ممكن اعرف 20 الف يجيبوا عربيه 128 موديل تسعينات حالتها كويسه
وياريت اعرف احسن موديل في ال 128 موديل سنه كام
والف شكر
ممكن اعرف 20 الف يجيبوا عربيه 128 موديل تسعينات حالتها كويسه
وياريت اعرف احسن موديل في ال 128 موديل سنه كام
والف شكر
العربيات ال 128 موديل 91 الجراند لوكس
بتكون من 21 الي 23 لو لقيت واحدة ب 20 ودة صعب حتكون حالة مش قد كدة
في عربيات 128 موديل تمانيات دي ممكن تكون في الرينج بتاعك
الف شكر اخي الكريم
تحياتي
انا اعترض
مفيش جراند لوكس بأقل من 23 الف لان ال 128 موديل 88 بتتباع ب 20-23 الف
انا باتكلم عن حاله ميه ميه مفيهاش عيوب
الموديل الافضل لل 128 طبعا هو الجراند لوكس 91
عربيه حديثه من ناحيه الصالون و كمان الموتور و ممكن تلاقى منها فابريكه
ياباشا ممكن تسمع كلامي بقي وخد المفيد
أولا فكك من التسعينات في 128 لانهامش حلوه
ثانيا أنت هتتعب شويه بس ده المفيد
أختار عايز تركب عاده ولا معدل لو أخترت العاده فللك حريه الاختيار ولو خترت معدل قدامك
عربيتيين يا أما 1977 ودي أيطالي يا أما 1978 ودي أبرت ألماني وأنا أملكها 1300cc كما
معروف بس في الاتنين لازم متستعجلش وال هيشتريهالك يكون أمين وعندوا خبره لان العربيات دي
بتبقي قديمه ومحتاجه صبر علشان تجيب حاجه محترمه ولو وقعت علي العربيه المعدل المحترمه فبريكه
جوه ومش محتاجه رش جوه ولا محتاجه سمكره كتير لان أغلب العربيات فيها ترميمات بسيطه
متتردتش وشوف الفرق في قوه وعزم العربيه بين العربيات الي أنا قولتهالك وبين النصر التسعينات يعني
والتمانيات
احسن 128 ركبتها فعلا في حياتي
كانت ال 77 و ال 78 الابارث الايطالي
عربيه تحفه بس قليل لو لقيت منها حاله نضيفه
و لعلمك الوانها احمر و اصفر بس
شكرا علي ارائكم المفيدة بس صعب الواحد يلاقي عربيات موديل سبعينات بحاله جيدة
تحياتي