مشكلة في المارش

**dr_abooody** · 22-06-2008 07:14 PM

عندي 128 المارش تاعبني فيها
المهم انا غيرت الاتوماتك و فضل شغال كويس فترة
و بعدين بقى بيعمل صوت غريب مع تدوير العربية
و دوقتي لما بدور بيعمل صوت تك بس و مش بيدور
انا اتخنقت منة و عايز اغيرة
ممكن الاستيراد يعمله كام
و لا اكتفى بالتصليح بس و ممكن يكون اية المشكلة
مع انتظار ردود الخبراء

**Xpert** · 22-06-2008 07:21 PM

انا جبت واحد الماني ب 250 جند ... ضغال بقاله تاني سنه .. و قبليه كان فيه واحد ايطالي و اشتغل 5 سنين ... المارش عامه انا بافكه مره واحده تديله جلب و شربون .. تاني فكه يعني يترمي عندي ...
و العربيه : لادا
اللادا بقي مالهاش مارش الماني .. بس انا لقيت ده كانوا مغيرينله الحله (المكان اللي بيركب فيه في الفتيس) ... فخدته علشان الماني ...

**ahmed1981** · 22-06-2008 09:19 PM

المشاركة الأصلية كتبت بواسطة dr_abooody

و دوقتي لما بدور بيعمل صوت تك بس و مش بيدور
انا اتخنقت منة و عايز اغيرة
ممكن الاستيراد يعمله كام
و لا اكتفى بالتصليح بس و ممكن يكون اية المشكلة
مع انتظار ردود الخبراء

ممكن يكون المارش بريء
والعيب في البطارية
وعلى العموم لو المارش تعبان كده هات واحد إستيراد بشرط الكهربائي هو اللي يشتريه ويختاره

**Ghamrawy** · 22-06-2008 10:02 PM

نصيحتى ليك ما تصلحش علشان حاتغير الشربون حايشتغل شوية و بعد كده تلاقى المبينة كلها تعبانة ............. الخلاصة اللى حاتصرفه فتافيت على القديم لو جمعته حاتجيب واحد جديد او استعمال بحالة نضيفة

**sniper2010** · 23-06-2008 11:27 AM

اتأكد الأول إن العيب مش في البطارية عن طريق اختبار باقي الأجهزة الكهربية فيها مثل الكاسيت و الأنوار و الإشارات
لو كانت البطرية سليمة اعمل صيانة للمارش بتغيير الشربون و الجلب و التنظيف عامة
بس لما تيجي تدور العربية و تلاقي المارش بيزن زنة غريبة كده ادي العربية غيار و بعدي مورها تاني و جرب تدور هتلاقي نطق على طول

**dr_abooody** · 23-06-2008 11:47 AM

لما بدي غيار و اجي ادور العربية و مش دايس دبرياش
العربية مش بتنط لقدام زي الطبيعي

23-06-2008 12:01 PM

لو البطاريه والتوصيلات سليمه

يبقى....الصوت الغريب اللى بتسمعه+ساعات بتسمع تككه فقط وانت بتدوار

=

(ترس البندكس)

والله اعلم

**mnomno** · 26-04-2011 03:34 AM

متابعه باهتمام

**eslamspirit** · 26-04-2011 12:22 PM

هوة موضوع التكتكة دة .. نفس اللي بيحصل معايا ممكن ثلاث او اربع مرات و بعدين المارش يدور
يا ريت حد يفيدنا من الخبراء اية موضوع التكتكة علي الفاضي دي ؟؟؟؟

**abo_kanze** · 26-04-2011 02:35 PM

السلام عليكم,,,

معني كلام حضرتك العرربيه واخده غيار وبتدور من غير دبرياش وما بتنطش العربيه,وبتسمع صوت التكتكه.

يبقي الاوتامتيك شغال والدليل صوت التكتكه بس ترس البندكس مش بيلف .

ممكن يكون شربون وومكن يكون الترس نفسه فوت بمعني.الترس بيلف في اتجاه واحد,لما يفوت يلف في اتجاهين.

هو ليه حل الكهربائيه بيعملوا بس مش عملي شهرين وهاترجع تاني نفس المشكله.

وقصه انك بتجرب اربع خمس مرات وبعدين بدور,لو بتسمع التكتكه في الاربع خمس مرات يبقي زي ما قلت لحضرتك.

والله اعلــم

تحياتي