الفيرنا هيتوقف انتاجها

**abdulkhaleq** · 07-07-2012 01:51 AM

خساره, العربيه دي كانت ممكن تنتج ل 30 سنه قدام بنفس التكنولوجيا سابقة عصرها وأوانها هههههههههه
اتخطفت الصغيره :) :)
(بهزر اوعى تزعل)

**Seifmando** · 07-07-2012 10:59 AM

المشاركة الأصلية كتبت بواسطة ultramisho

انا برضه سمعت كده بسص ياترى هينزلوا ايه بدلها ولا مش هينزلوا حاجة علشان مايقفلوش على اي 10

هو لو فكرنا في تاريخ الفيرنا هنلاقي ان غبور اشترى قولبها طبعا برخص التراب بعد ما اتوقف انتاجها بره وبدأ ينتجها هنا
فيمكن لو اعطيت للخيال العنان يشتري دلوقتي قوالب النيواكسنت الي اتوقف انتاجها برضه وينزلها مثلا باسم نيوفيرنا وهتبقى فكرة حلوة برضه بس هتبقى اكيد تجميع مصري وبسعر اعلى من الفيرنا الحالية مين عارف الله اعلم

طبعاً مع غبور اي حاجة ممكنة
بس صاحبي قاللي ان مفيش فئة جديدة هتنزل في نفس السعر دا
لان غبور ابتدي يطمع شوية وأرخص سيدان عنده هتبقي الاكسنت الجديدة اللي اولها ١٠٠ الف جند

**mahmoud_afifi** · 07-07-2012 06:28 PM

المشاركة الأصلية كتبت بواسطة seifmando

نفس الكلام اللي قالهولي
لما اول عربية في فئتها من هيونداي تبقي الاكسنت اللي اولها ١٠٥ الف فيبقي البديل هيبقي فيرنا كسر زيرو مثلاً ب٦٠الف يعني فرق مش اقل من 45ألف
فكرتني بفاكهة الموسم اللي قربت تخلص ولما موسمها يعدي تلاقي سعرها بقي في السما
أنا بفكر اشتريها زيرو وخصوصاً ان عليها خصم ٢٠٠٠ جنيه

خصم وهمي. هيزود سعرها بعدين يعمل خصم عشان توصل لسعرها الحقيقي.
لو عاوز رأيي انا شايف ناس اشتكت من موضوع اصوات التزييق وحاجات كده ومالهاش حل. ابعد عنها.

المشاركة الأصلية كتبت بواسطة seifmando

طبعاً مع غبور اي حاجة ممكنة
بس صاحبي قاللي ان مفيش فئة جديدة هتنزل في نفس السعر دا
لان غبور ابتدي يطمع شوية وأرخص سيدان عنده هتبقي الاكسنت الجديدة اللي اولها ١٠٠ الف جند

خليها تبقى بداية النهاية لمسترغبور.

**charming** · 08-07-2012 04:35 AM

الفيرنا زى الاغنية الشعبية الرديئة جدا اللى فية ناس بتحب تسمعها وبفرضوها على ودنك
ثلاث اشياء اتمنى اختفأهم الفيرنا والتكتوك والموتسيكلات الصينى

**Ghosts** · 08-07-2012 07:33 AM

المشاركة الأصلية كتبت بواسطة charming

الفيرنا زى الاغنية الشعبية الرديئة جدا اللى فية ناس بتحب تسمعها وبفرضوها على ودنك
ثلاث اشياء اتمنى اختفأهم الفيرنا والتكتوك والموتسيكلات الصينى

للدرجة دى حضرتك شايف أن الفيرنا وحشة؟؟!!
دى شايلة نص مصر ....

**Ghosts** · 08-07-2012 02:56 PM

فاكرين يا جماعة زماااااااااااااان كانت العربيات الفيات مغرقة مصر لأن سياستها كانت على قد فلوسك هتلاقى عربيتك و بعدين مبقاش فى الكلام دة و العربيات الفيات دلوقتى بقت مع فئة معينة من الناس ....

الظاهر أن هيونداى هتطبق النظام دة بعد ما كانت بتتباع لكل الطبقات و أقل عربية هيونداى هتبقى على الأقل ب 100000 جنية ....

العربيات الصينى بكرة هتنتشر جدآ و الناس هتحلف بيها زى ما عملت مع العربيات الكورى ....