السلام عليكم
انا عايز احجز لوجان أوتوماتيك
اتصلت بالطارق وعربيات قالولي بـ 81 ألف والتسليم بعد 10 أيام
كلمت السبع قالولي بـ 82.5 ألف والتسليم برضو بعد 10 أيام
إيه رأيكم يا شباب
ولو في حد أحسن يا ريت تبلغوني
عرض للطباعة
السلام عليكم
انا عايز احجز لوجان أوتوماتيك
اتصلت بالطارق وعربيات قالولي بـ 81 ألف والتسليم بعد 10 أيام
كلمت السبع قالولي بـ 82.5 ألف والتسليم برضو بعد 10 أيام
إيه رأيكم يا شباب
ولو في حد أحسن يا ريت تبلغوني
طيب حضرتك اتصلت بمحمد زكى
الطارق محترمين أوي بس أنا من إسكندرية, وكنت واخدها منهم ب ٨٠ من شهرين ونص
انا كمان استلمت من الطارق. .قمة في الذوق و التعامل. فرع مول العرب 6 اكتوبر..
لأ بصراحة مكلمتش محمد زكي
بس انا هتصل بيهم دلوقتي واقوللكم على النتيجة
اتصلت بمحمد زكي دلوقتي
وقاللي السعر 79 الف والتسليم بعد 3 شهور
خليك مع اللى يديك اقل سعر لان كل اللى بتقارن بينهم معارض محترمة ومفيش منهم خوف
بس للامانة انا جبت من الطارق ناس مظبوطين جدا فى مواعيدهم ومحترمين جدا فى تعاملاتهم
من تجربه شراء عربيه لوجان بلاك لاين مع واحد صاحبى فى رمضان اللى فات : محمد زكى افضل موزع .. احنا دفعنا 500 جنيه زياده وقتها و استلمنا فورى بدل ما نستنى شهر و نستلم بالسعر الرسمى ... اسالهم لو ممكن فيه استلام فورى مقابل اوفربرايس (بيسموها كده) و لو عايز رقم حد فى المبيعات ادورلك على الكارت بتاع الراجل ...
شكرا للجميع
بص يا برنس انا هفهمك الليلة اولا كل دول موزعين و كلهم نفس السعر بس الطارق ارخص حته صغيرة
بالنسبة لحكاية الميعاد انت بتتكلم على الاوتوماتيك و هى فعلا مش موجودة عند حد خالص يعنى لا اوفر برايس ولا تظبيط كلهم مستنيين العربية تيجى من بره
العربية لسه محدش عارف الوكيل هينزلها بكام عشان كده هتلاقى اختلاف عندهم كلهم انما لما العربية توصل و تبقى فى المعرض هتلاقيهم كلهم فى نفس السعر
انا حجزت عند الطارق هو موزع اكبر و هتلاقى عنده كميات اكبر و الوان مختلفة تقدر تختار منهم
بس اللى انت قلتهم كلهم موزعين محترمين اختار اى واحد منهم و ربنا يباركلك فيها