برجاء المساعدة، سعر أعادة بيع الكارينز والفلوانس

**karemof** · 06-07-2012 01:47 AM

السلام عليكم،
كنت عايز من أعرف حضراتكم هل سعر أعادة البيع للكارينز والفلوانس مختلف بدرجة كبيرة يعني مثلا الفلوانس تقريبا بتقل كام في المية بعد سنتين تلاتة ومقابل لكام في المية للكارينز، مش عارف اذا كان سؤال صعب بس ممكن يحدد قرار الشراء بالنسبةلي، مع جزيل الشكر

**MohammedAladel** · 06-07-2012 10:04 AM

هى مبتتحسبش كدا نهائى لكن اللى أعرفه كويس إن الفلوانس تمنها فيها وعربية جميلة جدا وبرستيج ولو قدامى الاتنين دول هختار الفلوانيس مفيهاش كلام بغض النظر عن سعر إعادة البيع لكن هى قيمة مقابل المال

**mk3** · 06-07-2012 10:15 AM

يا عم قول يا هادى واركب الاول محدش ضامن عمره

**MohammedAladel** · 06-07-2012 09:46 PM

لأ عادى أى حد فينا بيحسب إعادة بيع العربية قبل ما يشتريها لأن المبلغ اللى بيدفع فيها مش قليل برضه أيا كان نوعها بالنسبة بس حكاية بعد كام سنة دى هى وظروفها السوق المصرى عجيب وملهوش قواعد

**graffittiii** · 06-07-2012 10:38 PM

ملهاش أي قواعد ...
ماهو ممكن مثلا مع الحكومة الجديدة الجمارك تقل ف يقل سعر الجديد وبالتبعية هيقل المستعمل ..
.
ماحدش يعرف بكره في إيه ...

بأي الحال العربية مش إستثمار وكده كده بتخسر ف البيع ..

أختار عربية ليك أنت ... مش للي هيشتريها بعدك ...
.

**MohammedAladel** · 07-07-2012 01:40 AM

كلام سليم أو يجيبها مستعملة ويريح دماغه

**GMC** · 07-07-2012 01:44 AM

اظن الكيا الكارينز وحلوه وعاليه وممكن تحتفظ بتمنها بعدين خليها على الله

ممكن تجيب واحده منهم وتخيش بيها وتدشدش العربيه وسعتها متجبش ربع تمنها

ههههههههههههههههههههههههه ههههههههههههههههههههههههه ههه بهززرر واللهي ربنا يحفظك يارب ويسلم طريقم يارب

بس الرينو قمته بتقل اكتر ومش محبوب لو سافرت بره حتلاقي الرينو سوقه في الارض

وفيه ناس مبتحبش الرينو في مصر الي يقولك بتسخن والي مش بيحب موضوع التكنولجي العالي فيها وموضوع الكارت الخ الخ

وعموما ربنا يحفظك ومش مهم تنقص كام عند بيعها المهم انت استمتعت بيها وقضيت بيها مشاويرك وكده

ولو انت بتحسبها حتنقص كام هاتها كسر زيرو ,, يوزد و خلاص

**karemof** · 07-07-2012 04:49 AM

السلام عليكم،
أولا كنت عايز أشكر كل من ساهم برأيه، ولو أن كان فيه ردود فيها هجوم حبتين بس عادي أحنا أخوات.
هو عادي جدا أن الواحد يحاول يشوف موضوع سعر أعادة البيع وبالذات هنا في مصر لأن السوق هنا بيمشي بثقافة المشتري المصري، يمكن أنا ليا تجربة قبل كدة في بيع فولفو وأعتقد مفيش أتنين يختلفوا على مدى كفاءة العربية دي ، بس بالرغم من كدة بيعتها بالعافية وجابت كلام فاضي، فالكفاءة في السوق المصري مش هي الموجه الأساسي.
أنا لو في بلد تاني حشتري الفلوانس وأنا مغمض، بس زي ما حضراتكو تفضلتوا الواحد مش بيدفع قليل في السيارات هنا وصحيح أنا مش جايبها أستثمار، بس مش معقول لو واحد فكر يغير عربيته بعد كام سنة يليقها مجبيتش حتى ربع اللي أتدفع فيها.

**MohammedAladel** · 07-07-2012 09:47 AM

المشاركة الأصلية كتبت بواسطة gmc

اظن الكيا الكارينز وحلوه وعاليه وممكن تحتفظ بتمنها بعدين خليها على الله

ممكن تجيب واحده منهم وتخيش بيها وتدشدش العربيه وسعتها متجبش ربع تمنها

ههههههههههههههههههههههههه ههههههههههههههههههههههههه ههه بهززرر واللهي ربنا يحفظك يارب ويسلم طريقم يارب

بس الرينو قمته بتقل اكتر ومش محبوب لو سافرت بره حتلاقي الرينو سوقه في الارض

وفيه ناس مبتحبش الرينو في مصر الي يقولك بتسخن والي مش بيحب موضوع التكنولجي العالي فيها وموضوع الكارت الخ الخ

وعموما ربنا يحفظك ومش مهم تنقص كام عند بيعها المهم انت استمتعت بيها وقضيت بيها مشاويرك وكده

ولو انت بتحسبها حتنقص كام هاتها كسر زيرو ,, يوزد و خلاص

كفى بالمرء إثماً إنما يحدث بكل ما سمع