جامع العزيز بالله

**bHa2** · 07-07-2012 03:28 AM

جامع العزيز بالله ف الزيتون باين او ف حدايق الزيتون
لو ركبت مترو انزل محطه ايه و امشي ازاي

**truss** · 07-07-2012 03:38 AM

تنزل محطة حدائق الزيتون و تعدى المترو و تخش ش. سليم الاول و تمشى مع اتجاه العربيات لحد ما تلاقى تقاطع العزيز بالله فيه عربيات ماشية فيه شمال, تنزل فيه شمال هتلاقى جامع العزيز بالله.

**bHa2** · 07-07-2012 01:38 PM

المشاركة الأصلية كتبت بواسطة truss

تنزل محطة حدائق الزيتون و تعدى المترو و تخش ش. سليم الاول و تمشى مع اتجاه العربيات لحد ما تلاقى تقاطع العزيز بالله فيه عربيات ماشية فيه شمال, تنزل فيه شمال هتلاقى جامع العزيز بالله.

جزاك الله خير ع الاستجابه السريعه :)

**_hema** · 15-07-2012 10:59 PM

لو حضرتك جاى من اتجاه المرج هتنزل فى محطه الزيتون وتخرج من بوابه المترو على نفس الرصيف هتلاقى محل سوبر ماركت جنجا وبجواره محل عصير قصب الشارع اللى على ناصيته المحل اسمه شارع البوسته امشى فى هذا الشارع حتى نهايته ستصل الى شارع سليم الاول ادخل يمين فى شارع سليم الاول وخلى حضرتك ماشى لغايه ماتصل الى تقاطع شارع العزيز بالله مع شارع سليم الاول ادخل شمال شارع العزيز بالله وهتلاقى على شمالك مدرسه العزيز بالله الاعداديه وعلى يمينك مدرسه الجمهوريه وبجوارها محلات لإكسسوارات السيارات والملابس الحريمى الاسلاميه بعد حوالى خمسين متر او مائه متر تقريباً هتلاقى مسجد العزيز بالله وفى اعلاه المستشفى الاسلامى

على شمالك بعد حلوانى امريكانا سويت والفرن الافرنجى

ولو حضرتك جاى من اتجاه حلوان كل اللى هتعمله حضرتك انك هتطلع الكوبرى الداخلى كى تخرج من البوابه السابق شرحها

ولك تحياتى

**_hema** · 15-07-2012 11:09 PM

المشاركة الأصلية كتبت بواسطة bha2

جزاك الله خير يا باشا
انا عديت الكوبري و مشيت يمين جنب سور المترو لحد نزله كوبري كده
ودخلت شمال من هناك و عديت التقاطع و صلت للجامع :)

وجزاك الله كل الخير بدعائك الطيب

الحمد لله تعالى على سلامتك

حضرتك الكوبرى دا اسمه كوبرى العزيز بالله والتقاطع اللى حضرتك عديته عليه دا تقاطع شارع سليم الاول مع شارع العزيز بالله

تحياتى لحضرتك