طلب مساعدة افيدونا بخبرتكم
بسم الله الرحمن الرحيم
ثانيا السلام على كل اعضاء المنتدى الجميل ده
بصراحة انا دى اول مشاركة ليا ف المنتدى بس بجد اجمل منتدى شوفته واعضاءه
المهم يا جماعة انا عايز رايكم وخبرتكم لانى معنديش اى خبرة ف مجال السيارات ده خالص بس كل الموضوع انى ان شاء الله ناوى اجيب عربية والميزانية المتوفرة 25000
فياريت حضراتكم تفيدونى لانى نزلت دورت كتير ف الاسواق بس بصراحة مش بثق ف كلام التجار خالص بحس انهم عايزين يلبسونى العربية وخلاص
ياريت بس لو تكرمتوا ترشحولى عربية تكون ف الحدود دى بس حلوة يعنى متتعبنيش كل شوية قطع غيار وتصليح والكلام ده
الاستخدام يعنى للتنقل للشغل وكدا واحيانا للسفر بردو وياريت تكون شبابية محترمة كدا
انا شوفت انواع كتير وشايف ان الاقرب ممكن مثلا بيجو 504 او بيجاتا او لادا ده راييى لو حد كان عنده راى تانى ياريت يفيدنى ويكون ليه جزيل الشكر
ويقولى ايه الاحسن او لو فى نوع تانى افضل ويقولى مميزاتها وعيوبها وتقريبا السعر ليها
معلش طولت بس لكم جزيل الشكر