عايز اغير رأى من الكارينز للسول
السلام عليكم و رحمة الله
الحمد ل الله ربنا كرمنى و قررت اشترى كيا كارينز و رحت معرض السقا عشان اتفرج عليها قالى السعر 122000 جنية و مفيش عربية للعرض و قالى اطلع على التوكيل اللى فى ميدان روكسى .
المهم رحت التوكيل و كان معايا والدى و انا و هوا دخلنا التوكيل و اتفرجنا
هما حاطين عربية كارينز هاى لاين سوداء ب 142000 و حاطين عربية كريمى باسيك ب 124000 و ان كنت مقرر على الباسيك بس الحاج شاف الكيا سول فطلب يتفرج عليها
فعلا مسئول المبيعات فرجنا عليها و كانت النتيجة كالتالى انى خلاص تقريبا غيرت راى الى انى اشترى الكيا سول بدلا من الكارينز
الاضافات على الكيال سول فى الفئة الباسيك :
1- الموتور 130 حصان مش 124 زى الكارينز
2- العربية فتيس 6 سرعات مش 4.
3- التحكم من الدريكسيون - تحكم في نظام الصوت .
4- فوانيس ضباب .
5- كاسيت mp3 ( مدخل usb )
6- ناقل الحركة من الجلد .
7- صوت تنبيهي فى حالة عدم اغلاق الابواب.
8- اهم حاجة عدد 1 ايرباج للسائق .
9- جنوط رياضية مقاس 16 بوصة مش 15 بوصة .
10- ليدات من ادام و من ورا ( موديل 2012 ).
11- وزن العربية اقل .
كل اللى فاات دا و اقل فى السعر ب 1000 يعنى قيمتها 123000
مقابل هخسر اية ؟؟؟
1- حجم الشنطة اقل بحوال 90 لتر
2- مساحات تخزين اقل
فا اية رائيكم ؟؟؟؟
اغير راى و اتوكل على الله و اجيب سول ولا اية ؟؟؟
و للخبراء هى فعلا قطع غيارها اغلى من السيراتوا و الكارينز
و ياريت لو حد عندة تقيم كويس للثبات و التكيف و العزل