 45 دقيقه اي شبكة تانية
و 100 ميجا للموبايل
و 1 جيجا يو أس بي أنترنيت .
-----------------------------
كل ده ب 90 جنية في الشهـر

لوجينا حسبنا بس 1500 دقيقه في 6 قروش = 90 جنية
وواخد عليهم الباقي هدية . وبالذات واحد جيجا انترنيت ببلاش . والي عجبني فيه انو شحن مقدماً مش نظام الفاتورة الي تيجي توقف الخدمة تبص تلاقيهم بعتينلك بعد 3 شهور فاتورة ب 250 جنيه ويادفع يالحبس والخط مقفول ههههههههههههه .

ولو حسبنا كروت الشحن كرت بعشرة على كارت بعشرين على كارت بعشرة بتعد فلوس عليك وياريتها بتقعد هيا مكالمتين وتلاقي الكارت خلص ... ده غير الكروت بيحطو عليها 1 جنيه أيتاوة .... يعني الكارت ابو عشرة يبعوه ب 11 جنيه ... أه صحيح بالمناسبـة فاكرين لمن كنا زمان نشتري الكارت ابو 100 جنيه نشتريه ب 115 جنيه ونشحنو ويخصمو منو 25 جنيه كمان ههههههههه ويصفصف الكارت على 80 جنية . يالهوووي ده احنا بجد بجد شعب ---------- . (صبور) .

@@@@@@@@@@@@@@@@@@@

انا نفسي أفهم اذا ضريبة المبيعات 10% ليه الشركات والمطاعم بيحطولنا ضريبة مبيعات 15 % . لييييييييييييه هو أفترى .
____________________________________

وتحياتي وأسف على الاطاله كمان مرة .