الموضوع: هى السيراتو بتسحب بنزين ؟؟؟

على فكره قبل ما العربيه تتظبط العجله الشمال بتاعتها كانت مش ثابته و كنت مقلق منها . و مبجريش خالص
و بعد التعديل و التصليح .......ز مبقتش مصدق العربيه و مستغرب جدا جدا . العربيه على 130 زى 70 .و مش حاسس باى شىء خالص و على 160 عاديه و معقوله . و ده لاحظته لما اخدت بالى من عداد السرعه بالصدفه .
انا مش عارف اقول للاسف و الا لحسن حظى .
و لكن اللى لاحظته ان العربيه عملت اكتر من 620 كم فى التفويله اول تكه من بنزينة شل من اول طريق مصر اسماعيليه . و ده لما سافرت بور سعيد و رجعت .و كنت مستغرب لان السرعه كانت ما بين 120 ل 140 و الاستهلاك 7 لتر لكل 100 كم او ازيد شويه .(انا مفول اول تكه يعنى التنك مش مليان لاخره و عملت 620 كم نصهم بالتكييف ) و السحب تمام .و من اسبوع كان بتجيب 470 كم بالعافيه من بنزين امارات مصر .ووطنيه كانت 560 كم .و من شل من حتت تانيه 420 كم و من توتال 390 كم .كل ده فى التفويله اول تكه .
و من كده نستنتج من اختلاف السحب و استهلاك البنزين .ان السيراتو بيتاثر سحبها و استهلاكها من محطة تموين لاخرى .حسب نضافة البنزين و نقاوته و عدم غشه سواء من عداد او غيره . لان فى بنزينات بتغش فى قراية العداد بتاعها و انا حاسس بكده بنسبة 90%. يعنى سعات فى نفس الاسبوع تلاقى اختلاف منم بنزينه للتانيه فى الاستهلاك و السحب .
و بالنسبه للثبات .احب انصح كل واحد انه يعمل صيانة للعربيه و يكشف زوايا عند حد محترف .و صدقونى الموضوع هيختلف خالص .خصوصا الناس اللى عملت حوادث .لان عجلها ممكن يرحل فى اى اتجاه .فبرجاء الاهتمام بالموضوع ده اهميه قصوى .لانه بيفرق جامد فى الثبات .جامد جامد جدا جدا .
و الله اعلم