عرض للطباعة
سؤال بالنسبة للبنزين حد جرب يستخدم بنزين 95 للوزة و هل لو استخدمنا 95 و بعدين رجعنا ل92 هل ده غلط بالنسبة للعربية و هل يوجد ضرر منه ام انه عادى خاصة انى قرأت فى موضوع سابق ان العربية مصممة على العمل على بنزين 93 و طبعآ احنا معندناش الرقم الاوكتانى ده و تقبلو تحياتى لجميع اعضاء المنتدى المحترمين
غالبا العربيات اللى بتشتغل 92 دا بيبقى أٌل رقم أوكتان للبنزين يعنى أنا مثلا عندى ميجان بحط 90 أو 92 ممتاز جدا لو حطيت 95 و 98 لو لقيت وخلط البنزين سمعت إنه مش صح والله أعلم وغالبا هتلاقى البنزين اللى ينفع العربية بتشتغل بيه رقم أوكتانه على غطاء التانك و93 مفيش فى مصر ولا 91 بس معرفش فيه فرق بين 90 و 91 أو 91 و 92 أو 92 أو 93 للعلم ان بنزين عندنا فى مصر مش تمام زى اللى فى بلاد برا وإيه فى بلدنا اللى تمام عشان البنزين يبقى تمام ؟؟؟
سؤال بقى لو عربية مصممة لبنزين 80 وحطلتها أوكتان أعلى خطر ولا عادى ؟
اعتقد ان المحركات القديمة هى اللى مصممة للبنزين 80 و الموضوع ده له علاقة بمعامل او نسبة الانضغاط فى المحركات فجميع المحركات القديمة نسبة الانضغاط فيها اقل من الحديث فلو مثلآ وضعنا بنزين 90 او 92 لمحرك يستخدم ال 80 فسيكون نسبة القوة اى قوة المحرك هى هى دون تغيير و كأنه اهدار للمال ليس الا اما العكس فلو محرك حديث يستخدم 92 و وضعنا له 80 فسيضر هذا بالمحرك و يقلل العمر الافتراضى له هذا الكلام تم ذكره فى منتدى آخر اما بالنسبة لنظافة البنزين فيكفى ان اذكر انى غيرت فلتر البنزين للوزة بعد 10,000 كيلو اى نصف عدد الكيلوات التى يتم تغييرها فى التوكيل و مع ذلك خرج البنزين من الفلتر اسود مع العلم انى بأستخدم بنزين 92 و لا استخدم بنزين 90 و لا مرة و لا تعليقاقتباس:
المشاركة الأصلية كتبت بواسطة mohammedaladel
أنا عارف طبعا نسبة الإنضغاط لكن سؤالى كان هل فيه خطورة من إنك تستخدم بنزين 92 مثلا فى عربية بتشتغل ب 80 ؟ مهو بنزين 92 مصمم لنسبة إنضغاط أعلى وموتور العربية إنضغاطه أقل مش شايف حضرتك إن النقطة دى ممكن تأثر زى ما العربيات اللى معامل إنضغاطها أكبر بتتأثر بالبنزين 80 خلينا نرجع للموضوع الأساسى بتاع حضرتك أنا شايف إنك لو بتستخدم بنزين 92 واستخدمت 95 يكون أفضل طبعا بل هيحسن أداء الموتور إنما الخلط مش عارف بس شايف إنه مش هيأثر إنك تخلط 90 و 92 مع بعض سؤال بقى لحضرتك إيه سعر البنزين 90 وال 92 فى البنزينات اللى بتفول منها وهل فيه 98 فى مصر وإيه سعر 95 حاليا وهل سعر البنزين ثابت فى جميع البنزينات والمفروض الواحد يسيب كام أتعاب البيه اللى بيحطلك الدراع ويفولك ؟؟ أصل أنا من المنيا والبنزينات عندنا حاجة بشعة جدا فى المراكز يعنى لكن فى المحافظة نفسها كويسة متعرفش بيخلطوا البنزين بإيه والمكنة اللى بتعد بايظة وحاجة قرف وأنا اشتريت العربية فى ظل السوق السوداء بتاع البنزين فمكنتش بدخل بنزينة ولسة السوق شغالة وأنا راجع وقفت فى الصف وفولت ال 41 لتر 90 وبسأل الراجل قال بينى وبينك دا 90 على 92 مخلط فاكر إنه لما يقولى كدا هيفرحنى المهم قال لى 75 جنيه مع فرحتى إنى فولت والزحمة ومتعود على أسعار السوق السوداء النااااااااااااااااار إديتله الفلوس ومشيت
كل دا يا راجل ومعرفتناش ع الوزة ؟؟
تحياتى لحضرتك بس معقول حضرتك ماعرفتش من هى الوزة هاهاهاهاهااقتباس:
المشاركة الأصلية كتبت بواسطة mohammedaladel
الوزة تبقى ال speranza a516 و كعادة الشعب المصرى اللى دمه زى العسل بيسمى العربيات بأسماء الحيوانات ارجع لسؤال حضرتك و اؤكد لك بالنسبة للجزء الخاص بأستخدام بنزين 90 او 92 فى عربية بتستخدم لها 80 ان هذا اهدار للمال دون داعى و لن يؤثر على اداء او رفع كفاءة السيارة خاصة ان كهربة العربية بتبقى مضبوطة على بنزين 80 اما بالنسبة لسؤالك فى اسعار البنزين فهى كالتالى 90 ب1.75 و 92 ب1.85 و 95 ب2.20 اما بنزين 98 فهو غير موجود بمصر و انا من سكان القاهرة و كل محطات البنزين سعرها واحد اما بالنسبة للبقشيش اللى بتديه للراجل اللى بيمون لك فدى حاجة ترجع لك و كل واحد على حسب ما يريد لان ده شىء مش اجبارى و لكن نصيحة دائمآ مون من محطة واحدة تكون واثق فيها حتى لو حتمون مرة كل 3 او 5 ايام من مشوار بعيد فالعربية تستحق انك تصونها لانها لم تعد من الكماليات و لكنها من الاساسيات و لك تحياتى
تصحيح بسيط بس بعد اذنك: بنزين 95 تمن اللتر 2.75 جنيه مش 2.20 جنيهاقتباس:
المشاركة الأصلية كتبت بواسطة amgad1521977
احب اضيف ان اللى بقا يحصل فى ظل الازمة انك لما تروح تمون تلاقى الراجل بيزود على حسابك جنيه او اتنين على اساس يعنى ان البنزين مش موجود والواحد مننا بيكون فرحان انه حط بنزين فمش هتفرق معاه جنيه او اتنين فوق ال 70 ولا ال 80 جنيه .. انا فى الحالة دى باخد بالى ومش بسيب تيبس خالص
تحياتى لك
بس على حد علمى إن الوزة تمشى 80 عادى لأنها بكل بساطة شغالة تاكسى زيها زى الفيرنا وأنا عارف إن البنزين 90 أو 92 مش هيزود كفاءة المحرك اللى بيشتغل 80 لكن عايز أعرف هل ليه ضرر على المحرك
اعتقد انه ليس له ضرر و لكن المسألة هنا مسألة تكلفة بمعنى واحد متعود انه يمون على طول عربيته 80 حيجى فى مرة و يمون 90 ما اعتقدش انه حيفكر فى كدة الا لو مضطر و لو مون مرة ثانية 80 مش حيبقى فى ضرر على العربية هى اصلآ بتمشى 80 و كل ده على حسب معلوماتى الشخصيةاقتباس:
المشاركة الأصلية كتبت بواسطة mohammedaladel
تعليق بسيط .... الوزة زيها زي ال m11 زي التيجو .... كبسها المفروض يتمونلها 93 .... نتيجة عدم و جوده التوكيل ينصح ب 92 ....
لو حطيت 95 هتاخد احسن كفاءة
لو حطيت 92 هتلاقي طلعتها بطيئة بس بالتعود بتكون مش مؤثرة
لو حطيت 80 هتلاقي بقي كركرة و تسقيف و بطئ سحب و تجميع ... بالاضافة ان كتر الاعراض السابقة "التصقيف و الكركرة " بيأثر علي المدي الطويل علي عمر المتور نتيجة الانفجارات للبنزين في غير وقت المتعارف عليه لكمبيوتر المتور .... صحيح في سنسور للتظبيط علي احسن و ضع تشغيلي بس مش علشان نحط 80...
و نرجع نقول مش 100 و لا 1000 كيلو اللي هيعملو مشكله انما الاستمرار هوه اللي يأثر في العمر الافتراضي
تمام يا هيما تسلم انت جبت المفيداقتباس:
المشاركة الأصلية كتبت بواسطة hemaa_82
الله يسلمك يا سيد الناس
المهم بقي عايزين نعرف ايه اخبار الكاوتش .... اسعار و ماركات علشان قربنا اهه خلاص
احب اضيف حاجه بسيط بالنسبه لبنزين ال 80 البنزين ده كله طين ووساخه فامثلا لو حطيت بنزين 90 في عربيه كاربرتير مش اهدار للمال بالععكس انت بتحافظ علي المتور وبتحس ان المتور بقي ناعم والصوت بيهدي وافضل في السحب والتجميع وهكذا علي شرط ان يكون المتور حالتو حلوه يعني المكنه مش خافه وطقم الكهربه كويس عشان المكنه تعرف تحرق كويس..وطبعا عشان الناس بتحب توفر فاكلو بيحط 80 بس بعض الصنيعيه يفضل انك تخلط 80 علي90 او كل فتره تفولك تفويله 90 ده بيساعد ان المتور ينتعش وبتنضف الرشاشات داخل المتور
لا أتفق معاك تمام فى النقطة دى لو بنزين 80 مليان طين يبقى 95 مليان طين برضه لأن البنزينة واحدة لكن البنزين دا درجات كل درجة مصممة لعربية معينة والكلام بتاع الميكانيكى دا غلط أصل ناس كتير فاكرة إن كل ما الرقم على فى الأوكتان يبقى البنزين أنظف الكلام دا مش منطقى ومش صحيح خالصاقتباس:
المشاركة الأصلية كتبت بواسطة bkaltalamana
اتفق مع حضرتك و ياريت الناس تعرف و تفرق بين الرقم الاوكتينى و نظافة البنزين و بعد قراءة لموضوع رقم الاوكتين عرفت ان ده ( الاوكتين ) مركب يتم اضافته بديل الرصاص اللى كان بيتضاف قبل كده فى البنزين اما بالنسبة لنظافة البنزين ( اى تنقيته من الشوائب و الرواسب ) فيرجع الى عدة عوامل منها التنك الموضوع تحت الارض و منسوبه خاصة ان فيه شركات وقود تشترط وجود منسوب معين من الاحتياطى يجب ان يتوافر فى المحطة لا يقل عنه و كذلك التنك الذى يتم نقل البنزين فيه من المستودع الى المحطة كذلك الفلاتر الخاصة بالطرمبة التى تسحب البنزين من التنك الارضى الى المسدس و منها الى السيارة و فى النهاية اهتمام صاحب العربية بعربيته عن طريق الصيانة و اعتقد انها ذى المنظومة الشاملة و تقبلو تحياتىاقتباس:
المشاركة الأصلية كتبت بواسطة mohammedaladel
الله ينور عليك كلام مفيد وارجو الكل يتكلم بمنطقيه ويحاول يفهم يعنى ايه تصميم موتور وانه لازم يشتغل على بنزين بدرجه اوكتان معينه اقل منها خراب للموتور واكتر منها كفاءه اعلى فى السحباقتباس:
المشاركة الأصلية كتبت بواسطة hemaa_82