هتجنن يارجاله المشكله عندي في المساعدين ولا السوست!!!!

سلام عليكم
يارجاله انا عندي مشكله الله اعلم حلها ايه
رحت لاتنين عفشجيه ومفيش فايده
العربيه عندي بتهبط جامد اوي في المطبات يعني بتهبد (بدون اصوااات)
عملت اختبار المساعدين الامامي باني اضغط عليهم وبرضه مش قادر احدد هل المساعدين كفائتهم قلو ولا ايه

مش عارف ده عيب السست ضعيفه ولا عيب المساعدين نفسهم

كلام العفشجي كالاتي....ياباشا لازم تنزل وتطلع معاك عادي خالص وبصراحه العربيه حاسس ان عفشتها هوااااا في هوااااا

ومش عايز اسرف فلوس علي حاجه سليمه

للعلم..انا عندي مساعدين kyb خلفي ومركبها من سنه تقريبا ومش بشتكي منها
اما الامامي فهي الفبريقه

ايه يارجاله محدش عارف

ماشاء الله 100 100 هما اللي دخلو وطلعوا فاكريني بوزع لحمه

اي معلومه يارجاله

متاااااابع وان شاء الله حد يقدر يفيد

هههه مبقاش فيه ياهارد خلاص

المنتدي خلاااااااااااص

ممكن اعرف عربيتك ايه لأني عندي نفس المشكلة وعاوز نكلم مع بعض حتى نصل لتلك المشكلة انا هدخل على المنتدى مساء غد

عربيتي نوبيرا

حطها زوايا وشوف الكامبر عامل إيه غالبا جوز مساعدين امامي

اقتباس:

---

المشاركة الأصلية كتبت بواسطة yoko

حطها زوايا وشوف الكامبر عامل إيه غالبا جوز مساعدين امامي

---

مال الزوايا يا يوكو!!!
وعامل ايه في المشروع :-)

المساعد لو بايظ بيعمل كمبر +ve في العربيه وهتلاقي ثبات العربيات في الملفات على السرعات فوق ال140 قل جامد

الحقيقه يا يوكو
الثبات سواء على 140 او حتى 80 زفت

العربيه زى البحر ومش عارف المشكله فى السست ولا فى المساعدين

مساعدين السوست صعب جدا إنها تبوظ ولما بتبوظ بتلاقي العربيه بطنها في الأرض ووطيت وطيان غريب

الحمد لله اشتريت مساعدين kyb ياباني تحفه ماشاء الله
ومحفور عليهم made in japan ً

ركبتهم؟
وظبطت بعد ما ركبتهم ؟

ان شاء الله نازل دلوقتي اجيب العربيه من عند العفشجي
وان شاء الله خير

الحمد لله العرببه اتظبطط
بس حاسس انها وطيت شويه من قدام محدش يعرف السبب

تمام وده عادي عشان المساعد بقى تقيل فنزل السوسته سنه

حصل إيه النهارده تمام ولا؟
والمساعدين الي ورا بقالهم قد إيه معاك؟

الحمد لله راجع الموضوع ده

http://www.nilemotors.net/Nile/298746-a-2.html

نام يا بشمهندس احمد

الف مبروك على المساعدين الجداد

المساعدين هى المسؤلة مش السوست وبلاش فتى كتير ربنا معاك

انا برجحلك ان دى سوست العربيه السوست ضعفت