المشاركة الأصلية كتبت بواسطة مصراوي جدا
الموضوع ليس له علاقة بعيوب بالسيارات او بموديلات 2013 الجديدة او بجمارك هيتم تخفيضها
اي متابع للسوق في مصر بشكل عام هيلاقي ان الوضع الاقتصادي للأسف سيء جدا نتيجة الظروف السياسية اللي البلد بتمر بيها
مفيش لا بيع ولا شراء في حاجات كتير ودليل ده ان منتجات كتير اوي بتعمل تخفيضات ومسابقات ودعاية واشتري واحد وخد واحد واشتري واكسب هدايا ....كل ده بيدل على ان مفيش بيع وده معناه راس مال معطل وتراكم بضائع واي تخفيض بيكون الغرض منه تحقيق سيولة لراس المال
كنت قريت مرة زمان ان لو عايز تعرف الوضع الاقتصادي لبلد كويس ولا لأ شوف الجرايد بتاعتهم
لو مليانة اعلانات فاعرف ان الوضع الاقتصادي سيء جدا والعكس صحيح لو الاعلانات قليلة او معقولة فالوضع الاقتصادي جيد واعتقد ده كلام سليم ويوضح وضع اقتصادنا عامل ازاي دلوقتي
بخصوص الشارك فالتخفيض عليها بالذات لأن مبيعاتها قليلة انما البومة مثلا ما اتعملش عليها تخفيض
يعني مفيش تغيير في الجمارك ولا حاجه وكذلك ولا الضرايب
اما عن تغيير الشكل فالمعلومة المؤكدة ان البومة والشارك مستمرين في 2013 بنفس الشكل الحالي وبدون أي تعديل نهائي
اخيرا ارجو من الله ان يصلح احوال البلد خاصة في الأيام المباركة شهر شعبان وشهر رمضان
وكل عام وانتم بخير