مشكلة رعشة بسب الترصيص ..... أرجو المساعدة
السلام عليكم ورحمة الله وبركاته
أنا كان عندي رعشة في الدركسيون عند سرعة 100 كم/س بس مش جامدة أوي
رحت Fit&Fix الرحاب عشان إتعاملت معاهم في كذا عربية والولد إلي شغال هناك بصراحة فاهم شغله كويس رغم صغر سنه
بس هو قالي ملاحظة وهي إن في centralizers اللي بتركب مع الجنوط الاسبور اللي عندي واسعة شوية ودي ممكن اللي تكون عاملة الغربلة
وبعد ما خلص أنا روحت بس مكانش في فرصة أجرب عشان مفيش طريق أعرف أوصل بيه للسرعة دي في الرحاب فقلت أنا أجرب عالطريق تاني يوم عشان كنت مسافر اسكندرية
وقد كان أول ما مسكت الطريق الدائري عند 100 كم/س غربلة جامدة أكتر من الاول وطبعا خلاص هكمل يعني هكمل واضطريت يا أمشي على 80 أو 140 عشان الغربلة تخف خالص
السؤال بقى : هل centralizers دي ممكن تكون السبب فعلا عشان أنا مش مقتنع ؟
وشكرا على الردود مقدما