واحد شاري بعقد وباع بتوكيل
السلام عليكم..
بصو ياشباب... أنا اشتريت عربية و الوضع كالتالي
العربية بتاعة واحد باعها لواحد تاني بعقد في ابريل 2012 (التاني ده هو اللي أنا اشتريت منه) .. وانا معايا أصل العقد اللي بينهم (عقد وليس توكيل)
اللي أنا اشتريت منه ده, مغيرش رخصة العربية وفضل ماشي بيها كده..
وبعدين أنا اشتريت منه بتوكيل
يبقى أنا معايا أصل عقد الشراء بين صاحب الرخصة الأصلي, وبين اللي أنا اشتريت منه.. ومعايا أصل توكيل من اللي انا اشتريت منه.
أنا عاوز أروح اطلع رخصة باسمي بقة.. فيه ناس قالتلي عشان العقد اللي مابينهم أصلا فات عليه أكتر من شهر (من ابريل 2012), ممكن في المرور يوقفولك الليلة... هل ده صحيح؟ يعني كان لازم الراجل اللي انا اشتريت منه يعمل رخصة باسمه فعليا؟..
حد هنا عنده خبرة يقوللي الدنيا شغالة وأروح ع المرور ولا لأ؟
وبرضو شهادة المخالفات... مدتها شهر ولا 15 يوم؟ فيه ناس بتقول كده وناس بتقول كده
ولكم جزيل الشكر