نفسى أعرف فى مجال السيارات تحديدا
ليه بورسعيد بالتحديد منطقة حره
أنا يتهئ لى منطقة حرة دى يعنى فيها موانى و مدينه ساحليه
طيب ماهى أسكندريه فيها موانى و مدينه ساحليه ؟
طيب ليه بالذات بورسعيد منطقة حرة و باقى مصر مش منطقة حره ؟
المفروض نقوم بوقفة كدة عشان نبقى منطقة حره :wink:
اعتقد ان في ايام عبد الناصر كافاء شعب بورسعيد بأن تكون منطقة حرة نتيجة المقاومة الشعبية في67
والله الواحد نفسه مصر كلها تبقى حره مش بص بورسعيد
بورسعيد منطقه حره و اسكندريه مش منطقه حره
اهه غلاسه كده :)
نتيجة لكفاح شعب بورسعيد يدفاعهم الشعبى عن المدينة خلال فترة حرب 56 ثم النكسة وتهجيرهم اجبارى بعد النكسة
فقد قرر الرئيس انور السادات مكافاءة اهل المدينة بالكامل بتحويل المدينة الى منطقة حرة (أى معفاة من الضرائب والجمارك وما الى ذلك)
ياريت اسرائيل كانت دخلت القاهره :(اقتباس:
المشاركة الأصلية كتبت بواسطة romieh
اتلغت يا باشا بقالها اكتر من 3 سنين و العربيات اللي بتشوفها ده كلها قديمه قبل القرار
و بالنسبه للسبب ليه بورسعيد؟ الاخوه الافاضل وضحوا السبب و في الاخر المخلوع و لا خلاها منطقه و لا حره (:
ميرسى يا جماعة على ردودكم بس عايزة أقولكم أن مفيش نتائج للثورة خالص انا مكنتش متوقعة أن الجمارك هتفضل زى ماهيا و الأحتكار هيفضل زى ماهو , يعنى لو هنبص أنتوا قولتوا أيام الأحتلال بقيت منطقة حرة و أيام ثورة 52 حصلت حاجات كتير كويسة زى مجانيه التعليم
لكن ثورة 25 يناير !!!؟
مع توضيح بسيط أنا قبل كدة قريته
الجمارك و الضرايب بيتم فرضها لما يكون عندك منتج محلى عشان تحمى المنتج المحلى من الأفلاس
لكن أحنا ولا عندنا منتج ولا عندنا محلى
أحنا عندنا غزل المحله و هيهبط لدورى المظاليم إن شاء الله
العبرة فى المردود الإقتصادى مش إنك تبقى منطقة حرة وخلاص ........ لااااااااااااااااااااااا ......... الموضوع محتاج إدارة قوية جدا علشان ميحصلش إغراق للسوق والبضايع المحلية تروح فى دااااااااااااهية زى محصل فى أيام الزفت الإنفتاح الغير مقنن اللى عمله السادات الله يرحمه ويسامحه
الأفضل هو دعم الصناعات الوطنية وعدم إستيراد السلع الإستراتيجية وبالتالى ضبط الأسعار
الموضوع كبييييييييييييييييييييير والله
أنا خايف من التهورات دى فى الفترة اللى جايه
ربنــــــــــــــــــا يستر
سؤال وجيه و النبى رد عليا فيهاقتباس:
المشاركة الأصلية كتبت بواسطة haitham1985
فين المنتج المحلى ؟
و لما الناس جت قالت يعملوا عربيه أسمها تحرير قالولهم محتاجين مصانع تعذية و دا ممكن يتم خلال 25 سنه إن شاء الله يبقى قريب كدة فى عام 2037 تكون مصر قدرت تنتج أول عربيه و وقتها يتعمل ضرايب و جمارك زى ماهما عايزين
لكن دلوقتى الضرايب و الجمارك بتحمى مين ؟ و لصالح مين ؟
طيب هما ليه شالو نظام المنطقة الحرة من بورسعيد
انا اعمل بالمناطق الحرة و هناك فرق بين "منطقة حرة" و "مدينة حرة"
في مصر يوجد مدينة حرة واحدة و هي بورسعيد و لم يلغى قرارها بعد و لكن تم تأجيله سنة تلو الاخرى و اعتقد ان هذه اخر سنة.
و 11 منطقة حرة متواجدين بالقاهرة و الاسكندرية و بعض المحافظات الاخرى و التي منها بورسعيد.
لا توجد ضرائب ولا جمارك على كل ما يتم استيراده داخل المنطقة الحرة حيث يتم اعتبارها منطقة خارج البلاد و لكن بمجرد خروجها من البوابة يتم دفع الجمرك + الضريبة (بعيدا عن التهريب طبعا :d )
حاسس انه قرار طبقى شويه
مافيه صعايده بالهبل ماتوا فى الحروب برضه وسوايسه كتير عانوا برضه
الفكرة ان المدينة تتعامل بدون الاجراءات الجمركية وبالتالى تتوسع حركة التداول والاستيراد والتصدير، وبما ان بورسعيد رأس قناة السويس فبالتالى المصدرين والمصنعين، يخزنوا او يقيموا مصانع فيها والعملية تكون مربحة للكل - افراد ودولة. ولكن التطبيق بقى حاجة تانية، ومتعرفش ترمى اللوم على مين!
أصل لو على الموقع الأستراتيجى زى مابتقول فأسكندريه و بعض الأماكن فى سينا موقعهم أفضلاقتباس:
المشاركة الأصلية كتبت بواسطة Ahmed_Rahem
لو على التوسع و إقامة مصانع أية علاقة السيارات بالمصانع ؟
من أمتى عندنا مصانع أنتاج أصلا للسيارات ؟
مش عارفة ليه حاسة أن القرار دة كان أسوء قرار فى تاريخ مصر أن متبقاش كل المدن فى السلع الغير مصنعة فى مصر منطقة حرة
يعنى بما أننا لا نصنع سيارات أطلاقا يبقى السيارات ميتفرضش عليها جمارك وضرايب بالشكل دة
و زى ماقولت فين المنتج المحلى ؟
دا أنا كان زمانى راكبة لامبرجينى :breakpc2:
سؤالك وجيه فعلا ...... ولا يعتبر مضاد للكلام اللى أنا قلته بل هو يقرر لضرورة البدء فى إيجاد بدائل للمستورد كمنتج محلى ودعم هذا المنتج لكى يصل لمستوى تنافسى جيد لعمل نوع من التوازن فى السوقاقتباس:
المشاركة الأصلية كتبت بواسطة manola
من ناحية أخرى أنا لست مع الهيكلية الجمركية الحالية لأن أقل ما يقال عنها أنها مبالغ فيها لدرجة النصب على الرغم أنها توفر مورد للدخل النقدى بس كله بيتسف
إحنا متفقين مش مختلفين
وبالنسبة للعربية ده لعب عيال وتخلف ..... دولة زى مصر تقدر تعمل عربية محترمة فى فئة سعرية معقولة 50 ألف مثلا فى خلال سنه واحده
كدة متفقيناقتباس:
المشاركة الأصلية كتبت بواسطة haitham1985
بس برضة فيه نقطة أنا شايفاها مختلفة عنك شوية
أى نعم أحنا كأمكانيات نقدر نعمل عربيه و بسعر أقل كمان من الـ 50 ألف جنيه و أمكانياتها هتبقى مقبولة جدا
بس فيه فرق بين إنك تقدر تعمل حاجة كأمكانيات
و إنك متقدرش تعمل حاجة عشان الوضع إلى موجود دلوقتى عاجبك
فاهمنى ؟
يعنى الحكومة بالكامل مش عايزة تعمل سيارات فى مصر لحماية التجار و عاجبها الحال على كدة و بما أن مفيش ضغط عليها أو محدش بيذكر أن الجمارك و الضرايب سرقة يبقى أية هيضرهم ؟