يا عم فوات الأوان أية بس؟؟!!
هو أنت أتجوزتها؟؟!!
أية يعنى خطوبة وشوية مصاريف؟؟!!
كأنك يا أخى صيفت أسبوع فى شرم الشيخ و متنساش أن محدش بيتعلم ببلاش ....
بس لو مكانش يضايقك ممكن نعرف خطيبها الأولانى قالك أية وأزاى أتأكدت من حقيقة كلامة؟؟!!
نفسي اعرف هما ليه بيحبوا اللف و الدوران و مبيجوش دوغري ؟
احتراف علي مين بس ؟ علي الناس الخبره لا علي الشباب الجديد ممكن
انا قصدى بفوات الأوان انى بعد ماحبيتها واتعلقت بيها وكنت داخل على الرسمى ومصدق كلامها
اما خطيبها الأولانى فهى كانت قايلالى ان سبب فسخ الخطوبه انه كان شرط انها تقلع الحجاب لكنها مارضيتش !!!! ( وانا صدقت قولت يمكن عيل مش محترم من بتاع اليومين دوول )
اما اتأكدت ازاى بقه من كدبها لما دخلت على بروفايل خطيبها لقيته منزل صور خطيبته التانيه وهى ااقل منها جمالا بكتير ولبسها محترم جدا جدا جدا فكل الصور ( يعنى مااصرش انها تقلع الحجاب اوتتنازل عن حشمتها ووقارها ) وسألت اخوه برضه لزياده التأكيد عندى وقالى على الأسباب الحقيقيه وانا صدقته لأنه حاجه ليها علاقه بالصفات وانا جربتها وشوفتها فيها بس مينفعش نتكلم عليها
لا ... انا يا اما اتضحك عليا ايام الكليه ... لكن دلوقتي مستحيل اي واحده تعرف تضحك عليا ... مش اي حاجه تشوفها تصدقها حتي لو شوفتها بعنيك ... بص علي حقيقه اللي قدامك و اللي حواليك كويس ... عموما محدش بيتعلم ببلاش
لا يا جوست ... انا اتعلمت خلاص ... اللي يتضحك عليه و هو صغير اهه اسمه بيتعلم و لكن يتضحك عليه و هو كبير يبقي عيب بصراحه
ما انا قولتلك كلهم كاذبون حتي يتم اثبات العكس
امشي كده و انت تبقي مرتاح