مشكله في فتيس ال Hyndai I20 المنيوال
ازيكم جميعا
انا عندي مشكله في عربيتي واتمنى الاقي حلها هنا بفضل الله
بصراحه ال i20 ورغم انها منتشرة في مصر (يمكن علشان سعرها) عربيه ممتازه بجميع المقاييس, تقفيل كويس, ثبات على الطريق في السرعات العاليه من لحد 160 ك, كويسه في الملفات رغم انها هاتش باك وحجها اصغر حاجه بسيطه عن ال New Accent
المهم, من لحظة ما جبت العربيه وانا عندي مشكله معرفش هي سببها ايه هل من الفتيس ولا الكبالين ولا قواعد الموتور مش عارف بالزبطت, العربيه واناماشي على الاول والتاني بحس انها بتتمرجح بيه لورا وقدام واحيانا مع صوت طقه خفيفه تحت الغيارات, واول ما اخد الغيار التالت كل ده يروح, كمان بحس ان العربيه بتكون خدت الغيار وبتاخر في نقل الغيار للموتور بعد ما اكون رفعت رجلي عن الدبرياج ودست بنزين, انا حاولت ااقرب على قد ما قدرت المشكله ولو في اي استفسارات تانيه انا تحت امركو لانني مش عارف المشكله ايه بالزبطت
معلش انا طولت عليكم بس حبيت اقول كمان معلومه انني رحت توكيل هيونداي اربع مرات علشان المشكله ده بس وقالولي ربطتنالك على قواعد الموتور واخر تلت مرات ده عادي لاني الموتور بيتحرك ورا وقدام وانت ماشي, بس انا حاسس ان مش طبيعي نهائي زي ما يكون حاجه في تجميعت الفتيس مع الموتور مش قواعد الموتور خااااااااااااالص لان العربيه في ماشيه زي الفل وصوتها هادي جدااا وناعمه
اسف على الاطاله
