الموضوع: تغير اللون وما أدراك ما تغيير اللون

تغير اللون وما أدراك ما تغيير اللون

النهاردة روحت المرور علشان أثبت اللون الجديد فى الرخصة

وللأسف بعد ما سألت ناس كتير اوى قالولى ياعم دة ب50 جنية وهاتجيب أورنيك فحص لون بس

للأسف مطلعش زى ما الناس بتقول

لقيت نفسى داخل فى فحص كامل

أول حاجة مهندس الفحص طلع عنيا انا كانت العربية بتعدى رشا برا وجوا

فقولت أرشها برة وجوا بنظافة

بتاع الدوكو ظبط العربية كلها الحوض وكل حاجة بقت عاملة زى الفبريكة

الاقى مهندس الفحص يقولى العربية دة الحوض بتعها نظيف شكلها مغيرا ربع قدمانى مافيش حوض هايبقا بالشكل دة من سنة 85

طاب والنبى أقولو اية

الاقيه يقولى طلعلى 3 حتت فيهم فى القايم والشنطة والحوض من اللون القديم

طبعا ً طلع عنيا عمال ما قدرت أوصل 3 حتت مكنش بتاع الدوكو حرقهم

وشوية يقولى شيل علبة الشكمان ركب العادية وتعالا

بجد بجد بجد انا طالع من المرور متنرفز كنت هعمل حادثة من خنقتى من الى حصل لغاية ما غيرت اللون

والله ما بياخد

ما لو كان بياخد كنت خلصت وخلصت

بس هو مش بياخد بقا