عملت حادثة بسبب المطبات الجميلة !! الحمد لله

**ahhazem** · 06-07-2012 11:48 PM

ياباشا حمد الله على السلامه
والحمد لله على قد كده
بس اللي انا مستغربله جدا موقف الراجل صاحب المرسيدس
يعني هوا يمشي اللي خبطه وبعدين يقول انه مش غلطان
لو عاوز يبقشش هوا حر بس في الحالات اللي زي دي لازم واحد زي ده يتعاقب علشان ميبقاش يترسم على غيره
يعني كان لازم يتكفل بتمن اللي بوظه ايا كان اللي اتعمل واحنا مالناش دعوة انه ساب اللي خبطه يمشي اصلاً
دي حاجة تحرق الدم بجد

**amr_bekhit** · 07-07-2012 12:04 AM

حمد الله على السلامة يا باشا و فداك

و يكفي ان والدك راجل كوبارة و كبير و ساب الراجل فى حاله و يمكن الراجل مكنش معاه غير الورقة اللى بمتين دي
و صراحة هو سبق و قال يصلحها .. و هو عارف انه ملهوش ذنب و انه اتعمل سندوتش و بجد لازم ادراة المنتدي تعمل صفحة او تقرير اسبوعي للرئاسة من واقع شكاوى المشتركين بالمنتدي عن المطبات الرهيبة و الحفر الفظيعة اللى فى الشوارع المهمه علشان يتابعوها اول بأول

انا متأكد ان تعاوون ادارة المنتدي مع مكاتب الشكاوي و المظالم اللى فتحتها مؤسسة رئاسة الجمهورية ممكن تعمل شغل عالى
و يكون التقرير عن :
المطبات الصناعية غير المطابقة للمواصفات
الحفر العميقة اللى فعلا بتعمل مشاكل للعربيات
الشوارع اللى فعلا محتاج انارة و المفروض العربيات تتجنب تشغيل مصابيحها فيها علشان بتضرب فى عين السائق و تكون الإضاءة العلوية هى الأأمن
امكان التقاطعات اللى محتاجه وجود مروري لضبط التقاطع

بدل ما احنا عاملين نواسي بعض البعض على الفاضي

**Elawany13** · 07-07-2012 12:50 AM

لا حول ولا قوة إلا بالله
انت الخبطات وراك وراك كده !!!

قدر الله وماشاء فعل
وحمد الله على سلامتك وسلامة أسرتك

**MohammedAladel** · 07-07-2012 01:38 AM

المشاركة الأصلية كتبت بواسطة ahhazem

ياباشا حمد الله على السلامه
والحمد لله على قد كده
بس اللي انا مستغربله جدا موقف الراجل صاحب المرسيدس
يعني هوا يمشي اللي خبطه وبعدين يقول انه مش غلطان
لو عاوز يبقشش هوا حر بس في الحالات اللي زي دي لازم واحد زي ده يتعاقب علشان ميبقاش يترسم على غيره
يعني كان لازم يتكفل بتمن اللي بوظه ايا كان اللي اتعمل واحنا مالناش دعوة انه ساب اللي خبطه يمشي اصلاً
دي حاجة تحرق الدم بجد

هو فعلا الراجل غلط لما قال كدا بس محدش يعلم ظروف غيره فى مواقف زى دى الإنسان فينا بيعمل تصرفات كتيرة وبعدين لو على كلامك إن برضه صاحب العربية برغم دا كله غلطان !!!!!!! إزاى بقى ؟ إنه عارف الغلط فين مكنش المفروض سكت ومكنش المفروض قبل البقشيش دا الكلام الحق فعلا لكن فى مواقف زى دى المخبوط بيبقى عايز أى تعويض عن الخساير أى حد فينا كلنا كدا دا الطبيعى يعنى لكن لو هنحسبها بقشيش وكدا يبقى برضه صاحب العربية المخبوطة اللى مش غلطان أصبح غلطان كونه سكت على الخطأ وقبل أنه ياخد مال من شخص هو عارف إنه مش غلطان وفوق دا كله قبل منه بقشيش شفت إنت قلبتها إزاى على صاحب الموضوع ؟؟؟

**SYD** · 07-07-2012 04:51 AM

الحمد لله علي كل حال
والف حمد لله علي سلامتك انت والأسرة الكريمة

بص عايز أقولك حاجة يا أحمد
المطبات دي قديمة مش جديدة

انا النهاردة كنت في داندي مول انا كمان ووانا راجع لاحظت انهم علوها شوية بحيث انك لازم تهدي مش تاخدها وتجري زي الأول
بس في الأول وفي الأخر هي قديمة
انت مالكش ذنب وحتي بتاع المرسيدس مالوش ذنب

انت بس ابقي بخر العربية والبيت وشغل قرآن وبلاش سياح بموضوع انا اتخرجت وجبت كذا وكذا

ربنا يعوض عليك
والف حمدلله علي السلامة مرة تانية

والله المستعان
،
،

**AHMED1718** · 07-07-2012 05:05 AM

حمد لله على سلامتك قدر ولطف

انا عارف انها بتخلى الواحد متعكنن ومتضايق بس فكر فيها من نحية ان ربنا كرمك بحاجة تفادى حاجة اكبر منها كان ممكن تحصل ونفسيتك هترتاح ان شاء الله

ديما لما بيحصل حاجة زى دى بفكر من المنطق ده