زهقانه من البيت وعايزانى اخرها فعايز اخرج يوم ومش عارف اروح فين
ياريت مقترحاتكم بس مافيش سفر بره القاهره
انا ومراتى وبنتى 5 شهور
عرض للطباعة
زهقانه من البيت وعايزانى اخرها فعايز اخرج يوم ومش عارف اروح فين
ياريت مقترحاتكم بس مافيش سفر بره القاهره
انا ومراتى وبنتى 5 شهور
روح القريه الفرعونيه يوم بالمتاحف و الرحله النيليه و الغدا ... ده لو ليكو فى النظام ده
طالما انتوا لسه متجوزين و مبارك على البيبى و تتربى فى عزكوا ان شاء الله
يبقى عيشها ايام زى ايام الخطوبه علشان تفكرها بالايام دى
بمعنى شوف انت كنت بتوديها فين ايام الخطوبه و وديهالها و فكرها بالايام دى
هتلاقى رد فعل رائع منها
تحياتى
^_^
واللي مكانوش بيروحوا في حته ايام الخطوبة
يعني كانت زيارات في صالة البيت
مش ممكن داى يوز فى اى فندق فى القاهره يكون فيه بسيخ وياريت الاسعار
وإيه الي جابرك على كده
مانت كنت تمام ..
وعايش مانتخ لوحدك
صمم على رائيك و الا هتبقى تفتح على نفسك فتحة و مش هاتعرف تلم الموضوع كل ما تطلب حاجة مجابة
خلى الموضوع من دماغك انتا
بمعنى انك ترفض بحجة الشغل او مفيش فلوس و بعدها بكام يوم قولها ربنا فرجها و ابقى خرجها المقصود يبقى انتا صاحب القرار
طالما وصلت لمرحله التوليع و الحرايق ... سيب البيبي عند والدتك او والدتها و اتعشوا عشوه رومانسيه في اي مطعم
الحمد لله اخدت يومين اجازه وروحنا الحسين صلينا المغرب واكلنا بليله من عند الحرمين تقريبا اللى جنب الحسين
وروحنا كارفور اتجمركت ورجعت ويوم تانى شارع طلعت حرب وايس كريم وكبده وسجق شغل الخطوبه ساعات بيبقى موفر
يا مفترى خرجتهه يومين مره واحده
متبقاش تشتكي بعد كده
واللهي موضوع جميل وكلنا هذا الرجل اليذي يريد ان يوفر :انا عن نفسي كمان كفرت خلاص من كارفور وهيبر واسبينس ومفيش مكان محترم اخود المدام والعيال فيه باقل التكاليف وبدون مينمم اتشارج. وحاجة بجد تسبب الكبت والخناق اليومي وكتر المشاكل طيب وانا اعمل ايه اذا المرتب. محدود وهما قرشين باخودهم اول اخر كل شهر والمنتدى هنا مبيدنيش حاجة ان ما حد حتى حط ايدو في جيبو وطلعلي عشرة جنية وقالي عات حاجة حلوة للعيال هههههههههههههه. بص ياسيدي انا بروح فين في القاهرة رغم ان الاماكن بقت محدوودة
١- جنينة الحيونات (زبلت. وبقت تلم غجر ولمامة)
٢- الكورنيش ( كلو حبيبة وباعة متحوليين وحاجة قلت ادب )
٣- فوق اي كوبري ( نفس الكلام ده غير البلطجة وقلت الادب والمسخرة )
٤- الحديقة الدولية ( زهقنا منها )
٥ - حديقة الفسطاط ( زبالة الزبالة وجغر على اوباش )
٦- حديقة الازهر ( جميلة ورائعة وممتازة بس العيال والمدام ملو منها وحفظوا كل شبر فيها هههه )
٧- سيتي استار ( كمان ملوو منو )
٨- جامعة الدول ( مبقاش زي زمان وتحس انو بقه فاضي )
٩ - كورنيش الزمالك ( حدث ولا حرج من شباب وقلة ادب والسور بقو مشحمينوا
بالذات الحته المقابلة لاركيديا قمت المليطة في الزمالك )
١٠ - القناطر ( بنخاف نروح هناك من الحوادث الي بنسمع عنها )
١١- الهرم ( شمس وعفرة وحرررر )
١٢- باقي المولات حفظناهم وزهقنا منهم ومبقاش فيهم حاجة
١٣ - السيرك القومي ( بقى قديم ورحناه كزا مره )
١٤ - سينما ونشوف فيلم جديد ( تاني يوم هتلاقيه نازل حصري على مولدي ولا روتانا ولا اليو تيوب ) ههههه
ده غير التكاليف الي بقت مبالغ فيها .
١٥ - ماجيك لاند. ( رحناها تلات مرات )
١٦- دريم بارك. ( رحناها مرتين والعيال عندي صغيريين مش حمل الالعاب الخطيرة وكل ما اقول للمدام تعالي نركب الصاروخ ولا المرجيحة الي بتتشقلب تقولي بخاف .... اقولها ياوليه خلينا نحلل التذكرة تقلي حللها لوحدك ههههه )
١٧- في كازينو الهبي لاند في شوبرا ( لزيز بس ملينا منوو )
١٨- باخرت السرايا او الباشا او الهبي دولفن رحنا كزا مره وبصراحة خراب بيوت ههههههه
١٩- كزينو الحمام ( بقة تعيس وكئيب )
٢٠- فلفلة في المنيل ( اكلهم زي الزفت )
٢١- فاملي لاند المعادي ( لا جديد )
٢٢- جراند مول المعادي ( هو هو مفيش حاجة جديدة فيه )
وكلو كوم والي يفقع مرارتك مهما خارجت. تكوع جامد ..... وياريت تنبسط. .... ويجي واحد يفقع مرارتك ويقلك كل سنة وانتا طيب ياباشا ههههههههههههههه طيب اروووح فين يا جماعه تاني فكروني. يمكن اكون ناسي حته كويس ومرحنهاش
ثواني اروح اخد حباية الضغط
ااااااااااااااااااااااااا اااااااااااااااااااه يا مفتري هان عليك معشر الرجال تعمل كده
بأه ديه مبادئنا .. هوه ده اللي بنحارب عشانه .. عرفت مبنعرفش نحوش ليه
طب بزمتك اديك لففتهم مصر كلهه انبسطوا ؟! قالولك كده كفايه فسح ؟!
فسحه فسحتين بالكتير وخلي المركب يمشي وحوشلك قرشين
ماله فرغلي بتاع القصب فسحه بخمسه جنيه ... ماله ناصية شارعنا تتجعص وتطرقعلك كوزين دره ميكملوش 3 جنيه ... مالهه الفرانده وفي ايدك حجرين قص وبجنيه لب سوري هههههههههه
ايه دور البخيل وانا اللي انا فيه ده
ههههههههههههههه
طب اعمل ايه قولي .... العيال زهقت من حبست البيت. وابتديت احس ان كل واحد فيهم قاعد على اعصابوا والواد بقة يضرب البيت والبيت تفقع اسافين في اخوها عندي وعند مامتهم فلازم اخرجهم بس المشكلة انتا لازم تكون مليونيرررررررر علشان تقدر تفسح عيالك في مكان نضيف .... مفيش منفس لاي اسرة مصرية بسيطة تقدر تتنفس فيه بعيد عن الغجر والمصاريف والبلطجة
ده حتى في حديقة على النيل كده قدام كازينو قصر النيل. التذكرة بجنيه. كنت بروح انا واسرتي وناخود ترمس شاي معانا على كام سندويتش لافاش كيري
النهردة تيجي تروحها تلاقيها مليطة وشوية عيال وبنات زبالة. بيعملوا حجات مينفعش عيالي يشوفوها علشان ميتعلموش منهم وبشوف بنات مناظر اجارك الله واد يقرص البيت. والبت تقرص الواد وهيئي ومئي. فبقيت ابعد عن الاماكن دي حتى هضبة المقطم. كنت باخود العيال ونفرش على الارض هناك فوق الهضبة مع تورمس الشاي. ونتفرج على جمال القاهرة من فوق كده برضوا اتقلبت فوضى .... وتبقى معاك تورمس الشاي بتاعك ويجيلك واحد يقلك ايوووووووه الشاي تقولوا مش عاوز يقلك القعده هنا بفلوس طيب بكام الشاي ياعم الحج يقلك خمسة جنية لاحول ولا قوة الا بالله. .... يعني احدف مراتي وعيالي من فوق الجبل علشان يتراحوا البلطجية والحرامية بتوع البلد مينفعش افسح مراتي وعيالي فسحة جميله ببلاش كده في بلدي الشكوى ليك يا رب .
وتحياتي
الواحد والله مابقاش عارف يعمل ايه
اى خروجه هتخرجها دلوقتى هتكلفك اقل حاجه لو ماحطيتش ايدك فى جيبك وانت سايب ايدك خالص كده من غير ماتطلع محفظتك هتصرفلك 50ج
وهتفضل تضرب اخماس فى اسداس اتصرفو فى ايه
صدقني لن يرضوا حتى ان فسحتهم في بلاد بره وده من تجارب مريت بيهه مش من فراغ
البنت : بابا نفسي اروح جنينة الحيوانات
انا : يوم الجمعه يا حبيبتي
البنت : طب انهارده ايه
انا : الجمعه يا ضنايا
البنت : هيييييييييييييييييه بابا هيفسحنا انهارده
انا : بت بت بس الحيطان ليهه ودان انا قصدي الجمعه الجايه
الحيطان قصدي المدام : انا سمعت كلمة فسحه
انا : سلامة ودانك يا حبيبتي تعبينك ولا ايه
البنت : بابا هيودينا الجنينه يا ماما
انا : انا قلت الجمعه الجايه
المدام : حرام عليك البنت زهقانه ونفسهه تجري وتلعب زي بقيت العيال
انا : وانا نفسي اريح ساعتين زي بقيت الرجاله
البت : ونبي يا بابا ونبي ونبي
انا : البسوا بالخطوه السريعه والله ربع ساعه ان ما كنتوا جهزنوا ما انا رايح
بعد خمس دقائق
المدام : هيييييييه جهزنا
انا : يا مقلب القلوب يا رب ايه السرعه ديه الله يرحم
نروح الجنينه ونشبك ادينا وبعد ما نمشي منهه واحنا في العربيه
المدام : الجنينه مش أد كده
انا : ---------------------
المدام : منبسطناش
انا : --------------------
المدام : اتبسطي يا حبيبتي
البنت : ايوه يا ماما
المدام : يا كدابه ... طب انت بزمتك انبسطت
انا : يا حبيبتي هوه انتي تبقي مع حد وينبسطش برضه
المدام : طب ليه الغلط
انا : يا بنتي هوه انا بشتمك
المدام : طب بقولك ايه
انا : متقوليش
المدام : لأ هقول ايه رأيك لو نروح نكمل فسحه في جامعة الدول
انا : خليهه الاسبوع الجاي احسن تعبت اوي
والاقي سبحان الله حاجه غريبه بتحصل في المرايه كائن بيتحول جنبي وبوز بياخد شكل عجيب يكرهك في حياتك كلهه وتضطر لا اراديا تنفذ علشان ميتنفذش عليك
حبيب قلبي ومين سمعك.
انا شايف حديقة الازهر. هيا احسن مكان في القاهرة بس التذكرة ب خمسة جنيه للفرد وخمسة جنية للعربية
يعني قول ٢٠ جنيه
والهابي لاند كمان بتبقى حلوة بالليل بس اعمل حسابك في. ٤٥ جنيه
وخدهم مشيهم شوية. في سيتي استار. هتدفع موقف ٨ جنيه فقط
واعمل زيي. متخليش مراتك تشتري حاجة من البقاليين . وروح كل مره فرع جديد من فروع كارفور وقلها متشتريش حاجة هاتي شوية حجات بسيطة علشان بعد بكرة هنروح كارفور الفرع التاني وهكذا
في عندك حاتي الفقير في شارع فيصل كمان مطعم لزيز اسعاروا معقوله الى حد ما واكلوا حلووو
او درش في امبابة
او المليجي في المعادي
واعمل حسابك على ستين سبعين جنية
بس خلي بالك عيد الزوجية ده اهم عيد في السنة وعيد ميلادها اعمل حسابك على ٢٢٠ جنية كده تعزمها في السرايا او الباشا. ووزع العيال في اي حته عند ستهم او حماتك
وعندك كمان مسجد الرفاعي. او القلعه وخد كميرة معاك وصور العيال والمدام الصور بيبقى تاثيرها حلووو قوي على الرحلة
انا وديتهم افريكانوا واتلدعت ٢٥٠ جنية. تذكرة بس كان يوم لطيف
ونفسي اروح اماكن تانيه في مصر غير السويس او الاسكندرية او الساحل. تكون رخيصة وامنه وحلوة وفيها حاجة جديدة
بس مع الاسف القاهرة فقيررررررررة جداًً للتنزه .
واللهى تقريبا معظم الشعب المصرى بيعانى من نفس المشاكل بس الواحد علشان يصبر نفسة و يخلى الموضوع بالنسبالة كويس يحط الاحديث الشريفه دى فى دماغة و يجدد نيتة :
1- خيركم خيركم لأهله، وأنا خيركم لأهلي
2- إذا انفق الرجل على أهله نفقة يحتسبها فهي له صدقة
3- دينار أنفقته في سبيل الله ، ودينار أنفقته في رقبة ، ودينار تصدقت به على مسكين ، ودينار أنفقته على أهلك ، أعظمها أجر الذي أنفقته على أهلك
4- أفضل دينار ينفقه الرجل دينار ينفقه على عياله ، ودينار ينفقه على دابته في سبيل الله ، ودينار ينفقه على أصحابه في سبيل الله
بجد هتبقى مرتاح جدا و انت بتصرف و ربنا يبارك لكل واحد و افتكركويس جدا انت احسن من ناس كتيييييييييير نفسها تتجوز او متجوزة و نفسها فضفر عليل صغير
يا عم الحاج هتروح مول العرب امتي
انت مش ناوي تعمل مقابله هناك
ههههههههههههه
هو انتا عندك كمان بتتحول زي الي عندي ....
كنا هنعمل مقابلة قريب بس قلنا ننضم لقسم هوندا في الماقبلة بتاعتهم الجمعة الي جي في كافيه سي عمر
بس هو انا هاخود المدام والعيال المقابلة برضو هههههههههه
علمي علمك يا مظهر باشا ... بس انا هطلع من البيت الساعه 4ونص كده ... وهروح مدينة نصر واتصل على سمسم منسق هوندا ... المشكلة انا محرج قوووي من ساعت أخر مقابلة كانت حلوة وجميلة ,,, بس بسبب الكترة مقدرتش اوفي كل واحد قدروا والمشكلة اني سمعت خمسين اسم ليلتها مقدرتش اعرف ده مين وده مين ... ده حتى الراجل الي زي العسل كان قاعد جمبي وأتكلمنا كتيررررر راجل سكرة أني اعرف نك نيموا في المنتدى ايه ... ده حتى جوست ميدوو تصور بعد شهر من المقابلة اكتشفت انو جيه بس اني واحد كان جوست معرفتش ههههههههه ... حبايبي واللهي ... تعالوا نتقابل انشاء الله في مقابلة الهوندا عاملين هما موضوع في قسم هوندا .