الموضوع: اكسنت 99 1500 ( طلب تسعير )

السلام عليكم ورحمة الله وبركاته الاخوة الكرام

بعد التحية كل سنة وحضراتكم طيبين
هدخل ف الموضوع على طول

كنت عاوز اعرض عربيتي للبيع
ودا لانى عايز اكبر شوية لان ان شاء الله في بيبي جي وهحتاج شنطة كبيرة (كارسيت - شنطة البيبي ....الخ )
وحاسس ان الاكسنت شنطتها مش هتساعي كل دا
فقررت ان شاء الله انى ابيع وازود واجيب حاجة اكبر وشنطتها اووووووسع

بيانات السيارة كالاتى :-
1-ماركة السيارة: هيونداى اكسنت كوري او خليجي
2-الموديل/السنة:1999
3-عدد الكيلومترات:164000
4- نوع ناقل الحركة ( مانيوال )
5-لون السيارة: فضي مدي على ذهبي (ف الرخصة ذهبي )
6-الكماليات (سنتر اصلي-تكييف-زجاج كهرباء امامي - باور-اريال كهرباء )
7-حالة الصاج او الخوارج (راشة بره)
8-حالة الدواخل (راشة حوض نتيجة حادثة ولم تؤثر على اى من الاساسيات )
9-حالة الصالون ( جيد جدا - فرش الفابريكة)
10-الحالة العامة او التقييم العام للسيارة (حالة نادرة)
11-حالة البطارية:ممتازه
12-حالة الكاوتش (الاتنين اللى قدام 3000 كم واللى ورا مش جداد ولكن مش عاوزين يتغيروا)
13-السعر المبد ئي كام (؟؟؟؟؟؟)
14-اسم صاحب الاعلان ورقم هاتفة:
15-تاريخ انتهاء الرخصة؟رخصة سنة من حوالى شهرين
16-امكانية البيع ...........
18-حالة الموتور:جيد جدا
19-مكان المعاينة:...............
20- سعة المحرك اللترية و عدد السلندرات:1500 cc
21- العفشة متغير فيها حاجات جديدة واللى مش متغير سليم الحمد لله
والله قابلت ميكانيكي قال لي 500 جنيه واخليهالك فبريكة دواخل كلها ومفيش دكر هيعرف
قلت له ماعطلكش وبطلت اتعامل معاه

العربية انا وصفت حالتها بكل امانة
والصور هحطها
علشان التسعير يبقى قريب الى الواقع
وعلشان ماظلمش حد ولا اتظلم
انا عاوز اعرف لو هبيع ابيع بكام
انا مش مستعجل عالبيع بصراحة
بس عاوز اعرف هيبقى رينجها كام

والصور اهه

من 32 لــ 34 يا باشا (نزلت في رينج سعرها الطبيعي ألفين علشان راشه حوض)

ونصيحتي خليها معاك شويه عربيتك ممتازه ومصاريف صيانتها قليله
ما تبيعهاش إلا لو كنت هتجيب حاجه زيرو

بالتوفيق