محتاج مساعدتكم - ميزانيتي 60-70 ألف ، اشتري ايه من الانواع دي

السلام عليكم ورحمة الله وبركاته

أنا محتاج مساعدتكم عشان معنديش خيرة في شراء السيارات ، انا بدور علي عربية اتوماتيك - ميزانيتي 60-70 ألف ، اشتري ايه من الانواع دي وهل الميزانية دي ممكن تجيب حاجه كويسه منهم:

1- أفيو
2- فيرنا
3- لوجان
4- لانسر بومة 2005 او 2006
5- كيا سيراتو 2006-2007

انا محتار مابين اني اجيب عربية حديثة شويه يعني 2008-2009 وتكون مشيت قليل زي الفيرنا و الأفيو مثلاً ........ او اجيب حاجه ياباني بس قديمة شويه زي لانسر بومة بس بتكون معدية 150000 كيلو متر و ممكن تعملي مشاكل بعد كدا وتفتح بؤة ........

محتاج مساعدتكم ومشورتكم ، ولو حد عنده اختيارات تانية ياريت يقولي

لوجان اوتوماتيك لسه طالعه جديد سنه 2012 فمستحيل تلاقى منها مستعمل

سيراتو الشكل القديم (قبل 2009) قطع غيارها نادره و غاليه لانها منزلتش غير سنتين و شكراً

افيو اتوماتيك فيها كذا مشكله موجودين فى قسم الشيفروليه فى نايل موتورز (الفرامل - ارتفاع عداد rpm) اقراهم بنفسك قبل ما تفكر تشتريها

يبقى امامنا فيرنا و لانسر بوما ....

لانسر بوما لو بحاله جيده جدا و عامله 200 الف كيلو احسن بمراحل من الفيرنا

اقول لحضرتك على اختيارين كمان مش موجودين فى الليست بتاعتك ؟!

تويوتا كورولا اوتوماتيك موديلات قبل 2005 (بشرط الحاله الجيده) و سعرها لن يتجاوز 70 الف جنيه

اوبل فيكترا اوتوماتيك موديلات اوائل الالفينات سعرها فى حدود 60 الف

ربنا يوفقك ....

ممكن كمان هيونداي 2006 الالنترا كاملة اوتوماتيك في نفس الفئة السعرية وهتكون حالتها نضيفة في السعر ده وكمان قطع غيار متوفرة وبسعر مقبول اووي..

اقتباس:

---

المشاركة الأصلية كتبت بواسطة start_wow

ممكن كمان هيونداي 2006 الالنترا كاملة اوتوماتيك في نفس الفئة السعرية وهتكون حالتها نضيفة في السعر ده وكمان قطع غيار متوفرة وبسعر مقبول اووي..

---

+1111111111111111

الالنترا تحفه بجد انت اما بومه او النترا اختار انت ياكبييييييييييييير

النترا 2006 على طول ممتازة فى كل شىء ولو عرفت تجيب بوما نظيفة يبقى احسن طبعا بس مش هتلاقى بومة اقل من 75 الف نظيفة وشكرا

شكراً علي مساعدتكم ....... ربنا يكرمكم ........ هو انا مابدور علي الالينترا 2007 مثلاً ....... الكيلوميترات بتاعتها بتبئا عاليه قوي ....... يعني فوق 150000 ........... هل دا ممكن يعمل مشكلة بعد كدا ......... وعايز اعرف ايه هو حدها الاقصي ، ولو حد يعرف مراكز معتمدة في محيط مدينة نصر او بالقرب منها ياريت يقولي ........ ربنا يكرمك مرة أخري وشكراً جدا علي المساعدة

اقتباس:

---

المشاركة الأصلية كتبت بواسطة t_kha83

شكراً علي مساعدتكم ....... ربنا يكرمكم ........ هو انا مابدور علي الالينترا 2007 مثلاً ....... الكيلوميترات بتاعتها بتبئا عاليه قوي ....... يعني فوق 150000 ........... هل دا ممكن يعمل مشكلة بعد كدا ......... وعايز اعرف ايه هو حدها الاقصي ، ولو حد يعرف مراكز معتمدة في محيط مدينة نصر او بالقرب منها ياريت يقولي ........ ربنا يكرمك مرة أخري وشكراً جدا علي المساعدة

---

ياااااااريت تفكك من النترا 2007 خليك فى الشكل الى قبلها احسن منها بكتيييييييييييييييير