مشكلة في تنك البنزين كورسا 1600

سلامو عليكم يا رجالة الأوبل..........أنا عندي مشكلة في عربيتي الكورسا سيدان هي تبدو بسيطة بس هي مأزماني قوي بصراحة.....المشكلة ان غطا تانك البنزين مفروض شغال مع السنتر لوك بيفتح و بيقفل بالريموت........المشكلة انه ما بقاش شغال دلوقتي......رحت بيها توكيل مقار قالولي ده الماتور بتاع السنتر بتاع غطا التنك عايز يتغير و هو مش موجود و مش بنجيبه عشان فيه مشاكل........الجدير بالذكر انني فهمت من المهندس ان ده عيب شائع في العربية دي.....هل حد قبل كدة من الشباب اللي معاهم نفس العربية وقع في المشكلة دي قبل كدة؟ و هل البتاع ده ممكن يتصلح بدل ما يتغيير؟ في انتظار ردودكم يا أبطال الأوبل

متابع

و هى دى مشكله يا باشا
انزل هاته استيراد لو من سفاح هتاخد ب 200 جنيه
و فك وركب
و العيب اول مره اسمع عنه مش شائع و لا حاجة

حصلت معايا مره و مكانش راضي يفتح خالص. عديت عالكهربائي بتاعي حاول معاها و نضفها و حطها تاني و برده ماشتغلتش, قاللي دور عليها استيراد
نزلت عالحرفيين عند هاني العايدي. علي ما اعتقد كانت ب 90 انا مش فاكر اوي بس الحدود دي
و قاللي تعالي اركبها و قبل مايركبها بيقولي بتاعنك شغاله قعدت اجربها فعلا شغاله زي الفل طلعت كانت معلقه و ماشتريتش حاجه و بقالها دلوقتي اكتر من 8 شهور

انا حصل معايا برضه ولسة بيحصل كورسا 2005
بس انا بفتحو بسلكة او مفك وكبر دماغى

أنا عندي نفس المشكلة من زمان .. و سايبه مفتوح من ساعتها.

بس أول مره أعرف انها مشكلة متكررة كده.