خبراء النوبيرا الاوتوماتيك اخر كلام فى الفتيس

**elshreef_hemo** · 07-07-2012 10:58 PM

ياريت كل اللى معاه نوبيرا اوتو يقولى تجربته مع الفتيس علشان الكلام كتر ناس تقول كويس لو بتصينه وتغيرله زيت مش هيبوظ وناس تقول بيفصل لوحده ومش بيتحمل المشى الكتير ... فانا عايز اخد النصيحة من ملاك العربية الفعليين عشان قدامى نوبيرا 2001 احتمال كبير اخلص فيها بس متردد ماللى بسمعه
وكمان سعر الفتيس لو حد اشتراه
قريب ياريت يقولنا سعره كام عشان قريت عالنت ان سعره استيراد ب 1000 وناس تقول ب 3000 !! والا هية انواع والا ايه؟؟؟
ولو هتقل عليكم ازاى اعرف حالة الفتيس وانا بجرب العربية؟؟
ولكم جزيل الشكر

**aliyosef** · 08-07-2012 03:48 AM

النوبيرا حلوه وجميله بس اخخخخخخخخخخخ من فتيس الاتو ماتيك والمقصات
انا معايا العربيه بقالها سنه ونص مشتكتش من الفتيس خالص غير من شهرين كانت العربيه تمشى لقدام لازم ازود شويه بنزين وبعد كده تشتغل زى الفل والسحب كان هاااااااااااااااايل هى بس الحكايه الاولانيه بس فالكل اجمع انه فتيس بيبوظ ولانى على طول مستعجل وخفت يعملها ويوقف خالص وانا فى اى مشوار سفر غيرته انهارده والحمد لله
هو ب1200 جنيه ومصنعيه 150 وزيت ب200 وخلاص
والحمد لله على كده

**ahmed.zahra** · 08-07-2012 12:15 PM

انا معايا العربية من 8 شهور و الفتيس تمام مفيهوش مشكلة و هي موديل 2004. و انا سمعت كتير عن مشاكل فتيس النوبيرا بس قلت لنفسي لو حتى حغيره كل سنة أو سنة و نصف بتكلفة إجمالية 1500 جنيه لأن هو ده سعره بالمصنعيات بالزيت يبقى انا الكسبان و اشتريت بيهم راحتي. لأن سعر الفتيس الكويس من 1000 إلى 1300 جنيه

**elshreef_hemo** · 08-07-2012 12:54 PM

طب إيه الحاجات اللى اعرف بيها حالة الفتيس كويسة والا لأ؟؟ يعنى مثلا لو فى علامات لتلف الفتيس ياريت تقولولى عليها علشان اعرف وانا بجربها

**Abdooeldoh** · 08-07-2012 02:45 PM

تبص اول حاجة علي لون زيت الفتيس ... لازم يكون احمر نيف
تاني حاجة تجرب العربية كويس و تخليها تجيب الاربع نقلات وتلاحظ بتجيبهم عند rpm كام ... المفروض 2.6 : 3
مافيش حاجة تاني علي قد خبرتي معاه

**Abdooeldoh** · 08-07-2012 02:46 PM

المشاركة الأصلية كتبت بواسطة aliyosef

النوبيرا حلوه وجميله بس اخخخخخخخخخخخ من فتيس الاتو ماتيك والمقصات
انا معايا العربيه بقالها سنه ونص مشتكتش من الفتيس خالص غير من شهرين كانت العربيه تمشى لقدام لازم ازود شويه بنزين وبعد كده تشتغل زى الفل والسحب كان هاااااااااااااااايل هى بس الحكايه الاولانيه بس فالكل اجمع انه فتيس بيبوظ ولانى على طول مستعجل وخفت يعملها ويوقف خالص وانا فى اى مشوار سفر غيرته انهارده والحمد لله
هو ب1200 جنيه ومصنعيه 150 وزيت ب200 وخلاص
والحمد لله على كده

جبته منين؟؟