مراتى هتولع فيا

**LORD.ADeL** · 10-07-2012 05:03 PM

المشاركة الأصلية كتبت بواسطة mado83

الحمد لله اخدت يومين اجازه وروحنا الحسين صلينا المغرب واكلنا بليله من عند الحرمين تقريبا اللى جنب الحسين
وروحنا كارفور اتجمركت ورجعت ويوم تانى شارع طلعت حرب وايس كريم وكبده وسجق شغل الخطوبه ساعات بيبقى موفر

حمدلله ع سلامه ياباشا
مهم بقا عرفت تدخل كارفور ازي فى زحمه دي
وايس كريم من العبد ولا منين والاهم كبدة وسجق منين بقا ههههههههههه هناك

**LORD.ADeL** · 10-07-2012 05:04 PM

المشاركة الأصلية كتبت بواسطة mesaharaty

الله عليك
كنت حاشور عليك بحاجة زى كده
طبعا الحسين دى منطقتى القديمة وحافظها عن ظهر قلب
وكان فيه إقتراح تانى لذيذ جدا وهو (الأزهر بارك)
مكان نضيف وعائلى وممتاز ورخيص وأمان ومفتوح وشغال بالليل كمان وفيه بعض المطاعم ومناظر حلوة زى البحيرة والنافورات وكده .

شرح يباشاا منين من هرم ؟ وهل مناسبه للعب الاطفال وكدة وبكام دنيا هناك

**LORD.ADeL** · 10-07-2012 05:06 PM

المشاركة الأصلية كتبت بواسطة me_medoo

ههههههههههههههه
طب اعمل ايه قولي .... العيال زهقت من حبست البيت .
وتحياتي

ياريت ياميدوو بدالك دايس فى حتت كتير تقولي اماكن خروج مناسبه للاطفال او كاسرة يعنى
تقضي وقت جميل وامان ومش مكلف دنيا مش مستحمله ههههه

**cyborg_ift** · 10-07-2012 05:12 PM

صدقني لن يرضوا حتى ان فسحتهم في بلاد بره وده من تجارب مريت بيهه مش من فراغ

البنت : بابا نفسي اروح جنينة الحيوانات
انا : يوم الجمعه يا حبيبتي
البنت : طب انهارده ايه
انا : الجمعه يا ضنايا
البنت : هيييييييييييييييييه بابا هيفسحنا انهارده
انا : بت بت بس الحيطان ليهه ودان انا قصدي الجمعه الجايه
الحيطان قصدي المدام : انا سمعت كلمة فسحه
انا : سلامة ودانك يا حبيبتي تعبينك ولا ايه
البنت : بابا هيودينا الجنينه يا ماما
انا : انا قلت الجمعه الجايه
المدام : حرام عليك البنت زهقانه ونفسهه تجري وتلعب زي بقيت العيال
انا : وانا نفسي اريح ساعتين زي بقيت الرجاله
البت : ونبي يا بابا ونبي ونبي
انا : البسوا بالخطوه السريعه والله ربع ساعه ان ما كنتوا جهزنوا ما انا رايح

بعد خمس دقائق

المدام : هيييييييه جهزنا
انا : يا مقلب القلوب يا رب ايه السرعه ديه الله يرحم

نروح الجنينه ونشبك ادينا وبعد ما نمشي منهه واحنا في العربيه
المدام : الجنينه مش أد كده
انا : ---------------------
المدام : منبسطناش
انا : --------------------
المدام : اتبسطي يا حبيبتي
البنت : ايوه يا ماما
المدام : يا كدابه ... طب انت بزمتك انبسطت
انا : يا حبيبتي هوه انتي تبقي مع حد وينبسطش برضه
المدام : طب ليه الغلط
انا : يا بنتي هوه انا بشتمك
المدام : طب بقولك ايه
انا : متقوليش
المدام : لأ هقول ايه رأيك لو نروح نكمل فسحه في جامعة الدول
انا : خليهه الاسبوع الجاي احسن تعبت اوي

والاقي سبحان الله حاجه غريبه بتحصل في المرايه كائن بيتحول جنبي وبوز بياخد شكل عجيب يكرهك في حياتك كلهه وتضطر لا اراديا تنفذ علشان ميتنفذش عليك

**me_medoo** · 10-07-2012 05:20 PM

المشاركة الأصلية كتبت بواسطة lord.adel

ياريت ياميدوو بدالك دايس فى حتت كتير تقولي اماكن خروج مناسبه للاطفال او كاسرة يعنى
تقضي وقت جميل وامان ومش مكلف دنيا مش مستحمله ههههه

حبيب قلبي ومين سمعك.
انا شايف حديقة الازهر. هيا احسن مكان في القاهرة بس التذكرة ب خمسة جنيه للفرد وخمسة جنية للعربية
يعني قول ٢٠ جنيه

والهابي لاند كمان بتبقى حلوة بالليل بس اعمل حسابك في. ٤٥ جنيه

وخدهم مشيهم شوية. في سيتي استار. هتدفع موقف ٨ جنيه فقط

واعمل زيي. متخليش مراتك تشتري حاجة من البقاليين . وروح كل مره فرع جديد من فروع كارفور وقلها متشتريش حاجة هاتي شوية حجات بسيطة علشان بعد بكرة هنروح كارفور الفرع التاني وهكذا

في عندك حاتي الفقير في شارع فيصل كمان مطعم لزيز اسعاروا معقوله الى حد ما واكلوا حلووو
او درش في امبابة
او المليجي في المعادي
واعمل حسابك على ستين سبعين جنية

بس خلي بالك عيد الزوجية ده اهم عيد في السنة وعيد ميلادها اعمل حسابك على ٢٢٠ جنية كده تعزمها في السرايا او الباشا. ووزع العيال في اي حته عند ستهم او حماتك

وعندك كمان مسجد الرفاعي. او القلعه وخد كميرة معاك وصور العيال والمدام الصور بيبقى تاثيرها حلووو قوي على الرحلة

انا وديتهم افريكانوا واتلدعت ٢٥٠ جنية. تذكرة بس كان يوم لطيف
ونفسي اروح اماكن تانيه في مصر غير السويس او الاسكندرية او الساحل. تكون رخيصة وامنه وحلوة وفيها حاجة جديدة

بس مع الاسف القاهرة فقيررررررررة جداًً للتنزه .

**Motaz.Habib** · 10-07-2012 05:25 PM

واللهى تقريبا معظم الشعب المصرى بيعانى من نفس المشاكل بس الواحد علشان يصبر نفسة و يخلى الموضوع بالنسبالة كويس يحط الاحديث الشريفه دى فى دماغة و يجدد نيتة :
1- خيركم خيركم لأهله، وأنا خيركم لأهلي
2- إذا انفق الرجل على أهله نفقة يحتسبها فهي له صدقة
3- دينار أنفقته في سبيل الله ، ودينار أنفقته في رقبة ، ودينار تصدقت به على مسكين ، ودينار أنفقته على أهلك ، أعظمها أجر الذي أنفقته على أهلك
4- أفضل دينار ينفقه الرجل دينار ينفقه على عياله ، ودينار ينفقه على دابته في سبيل الله ، ودينار ينفقه على أصحابه في سبيل الله

بجد هتبقى مرتاح جدا و انت بتصرف و ربنا يبارك لكل واحد و افتكركويس جدا انت احسن من ناس كتيييييييييير نفسها تتجوز او متجوزة و نفسها فضفر عليل صغير

**me_medoo** · 10-07-2012 05:27 PM

ههههههههههههه
هو انتا عندك كمان بتتحول زي الي عندي ....
كنا هنعمل مقابلة قريب بس قلنا ننضم لقسم هوندا في الماقبلة بتاعتهم الجمعة الي جي في كافيه سي عمر
بس هو انا هاخود المدام والعيال المقابلة برضو هههههههههه

**mazher_m** · 10-07-2012 05:42 PM

المشاركة الأصلية كتبت بواسطة me_medoo

ههههههههههههه
هو انتا عندك كمان بتتحول زي الي عندي ....
كنا هنعمل مقابلة قريب بس قلنا ننضم لقسم هوندا في الماقبلة بتاعتهم الجمعة الي جي في كافيه سي عمر
بس هو انا هاخود المدام والعيال المقابلة برضو هههههههههه

ومكانه فين ده

**me_medoo** · 11-07-2012 01:28 AM

المشاركة الأصلية كتبت بواسطة mazher_m

ومكانه فين ده

علمي علمك يا مظهر باشا ... بس انا هطلع من البيت الساعه 4ونص كده ... وهروح مدينة نصر واتصل على سمسم منسق هوندا ... المشكلة انا محرج قوووي من ساعت أخر مقابلة كانت حلوة وجميلة ,,, بس بسبب الكترة مقدرتش اوفي كل واحد قدروا والمشكلة اني سمعت خمسين اسم ليلتها مقدرتش اعرف ده مين وده مين ... ده حتى الراجل الي زي العسل كان قاعد جمبي وأتكلمنا كتيررررر راجل سكرة أني اعرف نك نيموا في المنتدى ايه ... ده حتى جوست ميدوو تصور بعد شهر من المقابلة اكتشفت انو جيه بس اني واحد كان جوست معرفتش ههههههههه ... حبايبي واللهي ... تعالوا نتقابل انشاء الله في مقابلة الهوندا عاملين هما موضوع في قسم هوندا .

الموضوع: مراتى هتولع فيا

LinkBack

أدوات الموضوع

عرض

-

-

-

-

-

-

المواضيع المتشابهه

مراتى كانت ناويه لى على نيه هاقلكم انا عملت ايه

نفسى أخرج مع مراتى !!!!

عايز اعلم مراتى السواقه

عيوب خطيبتى او مراتى!!!

الكلمات الدلالية لهذا الموضوع

المفضلات

المفضلات

ضوابط المشاركة