تعمل ايه لو لقيت صرصار في العربية وانت سايق؟

**houras1010** · 05-07-2012 06:47 PM

مركنش جمب زباله تانى

**mazher_m** · 05-07-2012 06:48 PM

المشاركة الأصلية كتبت بواسطة lanos2004

بلاش اكملك كنا بنعمل ايه كمان علشان مش هتصدق

انت بتهددني
طيب هصدق

**lanos2004** · 05-07-2012 06:56 PM

المشاركة الأصلية كتبت بواسطة mazher_m

انت بتهددني
طيب هصدق

لا والله بس وانا صغير كنت فى عصابه -محمد الفار-وبصارة - ومزوكه- وابو سريع -محمد فرخه-وبطيخه-ابوسنه-وقطنه-بلاش اكمل بقه بقيت اسامى العصابه--على فكرة لما كنا بنمسك حد من عصابه تانيه بعد معركه -اسير يعنى -كنا بنعلقه فى عامود ونربطه وننزل فيه ضرب لحد اما يبان له اصحاب-ولو امه او ابوة ظهروا كنا بنسيبه ونهرب -الحمد لله الكلام دة كان لحد تانيه ثانوى ونقلنا من المنطقه-وخلصت ايام الاجرام وسرقه البطيخ والخص

**abogogo** · 05-07-2012 06:57 PM

المشاركة الأصلية كتبت بواسطة lanos2004

صراصير انا بمسكها من شنبها واقطع اجنحتها وفى الاخر افعصها واتفرج على الدم الابيض

صراصير ايه دة انا هوايتى اصطاد السحالى والبرص من الجنينه والعب بيها
لما اصطاد فار بربطه من ديله بحبل واحطه فى جردل ميه واخر ما ازهق من ارميه للقط ياكله
يا حبيبى مرة طالع شجرة حافى والاقى قطيع من الفيران الى عامل زى الارانب نازل عليا من فوق الشجرة طفشان منى
ومرة بدوس على البنزين لقيت نفسى بدوس على عرسه

صراصير ايه بس الى بتخاف منها
وانا فى الاعدادى كان فيه واحد اسمه سماوى دة كان بيقتل الكلاب بالرصاص او السم
واحنا عيال كنا بنمشى وراة لما يموت كلب ناخد ونجيب سكاكين ونشرحه علشان نعرف جواة ايه مصاريين وكبد وقلب والاخر نولع فيه--كنا مجرمين
غير احلى هوايه صيد العناكب ونحط ها فى زجاجه ونشوف مين اصطاد اكبر عنكبوت -واكتر عدد للعناكب وبعدين نموتها -غرقا او حرقا--معلش بقه اطفال مجرمين

ههههههههههههه طفولتي المشردة

.. كنت بمسك النحل واربطه بخيط ونطيره ونمسك الخيط والفرقعلوز وتقوله الساعة كام وكانت عندي هواية صيد العقارب والخفافيش كان عندنا مزرعة فراخ مهجورة كنا بنصتاد منها العجب الان اصبحت مدرسة خاصة واحنا في اعدادي كنت بمسك الدبان واخلع جناحها ونعمل جونين على الديسك من الورق ونفضل بالقلم نوجه الدبانه للجون ومرة حلبت كلبه كانت والدة واخدت اللبن وحطيته في شاي وشربته لواحد صاحبنا على انه شاي بلبن وشربه .....الواحد عمر ما قرف من حاجه .... الحاجه الوحيده اللى كانت بتقرفني اني الاقي شعرة في السندوتش غير كدة لو ايه مقرفش منه ...!!!

**lanos2004** · 05-07-2012 07:01 PM

المشاركة الأصلية كتبت بواسطة abogogo

ههههههههههههه طفولتي المشردة

.. كنت بمسك النحل واربطه بخيط ونطيره ونمسك الخيط والفرقعلوز وتقوله الساعة كام وكانت عندي هواية صيد العقارب والخفافيش كان عندنا مزرعة فراخ مهجورة كنا بنصتاد منها العجب الان اصبحت مدرسة خاصة واحنا في اعدادي كنت بمسك الدبان واخلع جناحها ونعمل جونين على الديسك من الورق ونفضل بالقلم نوجه الدبانه للجون ومرة حلبت كلبه كانت والدة واخدت اللبن وحطيته في شاي وشربته لواحد صاحبنا على انه شاي بلبن وشربه .....الواحد عمر ما قرف من حاجه .... الحاجه الوحيده اللى كانت بتقرفني اني الاقي شعرة في السندوتش غير كدة لو ايه مقرفش منه ...!!!

اخيرا لقيت حد كان عايش التشرد زيى هههههههههههه والله احلى ايام

**eng.m7md.ali** · 05-07-2012 07:06 PM

المشاركة الأصلية كتبت بواسطة lanos2004

صراصير انا بمسكها من شنبها واقطع اجنحتها وفى الاخر افعصها واتفرج على الدم الابيض

صراصير ايه دة انا هوايتى اصطاد السحالى والبرص من الجنينه والعب بيها
لما اصطاد فار بربطه من ديله بحبل واحطه فى جردل ميه واخر ما ازهق من ارميه للقط ياكله
يا حبيبى مرة طالع شجرة حافى والاقى قطيع من الفيران الى عامل زى الارانب نازل عليا من فوق الشجرة طفشان منى
ومرة بدوس على البنزين لقيت نفسى بدوس على عرسه

صراصير ايه بس الى بتخاف منها
وانا فى الاعدادى كان فيه واحد اسمه سماوى دة كان بيقتل الكلاب بالرصاص او السم
واحنا عيال كنا بنمشى وراة لما يموت كلب ناخد ونجيب سكاكين ونشرحه علشان نعرف جواة ايه مصاريين وكبد وقلب والاخر نولع فيه--كنا مجرمين
غير احلى هوايه صيد العناكب ونحط ها فى زجاجه ونشوف مين اصطاد اكبر عنكبوت -واكتر عدد للعناكب وبعدين نموتها -غرقا او حرقا--معلش بقه اطفال مجرمين

لا ياعم الحج
مالها الصراصير
حد قال بخاف من الصراصير؟؟
انا بحب الصراصير
انا اسف يا صرصار .. اسف يا صرصار

**abogogo** · 05-07-2012 07:18 PM

المشاركة الأصلية كتبت بواسطة lanos2004

اخيرا لقيت حد كان عايش التشرد زيى هههههههههههه والله احلى ايام

انا مواليد 74 عشت في اسكندرية في الاظاريطة وفي عين شمس لما كانت زرع وصحراء وشوية بيوت وفلل كنت بدخل البيت الساعة 9 بليل وبخرج منه الساعة 9 صباحاً وانطلق في ارض الله الواسعة انا والعصابة مفيش حاجه من اللى انت عملتها معملتهاش وكل يوم بنكتشف الجديد ويومنا كان 60 ساعة وانا كان عندي 11 سنين كنا بنركب قطار السويس من عين شمس نروح شاطئ اسمه ركس شاطئ على ترعة

نستحما ونيجي اخر النهار ونروح محطة الزهراء للخيول او التراك بتاع سبق الخيل نصتاد عصافير بالفخ نحفر ونجيب الدود من الارض ونربطة بخيط في الفخ والنبلة اللى معموله من خراطيم العمليات

كانت علامة مسجلة

**abumoh2000** · 05-07-2012 07:19 PM

.الله اكبر المنتدى اتملى ناس من عيله الحلو
لاء وابو جوجو بيقرف من الشعر !!!!!!!!!!!!!
ده ايه الرقه دى

**S O P H O S** · 05-07-2012 07:19 PM

هههههههههههه
هو شئ غريب ولو طلع مرة واحدة اظن يخض
ولكن ممكن نستحمله ونركن وندور عليه ,,

**lanos2004** · 05-07-2012 07:27 PM

المشاركة الأصلية كتبت بواسطة abogogo

انا مواليد 74 عشت في اسكندرية في الاظاريطة وفي عين شمس لما كانت زرع وصحراء وشوية بيوت وفلل كنت بدخل البيت الساعة 9 بليل وبخرج منه الساعة 9 صباحاً وانطلق في ارض الله الواسعة انا والعصابة مفيش حاجه من اللى انت عملتها معملتهاش وكل يوم بنكتشف الجديد ويومنا كان 60 ساعة وانا كان عندي 11 سنين كنا بنركب قطار السويس من عين شمس نروح شاطئ اسمه ركس شاطئ على ترعة :copy of m-s5: نستحما ونيجي اخر النهار ونروح محطة الزهراء للخيول او التراك بتاع سبق الخيل نصتاد عصافير بالفخ نحفر ونجيب الدود من الارض ونربطة بخيط في الفخ والنبلة اللى معموله من خراطيم العمليات

كانت علامة مسجلة

انا مواليد 71--تقريبا الجيل بتاعنا هوة الى عاش الايام الحلوه دى بس وصيد العصافير بالفخ والدود -قشطه

الموضوع: تعمل ايه لو لقيت صرصار في العربية وانت سايق؟

LinkBack

أدوات الموضوع

عرض

-

-

-

المواضيع المتشابهه

بتشتم وانت سايق

اكتر موقف نرفزك وانت سايق وخلاك كنت ((هتفطر)) وانت ((صايم))؟؟

تعمل ايه لو لقيت واحد سواق مات وهو سايق(موقف حقيقي).

انشتمت وانت سايق ومش غلطان ..تعمل إيه؟

ممكن تنام وانت سايق أو وانت مسافر

الكلمات الدلالية لهذا الموضوع

المفضلات

المفضلات

ضوابط المشاركة