الموضوع: سؤال لمالكى صنى 2013

فى انتظار ردودكم الموقره

انا عاجبنى انك خريج 128
اكثرية المصريين خريجى 128
وانا منهم عربيه زى الفل والله

يعنى دفعه واحده

المشاركة الأصلية كتبت بواسطة limo81

معلش انا طلباتى كتير النهارده!!!!

أولا
انا كنت عايز اعرف ترخيص العربيه يكلف كام بالظبط لأنى ان شاء الله المفروض استلم خلال شهر

ثانيا
تنصحونى بإيه للحفاظ على العربيه حيث اننى خريج اتنين 128 يعنى هاكون زى اللى كان بيلعب بالاتارى الاسود طيارات ....رحت مديله بلاي ستيشن2

يعنى مثلاً انا حجزت من اوتو ايجيبت المهندسين بالرغم من توكيل نيسان المعتمد فى السويس جنبى
وحجزت من القاهره
طب فى الصيانه اروح مركز الخدمه المعتمد اللى جنبى فى السويس ولا اروح ع القاهره أضمن
انا مش عايز ابهدل العربيه

ودُمتُم

اولا مبروك عليك الصنى وربنا يباركلك فيها
بالنسبة للترخيص هو حوالى كدة من 300 الى 400 جم فى السنة ويمكن يفرق شوية كمان علشان اول مرة بيبقى فية طفاية وشنطة اسعافات ومثلث ونمر جديدة وشويية حبشتكنات كدة لو رخصت 3 سنين حيبقو فى حدود ال 1000 جم
طبعا للحفاظ على العربية فى الفترة الاولى بلاش تحرق فى الموتور وبلاش تعلى ال rbm عن 3000 لفة ولو حسيت ان فيها حاجة مش مظبوطة ( بس من غير وسواس )روح للتوكيل على طول
وطبعا انت حجزت خلاص من القاهرة مع ان مكانش فية اى داعى لكدة لانك بتستلم عربية زيرو وبتشيك عليها قبل الاستلام بص خلاص قدر الله ومشاء فعل
بالنسبة للصيانة احب اقولك العربية مش محتاجة اى حاجة انا عملت صيانات ال 1000 & 5000 & 10000 & 15000مبيحصلش فيها اكتر من تغيير الزيت والفلتر ويتم فحص الزيوت والمياة والانوار طبعا دة طالما ملكش شكوى محددة انا بقولك كدة مش علشان متعملش صيانة فى التوكيل لا اعملها فى التوكيل عشان تحافظ على الضمان على الاقل ال 3 سنين الاوائل ..انما بقولك كدة علشان اوضحلك ان الموضوع مش محتاج الانتقال للقاهرة لعمل هذة الصيانات

ابويا برده كان خريج 128 كانت بتاعت جدى كان جايبها زيرو عمى خدها كسرها وابويا رممها تانى وركبها :d

وعملنا بيها حادثة :d


الف مبروووووووك وانشاء الله تستلم على خير

ان شاء الله أستلم بالسلامه وكل اللى حضراتكم هتطلبوه هتلاقوه بإذن الله

المشاركة الأصلية كتبت بواسطة zangry

ابويا برده كان خريج 128 كانت بتاعت جدى كان جايبها زيرو عمى خدها كسرها وابويا رممها تانى وركبها :d

وعملنا بيها حادثة :d


الف مبروووووووك وإن شاء الله تستلم على خير

ما هو ده اللى عقدنى
حريقه صغيره بسبب البنزين عقدتنى م المستعمل