الموضوع: لخبراء الساوند سيستم .. المالتي فنكشن

لو غيرته ياكبيييير خلاص المالتى بتاع الطاره مش هيشتغل بس بالنسبه لبايونيير فى ريموت بيركب فى الطاره وبيعتبروه قريب من المالتى لاكن لو الاصلى بتاع العربيه مينفعش يشتغل على كاسيت تانى

المشاركة الأصلية كتبت بواسطة ahmed_m_ashraf

والله ده أحد الآراء إللى إتقالتلي, بس فيه رأي تاني إنه ممكن يشتغل بس محتاج وصلة معينه وفعلا لقيت الوصلة بتتباع على النت بره مصر تقريبا في إنجلترا وكان سعرها حوالي ٢٣٠ جنيه من غير شحن. وفيه واحد في إسكندرية قاللى فيه وصلة ب ٤٥٠ جنيه بس أنا مش متأكد هو فعلا يعرف يجيبهالى ولا بيفتي لأنه في الأول قللي مينفعش, قلت له يعني مفيش أمل خالص؟!! قام قاللى على الوصلة دي.

معلش أنا رغاي قوي في الموضوع ده, بس شاغلني فعلا, لو حد يعرف حد متخصص في الحجات دي ياريت يسأل ويقولنا, وأنا برضه هسأل ولو وصلت لحاجة هعرفكو.

أنا عارف موضوع ريموت بايونيير ده وهو هيبقى الحل التاني لو المالتي الأصلى مفهوش أمل.

متشكر أوي ياباشا.

مدام قالك فى وصله روحله تانى خليه يوريهالك وقوله لو ماشتغلش انا مليش دعوه وهتفكه تانى وتركب القديم يعنى بالاصح هو يتحمل كل حاجه

المشاركة الأصلية كتبت بواسطة ahmed_m_ashraf

عندي سؤال لخبراء الساوند سيستم ياريت تفيدوني

عندي فالرينو لوجان دراع تحكم في الصوت زي بتاعت الكليو والميجان, لو حبيت أغير الراديو سي دي الأصلى بحاجة تانيه عشان تاخد فلاشة وكده, هل ينفع المالتي فنكشن يشتغل عليه ولا خلاص فينيتو.

فيه ناس تقوللى خلاس مش هيشتغل, لاكن مره سألت عن موزع بايونير إللى في شارع بورسعيد عند مدرسة سان مارك (إسكندرية) قاللى فيه ليه محول بـ ٤٥٠ جنيه عشان يشغله. وأنا كنت فعلا لقيت على النت بره حاجة زي كده بس طبعا مش بالسعر ده.

هل فيه حد عنده فكرة عن الموضوع ده؟ هل السعر ده مبالغ فيه؟ فكرت برضه أسأل عند توكيل كلاريون إللى في ش مصطفى كامل سموحة بس قولت آخد رأيكم الأول.

الوصله على النت اسمها pac خليه يجربها و يركبها وشوف بس مش هتشتغل غير بايونير بس