الموضوع: عصابات وسط البلد

المشاركة الأصلية كتبت بواسطة screenplays

البلد كلها بقت عايزه الحرق مش وسط البلد بس

انا معاك ان البلد كلها بقت استغلال دا حتى بوابين العمارات فى الشوارع بيستهبلوا برضه

المشاركة الأصلية كتبت بواسطة ahmed_mido1889

زي ساحه انتظار مرور البساتين

دخلت ركنت وانا طالع لاقيته بيقولي 5 جنيه قولتله هات وصل

ولما خدت الوصل قطعته و رميته في الارض واديته 3 جنيه بس

يلبس هو بقي تمن الوصل وخدت العربيه وطيرت

أحسن الله ينور عليك

المشاركة الأصلية كتبت بواسطة a7med_pharma

أنا إتخانقت مرة في الموسكي بسبب الموضوع ده
ابن الــ@#@#@#
بيقولي عاوز 10 ج تمن الركنة .. من 7 الصبح لحد 10 الصبح

كنت رايح القاهرة بدري أجيب شوية حاجات ... روحت كانت الدنيا لسه رايقة مالقتش حد واقف
ركنت

قعدت على قهوة لحد المحلات مافتحت .. خلصت طلباتي ومشيت
جاي أمشي
ألاقي قرد طالع يقولي الفلوس .. بقلة أدب تحس إنه هيدخل عليك عربيتك يغزك
نزلت
ومع أني مش طويل..بس كنت بالنسبة له أرنولد شوازنجر هههههههههههه

لما قل أدبه وبدأ يشتم بألفاظ شبه وشه
رزعت راسه في قايم العربية .. راح ناده على كام لطع من اصحابه
((وكان فيه عربية أمن مركزي واقفة الناحية التانية من الشارع))
العيال اتلمو عليا .... ومش عاوز أقول أني إتبهدلت يومها .. بس روقت الي كان بيطول مني شلوت او خبطة

الكلام ده كان من سنة تقريبا

وطبيعي دلوقتي ماتجيش تركن في حتة
إلا لما تلاقي واحد ابن ــــــــــــــ
جاي يقولك اصله جراش
مع انك ركن جمب الرصيف..يقولك اصله جراش ههههههههههه



.
والمصيبة السودا
ان الشرطة مابتعملش لهم حاجة

وحكاية الدفتر والتذكرة دي
صدقوني إشتغالة
تذكرة إيه الي بتاخدها علشان تركن جمب رصيف .


ها تقريبا العصابات مقسمينها على بعضهم
وتقريبا بيدفعو إتاوة .. لواحد كبير هو الي مقسمها بينهم

ياعم فارما دول عصابات وليهم قوانين وكبير وللاسف مفيش رادع ليهم و اغلبهم حرامية وربنا هداهم للشغلانه دى انت الحمد لله انك طلعت منها سليم ومكسروش ليك العربية ولا خدوا مفتاحها منك

اللى يغيظ اكتر بقى انه بيطلب ازيد ماللى بتديهوله وبيعاند كأنه حق شخصى وفى منهم اللى بيطلب حق الركنه مقدما وطبعا انت مبتعملش معاه مشكله عشان العربية ميجرلهاش حاجه يعنى بتتقى شره برضه :( وفى بقى ناس تركن عشان تنزل تشترى حاجه مالسوبر ماركت تلاقى واحد رافعلك المساحات يعنى بجاحة وقمة فى قلة الادب ومحدش بيلم الاشكال دى حتى لو نزلت تجيب حقك بدراعك بيتلموا عليك ويضربوك ويسرقوك :(