الموضوع: الكفاح المسلح ضد تناكه بعض البنات و اهاليهم

المشاركة الأصلية كتبت بواسطة blazer

يهاود ايه بس؟
وتامين ايه بس
ما ممكن يشترى شقه بمليون جنيه ويكتب مأخر 2 مليون
ويزلها ويخليها تدفعله فلوس عشان يطلقها
مش بتتحسب كدا ابدا !
الابهات والامهات دول فاهمين ان الفلوس هى اللى هتأمن مستقبل بنتهم
فى حين ان ممكن واحد مليونير وبعد سنه ما يتجوز يخسر كل فلوسه ويفلس
والعكس صحيح
الرزق دا بايد ربنا
المهم الدين والاخلاق والطباع

كلامك تمام يافندم بس فالحالات المثالية والفهم الصح للجواز... انما افرض الاهل من النوع اللي شايف ان التامين فالماديات مش في راجل يصون بنتهم حتي لو بياكلها عيش حاف ...وفي نفس الوقت الولد والبنت متمسكين ببعض والبنت مغلوب علي امرها.... فكلامي للحالة ده .... ان ضغط البنت عليهم هيبقي اكبر لان كل طلباتهم ده ليها هي... فلو هي قالت انا مش عايزة ده كله او كدة كتير اوي ... هتعرف تخليهم يغيرو رايهم.

هى البنات عنست من شويةِ؟؟!!
كل واحد يا خويا عندة بنت صغيرة و حلوة حبتين يفتكر أنها ملكة جمال الطالبية ولازم يتقالها بالدهب ....

و تفضل العروسة وأهلها مسنيين العريس الغنى لحد ما الأمورة تدخل فى التلاتين ....
وساعتها هيتنازلوا عن كل حاااااااجة دة لو لقيوا عرسان أساسآ ....

نفسى كل واحد عندة بنت على وش جواز يفكر أزاى يسعد بنتة مع عريس على قدة يصونها بدل ما يدور على الغنى اللى يبهدلها ....

الاسر المصرية اصبح همها الوحيد تأمين مستقبل بناتهم المادي و تناسوا ان فيه رزاق وبركة