لو عايز تخطب ( مواصفات من واقع التجربه )
طبعا لكل واحد منا صوره معينه لفتاه احلامه وشريكه حياته اللى هيعيش بقيه عمره معاها وبتختلف المواصفات من شاب لشاب طبقا للظروف والصفات واللى الحاجات اللى كلكوا عارفنها
لكن دى شويه نصايح لو عايز واحده فعلا من اللى بيتقال عليها تعيش وتشيل اسمك ومسؤليتك ومسؤليه بيتك ودى من واقع تجربتى اللى فاتت فى الخطوبه :
اولا : لازم تشوف اهلها وتعرف اذا كانت ناس بتعرف ربنا وعندها ضمير ولا لأ وده بيبان من طلباتهم ومن تربيتهم للبنت نفسها
ثانيا : لازم تتأكد ان الأب هو المسيطر وصاحب الكلمه الأولى والأخيره فبيته وان البيت كله يكون اندر كنترول والأم مجرد استشارى مش العكس
ثالثا : البنت حذارى حذارى ياجماعه لو كانت خلصت جامعه ونزلت شغل فى غير مجال تخصصها زى مثلا خريجه تجاره وواقفه فصيدليه او مكتبه او بوتيك او ....او ..... الخ دى تتأكد مليون الميه انها هتبيع وتشترى فيك عشان هتبقى دايما بتتعامل مع كل الأطياف وشريحه كبيره من البشر فالخبره عندها بتزيد كل دقيقه .
رابعا : طريقه لبسها لو لقيتها محجبه بس الحجاب اللى هو اسبنتش عرف كده انها لابساه غصب عنها لأنها هتلاقيها بتلبسوا بأستمرار مش مره ولا مرتين وخلاص
خامسا : ودى اهم حاجه ياريت تكون بتعرف ربنا وبتصلى على الأقل تبقى فرحان ومبسوط بيها انك هتلاقى انسانه ربنا هو الرقيب بتاعها مش والدها او اخوها وحتى لو انت مبتصليش هى هتساعدك وتاخد بأيدك وتجبرك انك تصلى وتلتزم انما العكس يبقى انسى عمرك ماهتقدر تهديها الا لو حصلت معجره من عند ربنا .
سادسا :لو سألتك انت عندك ايه ؟؟ واهلك عندهم ايه ؟؟؟ وعربيتك بكام ؟؟ والشقه بكام ؟ والأسلوب بتاع كلامها فيه سنه بجاحه وصراحه زياده عن اللزوم يبقى اعرف انها واخداك مش عشان سواد عيونك لأ دى عشان تكون الحنفيه اللى هتفتحها تنزل فلووس !!!
سابعا : لو مخطوبه قبل كده ابعد عنها حتى لو مش هى سبب فسخ الخطوبه لأن هيكون عندها خبره اكبر منك وعارفه كل حاجه عن الخطوبه واللى بيحصل فيها ودايما هتسألأك اسأله اختباريه كتير عشان تقارن بينك وبين اللى فات او اللى جاى .
ثامنا : الفيس بووك وسنينه لو عندها اكونت اعرف ان مش هيكون عندها اكونت واحد لأ هيكون فى واحد تانى ولو قدرت تقفش الأتنين تبقى ميه ميه بس هتكتشف بلالالالالاوى فى اللايكات والكومنتات والبوستات والشير و....... و .......... وتعيش فى دايره شك فظيعه .
تاسعا : لو ليها اخوات بنات سبقوها فى الجواز وهى اصغرهم هتبقى عايزه تبقى احسن واحده فيهم من خلال شقتك وعربيتك وشغلك و عيلتك و امكانياتك وهدياك وده اسمه نوع من انواع النقص لأن لكل انسان ظروفه الخاصه بيه .
عاشرا :لازم يكون والدك ووالدتك راضيين عن الأنسانه دى واهلها لأن هيكون ليهم نظره غير نظرتك خاااااااالص واوعوا تستخف بكلامهم او تتجاهلوا لأنه 99% بيبقى صح
قبل الأخيره : لو انت كنت متفوق فدراستك وهى كانت كل سنه مقبول وبتشيل مواد زى اللى كانت معايا اعرف انها كانت مقضيها اوى اوى وانتوا عارفين الباقى واوعى تكون اقل اوى من مستوى الكليه او الدراسه اللى كنت فيها وده معروف اسبابه طبعا
اخر حاجه : الكذب الكذب الكذب كررتها اكتر من مره وزى ماقال سكرين فى احدى ردوده افترض سوء النيه الا انا يثبت العكس لأنك لو عاملتها بنفس اللى جواك بطيبتك ونيتك الخير واللى انت اتربيت عليه يبقى كل سنه وانت طيب عليك طول عمرك
- طبعا من خلال الكلام اللى فات اللى بيعبر عن رأيى وتجربتى ( الشخصيه ) هتقدر تعرف انت عروسه المستقبل تكون ازاى او مواصفاتها ايه ولو لقيتها تبقى قابلنى !!! قصدى تبقى شوفلى اختها ههههههه