ما رايكم افيدوني في الكاوتش الكونتنتال

**marawansabry** · 07-07-2012 01:13 PM

السلاموا عليكم ورحمة الله وبركاتة:

انا معايا فانتازيا وهي نازلة بكاوتش كونتنتال .. ودلوقتي خلاص الكاويش عمل 60000 وبصراحة مشتكتش منه خالص المقاص بتاعة 15 /195 .. المهم اتصلت بواحد اسمة بركات موزع لوكيل كونتنتال قالي ان اللي موجود كونتنتال فرنساوي للمقاس دة وقالي ان المقاس دة الوكيل بينزلة فرنساوي وان سعر الكاوتش الواحد 480 جنية شامل الترصيص والنيتروجين والبلوف وفي كلام تاني لما اجي .. اية رايكم افيدوني افادكم الله في حد جرب الكونتنال الفرنساوي دة ولا لا ورايكم فيه ايه .. لان اللي راكب عندي اعتقد انه الماني ميش فرنساوي وخايف اجيب الفرنساوي يطلع فية مشاكل مع طبيعية الطرق الجميلة اللي عندنا .. وشكرا

:b4_048:

**Kareem Fawzy** · 07-07-2012 01:59 PM

عايز رأيي خليك فى بريدجستون

**MohammedAladel** · 07-07-2012 03:17 PM

كونتينتال الألمانى ما أعتقدش إن فيه حاجة أعلى منه على مستوى العالم أنا أسمع إنه بينزل فى بورش وماكلارين والعربيات الفارهة بس أكيد إصدارات خاصة أنا عن نفسى فى الميجان تخيل لو قلتلك الكاوتش ماشى 106 ألف كيلو الخلفى والأمامى تم تغييره ؟؟؟؟ مقاس r16 205 55 ياريت تسأل لى عن سعره :) ألمانى أو حتى فرنساوى

**marawansabry** · 07-07-2012 05:49 PM

المشاركة الأصلية كتبت بواسطة mohammedaladel

كونتينتال الألمانى ما أعتقدش إن فيه حاجة أعلى منه على مستوى العالم أنا أسمع إنه بينزل فى بورش وماكلارين والعربيات الفارهة بس أكيد إصدارات خاصة أنا عن نفسى فى الميجان تخيل لو قلتلك الكاوتش ماشى 106 ألف كيلو الخلفى والأمامى تم تغييره ؟؟؟؟ مقاس r16 205 55 ياريت تسأل لى عن سعره :) ألمانى أو حتى فرنساوى

طيب اللي عند حضرتك الماني برضة ميش فرنساوي .. انا عارف ان الشركات دي ميش هتنزل حاجة وحشة بس المهم تبقي مناسبة للطرق بتاعتنا علشان مطلعش بقاليل (جمع بوقليلة) .. بس لو حد جربه هيبقي طبعا هيقدر يقلنا تقييم دقيق .. وشكرا

**amrelzawawy** · 07-07-2012 06:13 PM

انت فى نفس الحيره اللى انا فيها محتار بين الكونتيننتال والكومهو والهانكوك والجوديير لان دول كلهم فى نفس السعر من 450 الى 500 وبعدت عن البريدجستون والميشلين لانهم فوق ال500 حسب النقشه ....انا بالنسبالى هشوف احسن نقشه مع افضل مكان تصنيع وهاتوكل على الله ....ياريت تفيدنى فين فى نبيل الوقاد ...وعلى فكره من 3 شهور بس الشركه اعلنت ان وكيلها اسمه برو ايجيبت فى مصر هل ده وكيل ليه ولا لا اصل ناس كثير واخده بالصيت وحاطط يافطة النوع يبقى الناس فاكراه وكيل لانى بفضل اشترى من الوكلاء عشان التخزين بيكون صح وده مهم ....شوف النقشه اللى بالسعر ده اسمه ايه وهفيدك تستاهل ولا لا

**Formulator** · 07-07-2012 06:54 PM

لو مالقيتش Continental ألمانى، بلاش كونتى خاااااااااالص.. من أساسه.
أعتقد اللى بينزل فـ الأوكتافيا Conti PremiumContat2،

لو عايز تعلى بالـgrade هات Sportكونتاكت من نفس المقاس بتاعك.. هتلاقى هاندلينج ثبات وفرامل تحديدا أعلى من الـPremium

بس بشرط Made in Germany زى ماقولتلك فوق..!!

- كاوتش البرافو الكونتينينتال قعد فوق الـ60000 كم، وكان يقعد أكثر والله (وخد بالك دى عربية تربو).
ليا أصحاب معاهم برافو T-JET لما غيروا، قولتلهم Conti طبعا.. للأسف لقيناه إندونيسى فـ المقاسات دى 205 و 225
الـ195 فرنساوى زى مانت بتقول، بس برضه لأ.
قالك Tyre Engineered in Germany ؟؟!!! ياسلااااااااااااااام؟!!

لو ملقيتش Conti ألمانى-ألمانى، هتجيب:
- بيريللى P7 Cinturato أو بريدجستون Turanza Gr-90 أو ميشلان Energy
لو بتدور على حاجة تعيش معاك، وأداؤها تمام.. وماتقرفكش..؟!!

غير كده لأ، أووووووووووووعى تجي كونتى مش ألمانى.. (وبالذات الإندونيسى ده لأ).

Rgds،

**MohammedAladel** · 08-07-2012 12:07 AM

بركات م نصر 74 عكارات عثمان
24037415
م الجديده
24151260
المقطم
25088661
منقول للإفادة مكان وتليفونات موزعين كونتينتال

**marawansabry** · 08-07-2012 11:08 AM

المشاركة الأصلية كتبت بواسطة amrelzawawy

انت فى نفس الحيره اللى انا فيها محتار بين الكونتيننتال والكومهو والهانكوك والجوديير لان دول كلهم فى نفس السعر من 450 الى 500 وبعدت عن البريدجستون والميشلين لانهم فوق ال500 حسب النقشه ....انا بالنسبالى هشوف احسن نقشه مع افضل مكان تصنيع وهاتوكل على الله ....ياريت تفيدنى فين فى نبيل الوقاد ...وعلى فكره من 3 شهور بس الشركه اعلنت ان وكيلها اسمه برو ايجيبت فى مصر هل ده وكيل ليه ولا لا اصل ناس كثير واخده بالصيت وحاطط يافطة النوع يبقى الناس فاكراه وكيل لانى بفضل اشترى من الوكلاء عشان التخزين بيكون صح وده مهم ....شوف النقشه اللى بالسعر ده اسمه ايه وهفيدك تستاهل ولا لا

بركات م نصر 74 عكارات عثمان
24037415
م الجديده
24151260
المقطم
25088661
منقول للإفادة مكان وتليفونات موزعين كونتينتال