انا مش لاقي حل للعربية ولا حتى التوكيل :s

انا معايا عربية بيجو 406 موديل 2003 اوتوماتيك ماشية 195 الف لغاية دلوقتي

المهم العربية كانت تمام اووي معايا

فجاة لقيت العربية بتاكل بنزين اوووووي وبتطلع دخان اسود من الشكمان وبيطلعلي في التابوله رسالة بتقول anti pollution fault

وساعات اجي اضغط على دواسة البنزين كاني مش بضغط كان مفيش بنزين بتضخ ولا العربية بتسرع ولا اي حاجة افضل كده لمدة كام ثانية والاقي العربية فكت لوحدها وبتحرق

واجي اقف في اشارة او اهدي الاقي ال rpm عمال يعلى ويوطى والعربية بتتهزر وتروح مبطلة مني

وديتها التوكيل وغيرتلها وش سلندر زي ما بيقولو ومغير بوجيهات والتوكيل عمل فحص وبيقلي العربية سليمة

بس نفس العيوب لسه فيها

مع العلم ان اغلب العيوب دي مظهرتش غير ملا غيرت طرمبة البنزين

انا هتجنن التووكيل بيقلي العربية سليمة وانا العربية تحت رجلي مش سليمة عادم اسود ورسالة التابلوه والكيك اللي مش بيجي

ومع العلم برده لما بببقى على طريق سريع العربية بتبقى زي الفل في الجري مشاكلها كلها الصلانصيه

مش عارف اغعمل ايه بجد انا زهقت منها وقفلت منها عشان مش لاقي حد يعرف يصلحها بعد التوكيل اللي بيقلي سليمة وهي مش سليمة

المفروض ان ترجع تانى للتوكيل وتاخد حد معاك ويطلع يجرب معاك العربية وتوريهالة

غيرت وش سلندر ليه؟
و اعتقج مشكلتك مشكله بوابه او طرمبه بنزين او رشاشات

بنسبة 70% >>>>>>>> الطرمبـــــــــــــــــــ ــة

وليه ميكونش حساس الكرنك

فى واحد فى الوراق اسمة ياسر عند شركة الغاز الطبيعى استاذ فى البيجو 307- 406 -405
دة رقم تليفونة 01116490945
ان شاء الله هيحللك المشكلة كان معايا 307 وكان فيها الحمد لله حلها وعندو جهاز اعطال

يا جماعة الانتي بوليوشن سيسيتم يعني علبة البيئة وهي لو بايظة حتاثر على السحب وتخنق العربية

اتاكد الاول ان علبة البيئة ضايعة وغيرها ان شاء الله الدنيا تتظبط

شيك علي علبه البيئه و الرشاشات و حساس الحراره -الكولنت - بس اعتقد لو حساس كرنك مكانتش هتدور خالص

اعتقد انه بسبب علبة البيئة أو حساس شكمان و ممكن رشاشات. عندك برضه أحمد عمارة في المنيل أشهر من نار على علم متخصص في البيجو و معتمد من التوكيل و عنده طبعا جهاز الأعطال

سألت مهندس كان شغال في بيجو

قالي بوابه بنسبه 90%

ممكن اعرف اهي فرع اللي انت رحتله

وشكرا

انا رحت فرع وجيه اباظة اللي في غمرة في الخليج المصري

المشكلة ان العربية لما بنطلع نجربها مش بيبقى فيها حاجة

بس العيب بيظهر على فترات متباعدة

اما مغير الشكمان اساسا من حوالي 5 شهور

مش عارف طيب هو عشان حد يبصلي على علبة البيئة وحساس الشكمان والكلام ده لازم توكيل ولا اي ميكانيكي ممكن

ومعلش هو ايه يعني مفهوم علبة بيئة وبوابات والكلام ده عشان ابقى فاهم وانا عند الميكانيكي

ياباشا مينفعش تروح ببعربية بيجو لميكانيكي انا رحت ببجو بتاعت واحد صاحبي لاحمد هريسة وده راجل معروف عندنا في اسكندرية وحبيبي بس هو شغال في سكودا وبيعتبروه احسن من مركز الخدمة في عربيات سكودا وفولكس

مرضيش يشتغل في بيجو روح بالعربية للتوكيل وقولهم شيكولي على علبة البئية

حساس الشكمان..ده رأي الشخصي..دي أعراضه المشهوره بنسبة 60%.
خليه يجرب بواحد جديد..خاطة إنها بتعمل كده على السلانسيه.
لا يمنع إنك تكشف على حساس الكرنك وعلبة البيئه......
بس حساس الشكمان كده بيهيس..و ممكن ميكونش مديك كود على برنامج الأعطال.

بص ياباشا عشان منحيركش انت تعمل الاتي تروح التوكيل قولهم اكشفولي على علبة البيئة اذا كانت تمام

قولهم بصولي طيب على حساس الشكمان

واخار حاجة طرمبة البنزين

هو انت في التوكيل بيعملك رسيت او ريماب او بينزلك السوفت على الكومبيوتر او الكونترول بعد مابيزبط اوبيغير قطع الغيار والصيانه ولا لا ؟
بالنسبه لاسباب العطل الوارده عندك الايرماس علبه البيئه حساس الشكمان الرشاشات طرمبة البنزين حساس الايدل
بالبلدي الخلل دا ناتج عندك في دورة البنزين او من دورة العادم +السوفت وير لازم يتنزل من اول وجديد لو عندك شغل الكومبيوتر
وبعدين انت بتقول ان العطل ظهر بعد ما غيرت طرمبة البنزين انصحك شوف ايه اللي اتعمل غلط او نوع الطرمبه مش مزبوط او بايظه او الصنايعي عك في الشغل وماتنساش علبه البيئه والانجكشن عشان دول اكبر احتمالات عندك بعد طرمبة البنزين

السلام عليكم
أستأذن حضرتك في ابداء الرأي المتواضع مع شديد الاحترام للتوكيل وجيه أباظة...... إنســــــــــــــــــــــ ــــــــــــــاه بالمرة ولو عاوز تحافظ على عربيتك متتعاملش معاه، هو ده النقطة السيئة لبيجو في مصر
وده مش مجرد كلام وإنما من واقع احتكاك وتجارب للتوكيل وأكتر من مركز خدمة لبيجو 406 الشكل الجديد والقديم والبيجو 405
اتهريت بعد عنك من المراكز النصابة، وعشان كده نصيحة لله محدش يحط إيده في عربيتك غير مركز أحمد عمارة في مصر القديمة عند حديقة الفسطاط أمام مرور عين الصيرة، ربنا يباركله بجد فاهم وبيشتغل بذمة وضمير ومواعيده كويسة وأسعاره أقل من التوكيل بس أعلى من المراكز التانية، وحط في اعتبارك إنه بيعمل شغل تمام وبيضمنلك شغله لو كان حاجة كبيرة زي عمرة أو وش سلندر أو غيره وده عن تجارب مش تجربة.
الدليل.... قبل ما تتعامل معاه أستأذنك تروح بس وتقف أمام المركز وشوف كام 406 عنده وأسأل اصحابها على شغله.
وجيه أباظة غمرة كان هيضيعلي العربية من 4 سنين وأمره انتهى بالنسبالي، ومركز بيجو الجيزة عند النفق فعلا ضيعهالي ومنه لله
أنا مش شغال هناك ولا أعرف أساميهم بس النصيحة لله
وبالنسبة للمشكلة دي حصلتلي زمان، وبصراحة أنا متعجب جدا جدا من حكاية وش السلندر والجوان ده !!!!
غاليا حساس شكمان وفي الكتالوجات بيقولوا عليه حساس أوكسجين، وبيقيس نسبة الأكسجين في العادم ومنه يتم تقرير حساب معدلات ونسب الخلط في الحقن الألكتروني.
الموضوع ده حصلي في بيجو 406-2001 وبورا 2002
الحساس غالي
إما تشتريه استيراد وموجود في بورسعيد
وإما يتفك ويتنضف بفرشاة أسنان ده لو ينفع وبيدي قراءات قليلة ومعقولة.
أتمنى يكون الحل بسيط وبإذن الله مركز أحمد عمارة يعمل لك صيانة شاملة، وبالتوفيق

اقتباس:

---

المشاركة الأصلية كتبت بواسطة haitham1985

بنسبة 70% >>>>>>>> الطرمبـــــــــــــــــــ ــة

---

مش 70 % بس

لاء دى

90 % طرمبه بنزين اللى اتغيرت يا اما مش هى يا اما مش تمام

100 % بوابه

^_^

Air mass!

حضرتك مشكلتك في حساسين هتغيرهم .. هما حساس البوابة .. وحساس الشكمان .. قبل ده تعمل تشيك على علبة البيئة الاول .. الموضوع كله مش هيتكلف 400 جنيه .. والمشكلة هتنتهي .. بس بعد ما تغير الحساسات تدخل العربية كمبيوتر عشان تشيل الاخطاء من على الكونترول .. ويا ريت تقولي النتيجة بعد ما تخلص

متجرب تروح مركز صيانة أحمد عمارة ومش هتخسر حاجة، إعمل لها استشارة وكشف بس قبل ما تشتغل