حل اللغز فى استهلاك البنزين للصنى 1600 cc

السلام عليكم ورحمة الله وبركاته
تحية طيبة للجميع

انا عربيتى صنى 2010 اوتوماتيك بدون ABS
بصراحة لو حد سألنى هى بتستهلك بنزين هقوله ايووووووووووووووون :wink:
و لو حد سالنى بتوفر فى البنزين هقوله ايييييييييييون برده :00020191:

بقالى ييجى شهر بحسب استهلاكى فى الصفيحة فى الداخلى لاقيته حوالى 150 كم فى الصفيحة و بدون تكييف :alien45: !!!

طبعا كان هيجرالى حاجة وخصوصا انى لسه مغير البوجيهات فى صيانة ال 20 الف!!

المهم انى كنت بعمل فى الطوالى من 200 الى 220 كم فى الصفيحة من فترات سابقة

يقوم يطلع فى دماغى انى اجيب آخر العربية فى موضوع البنزين و اشوف هل من الممكن تغيير اسلوب القيادة لاحصل على كيلومترات اعلى !!!

كان عندى مشوار جنب المطار و طبعا انا جاى من كفر الشيخ وراجع تانى ..... فقلت لازم اتبع ما يلى

*اولا مش هشغل التكييف

*هطلع بالعربية على الهادى يعنى ال RPM ميزيدش عن 1.5

* مش هكبس على دواسة البنزين و لا هعمل كيك داون خالص

* اغلب الطريق السرعة ما بين 60 و 80 كم و قليل جدا 90 و قليل جدا جدا 100 كم فى الساعة

* اغلب الطريق ال RPM لم يتعدى 2.5 اطلاقا (يعنى آخرى سرعة 100 كم فى الساعة )

* طبعا مكنتش مستعجل لانى لو مستعجل لو الصفيحة بتعمل 100 كم بس مش هرفض


و طبعا مستحملتش الحر و شغلت التكييف ييجى حوالى 20 كم و ذراعى الشمال تقريبا اتحرق من الشمس !!

المهم كنت مفول التانك و مصفر العداد و الحمد لله رحت و رجعت و عملت حوالى 305 كم

رحت البنزينه اجيب النتيجة قصدى اشوف استهلكت كام لتر .... لاقيتنى عملت المسافة دى ب 20.6 لتر

يعنى اللتر الواحد بسم الله ما شاء الله عامل حوالى 14.8 كم و الصفيحة عاملة حوالى 295 كم :hlopaet_prv:


طبعا بعد الموضوع دا بقى صعبان عليا انى مش بسافر يوميا و اتمتع بالاستهلاك دا :B4_048:

و حاولت برده اغير من اسلوب القيادة فى الداخلى بس النتيجة مش هتفرق كتير عن 150 كم بالتكييف

و طبعا الاستهلاك الداخلى دا بيبقى فى اسبوع تقريبا و كل يوم تسخين و تدوير كام مره !!!

حبيت انقل التجربه و فى انتظار التعليقات

شكرا على التقرير الرائع
فعلا السواقه من غير حرق والنقل على اربى ام واطى بيفرق كتيي فى البنزين
بس طبعا مينفعشى
ده انا لازم احرق طول ما انا ماشى
والتكييف شغال

الزيت له علاقة باستهلاك البنزين

شكراً على التقرير

شكراً على التقرير

تجربه تستحق التجربه

شكرا على التجربة

طبعا على الطوالى الاستهلاك حلو جدااا جوا البلد كتييييييييير ده مافيش فرق كبير بينها وبين الشيروكى على كده !

حطلها اسطوانة غاز طبيعي لو مشاويرك كتير وانسي مشكلة البنزين دي خالص اعرف واحد عملها في عربيته بس موديل 2008 كان بيروح اسكندرية ب 6 جنيه غاز ومشغل التكييف وسرعته مبتقلش عن 160

شغلت الأوفردايف ام لا؟؟

عفوا قصدى الأوفر درايف

البنزين اليومين دول مش مظبوط .... انا عندي الrpm بيطلع ... مؤشر البنزين بينزل ههههههههه
متعرفش بقي خفيف ولا بيحطوا عليه مية

وياريت تجرب نفس الطريقة ديه تاني بس شغل التكييف وتشوف ابفرق بينهم قد ايه وتبغلنا

وربان يباركلك فيه :))

اقعد بالعافية :))

يا جماعة .. الصنى دى عربية شقى وسفر ومتعة سواقتها فى الطوالى والمسافات الطويلة انما جوة البلد وكل شوية اشارة ووقفة ما انصحش بيها ابداااا وربنا يكون فى عون سكان القاهرة اللى راكبينها

ايه ده دكتور احمد ..... معلش مخدتش بالي من ان حضرتك اللي عامل الموضوع
واحشني جدا جدا جدا وكماااان جدا والله
اخبارك ايه .... استأذنك في تليفونك ابعتهولي علي الخاص

وياسلام لو بشريحتين علشان جعان :))))))

يا جماعة .. الصنى دى عربية شقى وسفر ومتعة سواقتها فى الطوالى والمسافات الطويلة انما جوة البلد وكل شوية اشارة ووقفة ما انصحش بيها ابداااا وربنا يكون فى عون سكان القاهرة اللى راكبينها

شكرا شكرا .... امين يارب العالمين
هههههههه

هو عزم الصني كام يايوسف .. . وعلي از بي ام كام؟؟
معلش سؤال خارج المنهج '))

اقتباس:

---

المشاركة الأصلية كتبت بواسطة sonasteel

شكرا شكرا .... امين يارب العالمين
هههههههه

هو عزم الصني كام يايوسف .. . وعلي از بي ام كام؟؟
معلش سؤال خارج المنهج '))

---

ولا يهمك يا سحس
الصنى القديمة 1600 سى سى 16.5 كجم.متر عند 4000 لفة.دقيقة
اما الجديدة 1500 سى سى 13.7 كجم.متر عند 4000 لفة. دقيقة

اى خدمة ..

اقتباس:

---

المشاركة الأصلية كتبت بواسطة y2y1500

ولا يهمك يا سحس
الصنى القديمة 1600 سى سى 16.5 كجم.متر عند 4000 لفة.دقيقة
اما الجديدة 1500 سى سى 13.7 كجم.متر عند 4000 لفة. دقيقة

اى خدمة ..

---

يوسف محتاج لينك ضروري للعزم ده وياسلاااام لو موقع محترم

اقتباس:

---

المشاركة الأصلية كتبت بواسطة SonaSteel

يوسف محتاج لينك ضروري للعزم ده وياسلاااام لو موقع محترم

---

بالنسبة للصنى القديمة N16 المزودة بمحرك QG16DE
ده لينك لموقع ويكيبديا
Nissan QG engine - Wikipedia, the free encyclopedia

QG16DE
The QG16DE is an 1.6 L (1597 cc) straight 4-cylinder engine with Double Over Head Camshafts with 16 valves.
The cylinder head also features Nissan Variable Cam Timing (N-VCT) and micro-polished camshafts.
A new water pump assembly has been designed for the QG16DE; the design is based on the water pump from the GA16DE, the changes made it more efficient and reliable than its predecessor.
The engine produces 88 kW (118 hp)@6000 rpm and 165 N·m (122 lb·ft)@4000 rpm.
Bore and stroke is 73.6 mm (2.90 in) and 88 mm (3.5 in).

Specifications

• Displacement - 1.6 liters (1597 cc)
• Layout - DOHC Inline-4 (Straight-4) with Nissan Variable Cam Timing
• Valves - 16, 4 for each cylinder
• Power - 118 hp (88 kW) @ 6000 rpm
• Torque - 122 lb·ft (165 N·m) @ 4000 rpm
• Redline - 6500 rpm
• Fuel Delivery System - Electronic Fuel Injection (EFI)
• Ignition system - 4 coils, 1 for each cylinder
• Fuel Compression Ratio - 9.5:1

QG16DT.GT it is a model of more power QG engine, it is used to get on the N16 NISSAN model 126 hp @ 6000 rpm, 175 Nm @ 4000 rpm.

It is used in the following vehicles:

• Nissan Sunny NEO with 5-speed manual or 4-speed automatic transmission

Nissan Primera (P12) edition sold in various countries across Europe
Nissan Sentra N16 series in the Philippines
and the N16 series Pulsar sold in Australia and New Zealand
Renault Scala sold in Mexico

وبالنسبة للصنى الجديدة B17 المزودة بمحرك HR15DE

ده لينك موقع ويكيبديا

Nissan HR engine - Wikipedia, the free encyclopedia

HR15DE

The HR15DE is a 1.5 L (1498 cc) straight-4 engine, output is 109 PS (80 kW; 108 hp) @ 6000 rpm
and 148 N·m (109 ft·lbf) @ 4400 rpm.
Bore : 78.0 mm (3.07 in) ; Stroke 78.4 mm (3.09 in) ;
Capacity : 1498 cc

It is fitted to the following vehicles:

• Nissan Tiida
• Nissan Wingroad
• Nissan March K12
• Nissan Note
• Nissan Bluebird Sylphy
• Nissan Grand Livina (Indonesia)
• Nissan Livina XR (Indonesia)
• Nissan Evalia (Indonesia)
• Nissan Juke (Japan and Indonesia)
• Nissan Sunny B17

----------------------------------------------------------------
على فكرة لقيت فيه اختلافات فى الصنى الجديدة
مكتوب فى البروشور 13.7 كجم متر مع 99 حصان !!!
انما فى الويكيبديا مكتوب 14.8 كجم متر مع 109 حصان !!!
مع انه نفس كود الموتور ونفس السعة 1500 سى سى
فيه حاجة مش مفهومة ...

بس الصني اللي معانا من موقع نيسان السعودية
عزم الماتور 16.4 كجم.م/3600 لفة ........ gross
,13.6 كجم.م /3600 لفة .......... net

116 حصان /6000 لفة ....... gross
105 حصان / 6000 لفة .... net

ايه بقي
Nissan SUNNY | Nissan Saudi Arabia

اقتباس:

---

المشاركة الأصلية كتبت بواسطة sonasteel

بس الصني اللي معانا من موقع نيسان السعودية
عزم الماتور 16.4 كجم.م/3600 لفة ........ Gross
,13.6 كجم.م /3600 لفة .......... Net

116 حصان /6000 لفة ....... Gross
105 حصان / 6000 لفة .... Net

ايه بقي
nissan sunny | nissan saudi arabia

---

يا عم حسين الله يرضى عنك
هاتكذب ويكيبديا وتصدق الحمرانى ونيسان السعودية ؟!!!!!!!!!
ياراجل قوم نام .. تصبح على خير
دول نزلوا الصنى الجديدة سكيتى من غير ما يعلقوا صورتها حتى على ازاز المعرض من برة اول ابريل وفوجئت بيها واقفة وانا معدى بالصدفة
والتراب مغرق ازاز صالة عرض انفينيتى ومش هاين عليهم ينضفوه
والقاشقاى جابوها فى 2010 وما عرفوش يسوقوها رغم ان سعرها كان 75-80 الف ريال وتقريبا باعوا 50 ولا 100 عربية بس ووقفوا استيرادها عكس السبورتاج اللى الناس بتجرى عليها وسعر الفل كامل منها وصل 95 الف
الجوك بقالهم 3 شهور بيقولوا هاتنزل ولسه ما جتش واخر مرة عديت سألت عليها قالولى بعد رمضان والعيد وعليك خير والسعر المتوقع بين 80-100 الف وهاتنزل 6 سلندر مش 4 !!!
خلينى ساكت والنبى بدل ما اروح اولع فيهم هنا ولاد التيييييييييييييت واجيلكم بفضيحة :00020191:

هههههههههههههههههههههههه انت شايل منهم بقي
طيب عندهم GTR ؟؟

اصل كنت في نقاش مع احد اصحابي امبارح
وقالي ال160 ن.م دول محدش بيوصلهم في ال1600 الا السيفيك
وده رقم مش قليل
وجابلي لينك نيسان مصر ولينك نيسان السعوديه
السعودية كاتب النت اللي اقل من الجروس ببتاع 8%

وهو بيقلي لو الصني 160 تنفخ عربيات كتير بس مش ده اللي بيحصل
وقريت في مشاركة لحسام بيك اوبتراوي وكان حاطط فيها الصورة ديه
http://desmond.imageshack.us/Himg535...pg&res=landing

وهو ماتور واحد بالاسم ده

بعد إذنكم عندى تعليق على موضوع لينكات ويكيبديا
انه الموقع ده بيسمح لأى حد عنده أكونت انه يعدل البيانات و حتى هتلاقوه فوق كل فقرة كلمة edit علشان لو شايف ان فى حاجة غلط تعدلها يعنى الكلام اللى فيه مش معتمد من خبراء علشان نثق فيه

وعاوز أسأل على حاجة هو ممكن موتور الصنى الجديدة HR15DE أو أى موتور تانى حتى لو من مصنع المكسيك مثلا يبقى 108 حصان و لو من مصنع الهند يطلعه 99 حصان ولا ما ينفعش حد يغير فيه
وهل كل المواتير النيسان بتطلع من اليابان و لا ممكن من بلاد تانية

شكرا لمشاركاتكم جميعا

أنا معايا سوبر صالون 2012 و بتعمل حوالى 120 كم / صفيحة بالتكييف
اول ما جبتها كانت بتعمل 200 كم/صفيحة طبعا كنت فى التليين و كان أخرى 90 كم/ ساعة و من غير تكييف
بس التغير دة لأن سواقتى كلها حرق و على طول مشغل التكييف علشان الحر

السلام عليكم يا دكتور أحمد

عندى صنى 2011 اوتوماتك و من ساعة ما جبتها مش عايزة تجيب اكتر من 160 كم رحت اوتو إيجبت و بصراحة المهندس هناك طلع جدع و قالى مافيش مشكلة يالا نخاطر و نجربها على الصحراوى بس بعد الصيانة المهم جابت 170 و فى بعض الأماكن 180 المهم القصة دى كان سببها إن فى سنسور فى المتور اسمة TPS ده مسؤل عن خلط نسبة الهوا و البنزين المهندس قالى إنة كان مظبوط على 48 من المصنع و هو نزلوا الى 44.
النتيجة فى الاخير الجرى زاد شوية بس سحب البنزين قل جدا كان مع التكييف على الطرق 320 فى الصفيحة داوقتى وصل 360 و ممكن 400 من غير تكييف و من غير حرق.

اخوك Abono

اقتباس:

---

المشاركة الأصلية كتبت بواسطة abono

السلام عليكم يا دكتور أحمد

عندى صنى 2011 اوتوماتك و من ساعة ما جبتها مش عايزة تجيب اكتر من 160 كم رحت اوتو إيجبت و بصراحة المهندس هناك طلع جدع و قالى مافيش مشكلة يالا نخاطر و نجربها على الصحراوى بس بعد الصيانة المهم جابت 170 و فى بعض الأماكن 180 المهم القصة دى كان سببها إن فى سنسور فى المتور اسمة tps ده مسؤل عن خلط نسبة الهوا و البنزين المهندس قالى إنة كان مظبوط على 48 من المصنع و هو نزلوا الى 44.
النتيجة فى الاخير الجرى زاد شوية بس سحب البنزين قل جدا كان مع التكييف على الطرق 320 فى الصفيحة داوقتى وصل 360 و ممكن 400 من غير تكييف و من غير حرق.

اخوك abono

---

حاجة جميلة اواواواى واستهلاك رائع جدا

اقتباس:

---

المشاركة الأصلية كتبت بواسطة corsair

حطلها اسطوانة غاز طبيعي لو مشاويرك كتير وانسي مشكلة البنزين دي خالص اعرف واحد عملها في عربيته بس موديل 2008 كان بيروح اسكندرية ب 6 جنيه غاز ومشغل التكييف وسرعته مبتقلش عن 160

---

100%

البنزين ال 92 سمعت انه مغشوش

فيه سؤال ولا مؤاخذه يعنى هو ايه الأوفر درايف ده (وماحدش يتريق عليا) لوسمحتوا
ادعوا لمصر لوبحبوا مصر

قصدى لوبتحبوا مصر

ايه الكلام الكبير اللى بتقولوه ده انا نفسى اعرف بس يعنى ايه اوفر درايف من فضلكم ؟

الأوفر درايف معناه النقله الزائدة اللي هي الرابع في الفتيس الاوتو
لما بتدوس الزرار اللي في عصاية الفتيس بيظهر في التابلوه over drive off يعني الغاء الرابع بمعنى الفتيس مش ممكن ينقل بعد التالت وبالتالي عزم العربيه يزيد عشان السرعه العاليه بقت بتيجي على التالت وده عملي في المطالع بدل الفتيس ما يتذبذب ما بين التالت و الرابع وكمان وانت بتشد مع عربيه تانيه

:S_thum1[1]:
شكرا مستر هانى على الإفادة الجامدة دى وهجربها النهاردة كل سنة ومصر طيبة بمناسبة كل الأعياد مش هحدد فصيل معين لأن كلنا مصريين

( عاشت مصر عزيزة مكرمة إن شاء الله )
:verygood:

العفو ياباشا وتحت امرك و كل سنه و انت طيب